Tuesday, June 25th, 2019

മെഡി.ലാബില്‍ വന്‍ തീപിടുത്തം

ഏതാണ്ട് ഒന്നര ലക്ഷം രൂപയുടെ നഷ്ടം കണക്കാക്കുന്നു.

Published On:Sep 3, 2018 | 2:57 pm

തലശ്ശേരി: പാനൂര്‍ മുത്താറി പീടികയിലെ മെഡിക്കല്‍ സ്ഥാപനം തീപിടിച്ച് കത്തിയമര്‍ന്നു. മൊകേരി പഞ്ചായത്ത് ആറാം വാര്‍ഡിലെ കെട്ടിടത്തില്‍ പ്രവര്‍ത്തിക്കുന്ന നസ്ല മെഡിക്കല്‍ ലാബാണ് കത്തി നശിച്ചത്. ചെണ്ടയാട് സ്വദേശി കണ്ണോത്ത് വീട്ടില്‍ ഇബ്രാഹിമിന്റേതാണ് കെട്ടിടം.
തൂവക്കുന്നിലെ കോങ്ങാട്ട് വീട്ടില്‍ ഹുസൈന്‍, നാസര്‍ എന്നിവരാണ് മെഡിക്കല്‍ ലാബ് നടത്തുന്നത്. ഇന്ന് രാവിലെ എട്ടരയോടെയാണ് തീപിടുത്തമുണ്ടായത്. ഫ്രിഡ്ജില്‍ നിന്നുള്ള ഇലക്ട്രിക് ഷോര്‍ട്ട് സര്‍ക്യൂട്ടാണ് അപകടകാരണം എന്ന് അനുമാനിക്കുന്നു. വിവരമറിഞ്ഞ് അഗ്‌നിശമനസേന സ്ഥലത്തെത്തുമ്പോള്‍ തീ ആളി കത്തികൊണ്ടിരിക്കുകയായിരുന്നു.
സേനാംഗങ്ങളുടെ സന്ദര്‍ഭോചിതമായ ഇടപെടലിലൂടെ തീ പടരുന്നത് ഒഴിവാക്കാനായി. ഫ്രിഡ്ജ്, കമ്പ്യൂട്ടര്‍, പ്രിന്റര്‍, ഇന്‍വേര്‍ട്ടര്‍, മെഡിസിന്‍സ്, ഫാനുകള്‍, ഫിക്‌സഡ് ഷെല്‍ഫ് തുടങ്ങിയവ കത്തി നശിച്ചു. ഏതാണ്ട് ഒന്നര ലക്ഷം രൂപയുടെ നഷ്ടം കണക്കാക്കുന്നു.
പാനൂര്‍ ഫയര്‍ ആന്റ് റെസ്‌ക്യൂ സ്‌റ്റേഷന്‍ ഓഫീസര്‍ കെ രാജീവന്റെ നേത്യത്വത്തില്‍ രണ്ട് യൂണിറ്റ് 45 മിനുട്ടിലധികം പ്രയത്‌നിച്ചാണ് തീ നിയന്ത്രണ വിധേയമാക്കിയത്. അസി. സ്‌റ്റേഷന്‍ ഓഫീസര്‍ എന്‍ പി ശ്രീധരന്‍, ലീഡിംഗ് ഫയര്‍മാന്‍ ഒ കെ രജീഷ് എന്നിവര്‍ നേത്യത്വം നല്‍കി.

 

LIVE NEWS - ONLINE

  • 1
    48 mins ago

    റിമാന്റ് പ്രതിയുടെ മരണം; എട്ട് പോലീസുകാരെ സ്ഥലം മാറ്റി

  • 2
    2 hours ago

    മലപ്പുറം ജില്ല വിഭജനം അശാസ്ത്രീയം

  • 3
    4 hours ago

    മൊറട്ടോറിയം; റിസര്‍വ് ബാങ്കിനെ നേരില്‍ സമീപിക്കും: മുഖ്യമന്ത്രി

  • 4
    5 hours ago

    സര്‍വകാല റിക്കാര്‍ഡ് ഭേദിച്ച് സ്വര്‍ണ വില കുതിക്കുന്നു

  • 5
    5 hours ago

    പ്രവാസി വ്യവസായിയുടെ ആത്മഹത്യ: നഗരസഭാ അധ്യക്ഷക്കെതിരെ തെളിവില്ല

  • 6
    6 hours ago

    കണ്ണൂര്‍ സെന്‍ട്രല്‍ ജയിലില്‍ നാലാം ദിനവും റെയ്ഡ്

  • 7
    6 hours ago

    പ്രളയത്തില്‍ 15,394 വീടുകള്‍ തകര്‍ന്നു: മന്ത്രി

  • 8
    6 hours ago

    ദിഷ പട്ടാണിയും ടൈഗര്‍ ഷ്‌റോഫും വേര്‍പിരിയുന്നു

  • 9
    7 hours ago

    നവകേരള നിര്‍മാണം; പ്രതിപക്ഷം ദിവാസ്വപ്‌നം കാണുന്നു: മുഖ്യമന്ത്രി