Saturday, January 19th, 2019

കോടതിവിധി ലംഘിച്ച് മുത്തലാഖ്; യുവതി കോടതിയില്‍

2017 ജനുവരി 15നാണ് ഇവരുടെ വിവാഹം കഴിഞ്ഞിരുന്നത്

Published On:Sep 12, 2018 | 12:06 pm

പയ്യന്നൂര്‍: സുപ്രീം കോടതി വിധി ലംഘിച്ച് പയ്യന്നൂരില്‍ വീണ്ടും മുത്തലാഖ്. രാമന്തളി സ്വദേശിക്കെതിരെ യുവതി കോടതിയില്‍. വിവാഹ ബന്ധം മുത്തലാഖ് വഴി വേര്‍പെടുത്തുന്നത് തടഞ്ഞുകൊണ്ടുള്ള സുപ്രീം കോടതി വിധി ലംഘിച്ച് മുത്തലാഖ് ചൊല്ലി വിവാഹബന്ധം വേര്‍പെടുത്തിയെന്ന പരാതിയുമായി തൃക്കരിപ്പൂര്‍ ഉടുമ്പുന്തലയിലെ കെ എന്‍ റമീസ (20)യാണ് അഡ്വ: കെ സുകുമാരന്‍ മുഖേന ഭര്‍ത്താവ് രാമന്തളി പുതിയ പുഴക്കരയിലെ താഴത്തെ പുരയില്‍ മുഹസിന്‍ മുഹമ്മദിനെതിരെ പയ്യന്നൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേട്ട് കോടതിയില്‍ പരാതി നല്‍കിയത്.
2017 ജനുവരി 15നാണ് ഇവരുടെ വിവാഹം കഴിഞ്ഞിരുന്നത്. തുടര്‍ന്ന് മലേഷ്യയിലേക്ക് പോയ മുഹസിന്‍ മുഹമ്മദ് 2017 ഒക്ടോബറില്‍ തിരിച്ചെത്തി. പിന്നീട് കൂടുതല്‍ സ്ത്രീധനം ആവശ്യപ്പെട്ട് നിരന്തരം പീഢനമായിരുന്നുവത്രെ. ഗര്‍ഭിണിയായ തന്റെ വയറ്റില്‍ ചവിട്ടിയതിനെ തുടര്‍ന്ന് ഗര്‍ഭം അലസിപ്പോവുകയും ഇതേ തുടര്‍ന്ന് ഗാര്‍ഹിക പീഢന പരാതി നല്‍കിയിരുന്നതായും റമീസ പരാതിയില്‍ പറയുന്നു. ഇതിനിടയിലാണ് മുത്തലാഖ് ചൊല്ലി വിവാഹബന്ധം വേര്‍പെടുത്തിയതായി മുഹസിന്‍ മുഹമ്മദ് ഉടുമ്പുന്തല ജമാഅത്ത് കമ്മറ്റിയെ അറിയിച്ചത്. ഈ വിവരം കമ്മറ്റി റമീസയെ അറിയിച്ചതിനെ തുടര്‍ന്നാണ് പരാതിയുമായി കോടതിയിലെത്തിയത്. മുത്തലാഖ് നിരോധിച്ചുകൊണ്ടുള്ള സുപ്രീം കോടതി വിധി വന്നശേഷം പയ്യന്നൂരിലെ രണ്ടാമത്തെ പരാതിയാണിത്. നേരത്തെ കാങ്കോലിലെ ആരിഫ അഡ്വ കെ വിജയകുമാര്‍ മുഖേന ഭര്‍ത്താവിനും ബന്ധുക്കള്‍ക്കും രണ്ടാം ഭാര്യക്കുമെതിരെ പരാതി നല്‍കിയിരുന്നു.

 

LIVE NEWS - ONLINE

  • 1
    13 hours ago

    ഖനനം; സമരക്കാരുടെ ആവശ്യം ന്യായം: കാനം

  • 2
    13 hours ago

    മെല്‍ബണിലും ജയം; ചരിത്രം രചിച്ച് ഇന്ത്യ

  • 3
    14 hours ago

    കൃഷ്ണഗിരിയിലെ വിജയ ശില്‍പികള്‍ക്ക് അഭിനന്ദനം

  • 4
    15 hours ago

    ശബരിമലയില്‍ 51 യുവതികള്‍ പ്രവേശിച്ചു: സര്‍ക്കാര്‍

  • 5
    17 hours ago

    ബിന്ദുവിനും കനകദുര്‍ഗക്കും മതിയായ സംരക്ഷണം നല്‍കണം: സുപ്രീം കോടതി

  • 6
    18 hours ago

    എസ്ബിഐ ആക്രമണം; എന്‍ജിഒ യൂണിയന്‍ നേതാക്കള്‍ക്ക് സസ്‌പെന്‍ഷന്‍

  • 7
    18 hours ago

    യുവതിയെയും മക്കളെയും ആസിഡ് ഒഴിച്ച് പൊള്ളിച്ച സംഭവം; ഭര്‍ത്താവ് അറസ്റ്റില്‍

  • 8
    19 hours ago

    സ്വര്‍ണക്കടത്ത്; രണ്ടുപേര്‍ പിടിയില്‍

  • 9
    19 hours ago

    ഇന്ധന വില ഇന്ന് വീണ്ടും വര്‍ധിച്ചു