Wednesday, July 24th, 2019

ഈജിപ്ത് പ്രഥമ പ്രസിഡന്റ് മുഹമ്മദ് മുര്‍സി അന്തരിച്ചു

അറബ് വസന്തത്തിനു പിന്നാലെ ഈജിപ്തില്‍ ജനാധിപത്യപരമായി തെരഞ്ഞെടുക്കപ്പെട്ട ആദ്യ പ്രസിഡന്റായിരുന്നു മുര്‍സി.

Published On:Jun 18, 2019 | 8:40 am

കൈറോ: ജനാധിപത്യ ഈജിപ്തിന്റെ പ്രഥമ പ്രസിഡന്റും മുസ്‌ലിം ബ്രദര്‍ഹുഡ് നേതാവുമായിരുന്ന മുഹമ്മദ് മുര്‍സി (67) അന്തരിച്ചു. കേസുകളുടെ ഭാഗമായി കോടതിയില്‍ ഹാജരായ അദ്ദേഹം വിചാരണക്കിടെ കുഴഞ്ഞുവീഴുകയും തുടര്‍ന്ന് അന്ത്യം സംഭവിക്കുകയുമായിരുന്നു.
ജഡ്ജിക്കുമുമ്പാകെ 20 മിനിറ്റ് സംസാരിച്ച മുര്‍സി ക്ഷീണിതനായി കുഴഞ്ഞു വീഴുകയായിരുന്നുവെന്ന് കോടതി വൃത്തങ്ങളെ ഉദ്ധരിച്ച് ‘അല്‍ജസീറ’ റിപ്പോര്‍ട്ട് ചെയ്തു. കടുത്ത പ്രമേഹവും കരള്‍ രോഗവും ബാധിച്ച മുര്‍സിക്ക് അന്താരാഷ്ട്ര മര്യാദ അനുസരിച്ചുള്ള പരിഗണനകളൊന്നും ജയിലില്‍ ല്യമല്ലെന്നും ഇത് അദ്ദേഹത്തിന്റെ ജീവന്‍ അപകടപ്പെടുത്തുമെന്നും നേരത്തേ കുടുംബം പരാതിപ്പെട്ടിരുന്നു.
2011ല്‍ അറബ് വസന്തത്തിനു പിന്നാലെ ഈജിപ്തില്‍ ജനാധിപത്യപരമായി തെരഞ്ഞെടുക്കപ്പെട്ട ആദ്യ പ്രസിഡന്റായിരുന്നു മുര്‍സി. ഹുസ്‌നി മുബാറക്കിന്റെ 30 വര്‍ഷത്തെ ഏകാധിപത്യഭരണത്തിനും മുര്‍സിയുടെ അധികാരാരോഹണം വിരാമമിട്ടു. 2013 ജൂലൈയില്‍ രാജ്യത്ത് വന്‍ ജനകീയ പ്രക്ഷോഭം അരങ്ങേറി. തുടര്‍ന്നുണ്ടായ പട്ടാള അട്ടിമറിയില്‍ മുര്‍സിയെ അധികാരഭ്രഷ്ടനാക്കി പ്രതിരോധമന്ത്രിയായിരുന്ന അബ്ദുല്‍ ഫത്താഹ് അല്‍സീസി ഭരണം പിടിച്ചു.
നാലു വര്‍ഷത്തേക്ക് അധികാരത്തിലേറിയ മുര്‍സിയെ ഒരു വര്‍ഷത്തിനു ശേഷം പുറത്താക്കിയ സീസി ഭരണകൂടം പിന്നീട് പ്രതികാരനടപടികളിലേക്ക് തിരിഞ്ഞു. ഹമാസുമായി ചേര്‍ന്ന് ഈജിപ്തിലെ പ്രക്ഷോഭകാരികള്‍ക്കെതിരെ ഗൂഢാലോചന നടത്തിയ കേസിലാണ് തിങ്കളാഴ്ച മുര്‍സിയെ കോടതിയില്‍ ഹാജരാക്കിയത്.

 

LIVE NEWS - ONLINE

  • 1
    3 mins ago

    സ്‌കൂള്‍ ബസ് നിയന്ത്രണംവിട്ടു മറിഞ്ഞു കുട്ടികള്‍ക്കു പരിക്ക്

  • 2
    6 mins ago

    എല്ലാം വിലക്ക് വാങ്ങാന്‍ സാധിക്കില്ലെന്ന് ബി.ജെ.പി തിരിച്ചറിയും: പ്രിയങ്ക

  • 3
    46 mins ago

    സ്‌കൂളുകള്‍ക്ക് അവധിയെന്ന് വ്യാജ സന്ദേശം; കേസെടുക്കാന്‍ കലക്ടറുടെ നിര്‍ദേശം

  • 4
    2 hours ago

    ചെറുതല്ല എന്നാല്‍ വലുതും

  • 5
    2 hours ago

    കായിക ലോകം ഇനി ടോക്യോയിലേക്ക്

  • 6
    2 hours ago

    ആട്ടും തുപ്പും സഹിച്ച് സി.പി.ഐ എത്രകാലം മുന്നോട്ടു പോകും: ചെന്നിത്തല

  • 7
    2 hours ago

    പോലീസിനെ കയറൂരി വിട്ടു: ചെന്നിത്തല

  • 8
    2 hours ago

    കായിക ലോകം ഇനി ടോക്യോയിലേക്ക്കായിക ലോകം ഇനി ടോക്യോയിലേക്ക്

  • 9
    2 hours ago

    ഡി.എം.കെ. നേതാവും ഭര്‍ത്താവും വേലക്കാരിയും കൊല്ലപ്പെട്ടു