Friday, February 22nd, 2019

മുത്തലാഖ് ചൊല്ലിയ ഭര്‍ത്താവിനും രണ്ടാം ഭാര്യക്കും ബന്ധുക്കള്‍ക്കുമെതിരെ കേസ്

തലാഖ് നിയമ വിരുദ്ധമാണെന്ന് ചൂണ്ടിക്കാട്ടിയാണ് പരാതി.

Published On:Aug 9, 2018 | 12:13 pm

പയ്യന്നൂര്‍: ആദ്യ ഭാര്യയെ മുത്തലാഖ് ചൊല്ലി ഒഴിവാക്കിയ യുവാവിനും രണ്ടാം ഭാര്യക്കും ബന്ധുക്കള്‍ക്കുമെതിരെ കോടതി കേസെടുത്തു.
കാങ്കോല്‍ ന്യൂ ഹൗസില്‍ താമസിക്കുന്ന അബ്ദുള്‍ സലാമിന്റെ മകള്‍ ആരിഫ (23) യാണ് ഭര്‍ത്താവ് പയ്യന്നൂര്‍ പെരുമ്പ എസ് കെ ഹൗസില്‍ താമസിക്കുന്ന ലിയാക്കത്ത് അലി ഖാന്‍ (35), രണ്ടാം ഭാര്യ പെരുമ്പ അരിയാപ്രത്തെ സുഹൈല (28) തുടങ്ങി പത്തോളം പേര്‍ക്കെതിരെ പയ്യന്നൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ പരാതി നല്‍കിയത്. ഹരജി ഫയലില്‍ സ്വീകരിച്ച കോടതി എതിര്‍കക്ഷികള്‍ക്ക് കോടതിയില്‍ ഹാജരാകുന്നതിന് നോട്ടീസയക്കാന്‍ ഉത്തരവായി.
ലിയാക്കത്തലിയുടെ മാതാപിതാക്കളായ അബ്ദുള്‍ ഖാദര്‍ (65), എസ് കെ ബീഫാത്തിമ (58), ബന്ധുക്കളായ ഹബീബ അബൂബക്കര്‍ (38), അബൂബക്കര്‍ (48), നിസാര്‍ (40), എസ് കെ നൗഷാദ് (40) രണ്ടാം ഭാര്യ സുഹൈലയുടെ പിതാവ് മുസ്തഫ (69), മുജീബ് അരയാപ്രം (40) എന്നിവരാണ് മറ്റ് പ്രതികള്‍.
2013 മാര്‍ച്ച് 31നാണ് പരാതിക്കാരിയായ ആരിഫയെ ലിയാക്കത്ത് അലി വിവാഹം ചെയ്തത്.ഈ ബന്ധത്തില്‍ നാല് വയസ്സുള്ള ഒരു ആണ്‍കുട്ടിയുണ്ട്. വിവാഹ സമയത്ത് നാല് ലക്ഷം രൂപയും 60 പവനും സ്ത്രീധനമായി നല്‍കുകയും ഇതിന് പുറമെ വീട് വെക്കാന്‍ 15 ലക്ഷം രൂപ ആവശ്യപ്പെട്ടതിനെ തുടര്‍ന്ന് പരാതിക്കാരിയുടെ മാതാവ് 15 സെന്റ് വസ്തു പരാതിക്കാരിക്ക് ദാനം നല്‍കുകയും ചെയ്തു. എന്നാല്‍ ഭര്‍ത്താവിന്റെ നിര്‍ബന്ധപ്രകാരം ഈ വസ്തു പിന്നീട് ഭര്‍ത്താവിന്റെ പേരില്‍ എഴുതി കൊടുക്കുകയും ചെയ്തുവത്രേ. ഇതില്‍ ഒരു വീടും നിര്‍മ്മിച്ചു. ഇതിനിടയിലാണ് കഴിഞ്ഞ മാസം 13ന് ഭാര്യയായ ആരിഫയെ ലിയാക്കത്ത് അലി ഖാന്‍ മൂന്ന് തലാഖും ഒന്നിച്ച് ചൊല്ലി ബന്ധം വേര്‍പ്പെടുത്തിയതെന്നാണ് പരാതി.
തലാഖ് നിയമ വിരുദ്ധമാണെന്നും തന്നെ നിര്‍ബന്ധിച്ച് കൈവശപ്പെടുത്തിയ വസ്തുവും സ്ത്രീധന തുകയും ആഭരണങ്ങളും തിരിച്ചുകിട്ടണമെന്നും തനിക്കും കുട്ടിക്കും ചെലവിനായി 1,20,000 രൂപാ വീതം ലഭിക്കണമെന്നും വീട് നിര്‍മ്മിക്കാന്‍ എടുത്ത 20 ലക്ഷം രൂപയുടെ കടബാധ്യത തീര്‍ത്തു തരണമെന്നും ആവശ്യപ്പെട്ടാണ് അഡ്വ. കെ വിജയകുമാര്‍ മുഖേന ആരിഫ കോടതിയില്‍ പരാതി നല്‍കിയത്.

 

LIVE NEWS - ONLINE

  • 1
    32 mins ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 2
    3 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 3
    4 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 4
    5 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 5
    6 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 6
    7 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 7
    7 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം

  • 8
    8 hours ago

    മിന്നല്‍ ഹര്‍ത്താല്‍; ഡീന്‍ നഷ്ടപരിഹാരം നല്‍കണം: ഹൈക്കോടതി

  • 9
    8 hours ago

    മിന്നല്‍ ഹര്‍ത്താല്‍; ഡീനിനും കിട്ടി എട്ടിന്റെ പണി