Thursday, October 18th, 2018

പ്രധാനമന്ത്രി നാളെ മസ്‌കത്തിലേക്ക്

ഒമാന്റെ ചരിത്രത്തില്‍ ആദ്യമായാണ് ഒരു വിദേശ രാഷ്ട്രനേതാവ് വലിയൊരു ജനസമൂഹവുമായി നേരില്‍ സംവദിക്കുന്നത്.

Published On:Feb 10, 2018 | 9:32 am

ദുബായ്: പ്രധാനമന്ത്രി നരേന്ദ്രമോദി ഇന്ന് വൈകീട്ട് യു.എ.ഇ.യുടെ തലസ്ഥാനമായ അബുദാബിയിലെത്തും. വിവിധ പരിപാടികളില്‍ പങ്കെടുത്ത ശേഷം നാളെ ഉച്ചകഴിഞ്ഞ് അദ്ദേഹം ഒമാന്റെ തലസ്ഥാനമായ മസ്‌കറ്റിലേക്ക് പോകും. രണ്ടുദിവസത്തെ പരിപാടികളാണ് ഒമാനിലും പ്രധാനമന്ത്രിക്കുള്ളത്.
പലസ്തീനില്‍നിന്ന് ഇന്ന് വൈകീട്ട് ഏഴ് മണിയോടെ അബുദാബിയിലെത്തുന്ന പ്രധാനമന്ത്രിയുടെ ബഹുമാനാര്‍ഥം അബുദാബി കിരീടാവകാശിയും യു.എ.ഇ. ഉപസര്‍വസൈന്യാധിപനുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ അത്താഴവിരുന്ന് ഒരുക്കുന്നുണ്ട്. ഇന്ത്യയു.എ.ഇ ഉന്നതതല ചര്‍ച്ചകളും ഇതോടൊപ്പം നടക്കും. കിരീടാവകാശിയുടെ കൊട്ടാരത്തില്‍ നടക്കുന്ന അത്താഴവിരുന്നില്‍ ഭരണാധികാരികളും സംബന്ധിക്കും.
നാളെ രാവിലെ അബുദാബിയിലെ രക്തസാക്ഷി സ്മാരകത്തില്‍ ശ്രദ്ധാഞ്ജലി അര്‍പ്പിച്ച ശേഷം ഒമ്പതരക്ക് ദുബായ് ഒപ്പേറ ഹൗസില്‍ ഇന്ത്യന്‍ സമൂഹത്തെ മോദി അഭിസംബോധന ചെയ്യും. അബുദാബിയില്‍ പണിയുന്ന ഹിന്ദു ക്ഷേത്രത്തിന്റെ ശിലാസ്ഥാപനം അദ്ദേഹം ചടങ്ങില്‍വെച്ച് വീഡിയോ കോണ്‍ഫറന്‍സ് വഴി നിര്‍വഹിക്കും. ക്ഷേത്രത്തിന്റെ മാതൃക അനാവരണം ചെയ്യും. തുടര്‍ന്ന് മദീനത് ജുമേര ഹോട്ടലില്‍ നടക്കുന്ന ലോക ഗവണ്‍മെന്റ് സമ്മേളനത്തില്‍ മുഖ്യപ്രഭാഷണം നിര്‍വഹിക്കും. സമ്മേളനത്തിലെ അതിഥിയായാണ് മോദി എത്തുന്നത്. ഉച്ചതിരിഞ്ഞ് അദ്ദേഹം മസ്‌കറ്റിലേക്ക് യാത്രതിരിക്കും.
വൈകിട്ട് മസ്‌കറ്റിലെ റോയല്‍ എയര്‍പോര്‍ട്ടില്‍ എത്തുന്ന പ്രധാനമന്ത്രിയെ ഒമാന്‍ ഉപപ്രധാനമന്ത്രി സൈദ് ഫഹദ് മഹമൂദ് അല്‍ സൈദ് സ്വീകരിക്കും. തുടര്‍ന്ന് ബോഷര്‍ സുല്‍ത്താന്‍ ഖാബൂസ് സ്‌പോര്‍ട്‌സ് സമുച്ചയത്തിലെത്തി പ്രവാസി ഇന്ത്യക്കാരെ അഭിസംബോധന ചെയ്യും. ഇവിടെ കാല്‍ലക്ഷത്തോളം ഇന്ത്യക്കാര്‍ പ്രധാനമന്ത്രിയെ കാണാനെത്തും.
ഒമാന്റെ ചരിത്രത്തില്‍ ആദ്യമായാണ് ഒരു വിദേശ രാഷ്ട്രനേതാവ് വലിയൊരു ജനസമൂഹവുമായി നേരില്‍ സംവദിക്കുന്നത്. സുരക്ഷാ ക്രമീകരണങ്ങളുടെ ഭാഗമായി പാസ് മുഖേനയാണ് പ്രവേശനം. മസ്‌കറ്റ് ഇന്ത്യന്‍ സ്‌കൂള്‍ സോഷ്യല്‍ ക്ലബ് വഴി ഇതിനകം 25,000 പ്രവേശന പാസുകള്‍ വിതരണം ചെയ്തു. ഇന്ത്യന്‍ എംബസി ഉദ്യോഗസ്ഥര്‍ നേരിട്ടാണ് പാസുകള്‍ വിതരണം ചെയ്തത്.

 

LIVE NEWS - ONLINE

  • 1
    10 hours ago

    ഹര്‍ത്താലിനോടനുബന്ധിച്ച് അക്രമമുണ്ടായാല്‍ കര്‍ശന നടപടികള്‍ സ്വീകരിക്കുമെന്ന് ലോക്നാഥ് ബെഹ്റ

  • 2
    12 hours ago

    ശബരിമല കര്‍മസമിതിയും നാളെ ഹര്‍ത്താലിന് ആഹ്വാനം ചെയ്തു

  • 3
    13 hours ago

    ശബരിമലയില്‍ നാളെ നിരോധനാജ്ഞ

  • 4
    16 hours ago

    നിലക്കലില്‍ സംഘര്‍ഷം; കല്ലേറ്, പോലീസ് ലാത്തിവീശി

  • 5
    17 hours ago

    പ്രതിഷേധക്കാരെ അറസ്റ്റ്ചെയ്ത് നീക്കി; മാധ്യമങ്ങള്‍ക്ക് നേരെ ആക്രമണം

  • 6
    18 hours ago

    നാഥനില്ലാ സമരത്തിന് ആളെകൂട്ടേണ്ട ബാധ്യത യോഗത്തിനില്ല: വെള്ളാപ്പള്ളി

  • 7
    20 hours ago

    ശബരിമല: സുഗമമായ ദര്‍ശനത്തിന് സൗകര്യമൊരുക്കണം

  • 8
    20 hours ago

    പമ്പയില്‍ സംഘര്‍ഷം

  • 9
    22 hours ago

    സന്നിധാനത്തെത്തിയ ആരോഗ്യവകുപ്പ് വനിതാ ഉദ്യോഗസ്ഥരെ പരിശോധിച്ചു