Monday, December 18th, 2017

ചൈനയില്‍ നിന്നുള്ള മരുന്ന് ഇറക്കുമതി വെട്ടിക്കുറക്കാന്‍ പദ്ധതി

ചൈനയുമായുള്ള ബന്ധം ഓരോ ദിവസം കഴിയുന്തോറും വഷളാവുന്ന സാഹചര്യത്തിലാണ് കേന്ദ്രസര്‍ക്കാരിനെ ഇങ്ങനെയൊരു നീക്കത്തിലേക്ക് നയിക്കുന്നത്

Published On:Oct 9, 2017 | 9:19 am

ചൈനയില്‍ നിന്നുള്ള മരുന്ന് ഇറക്കുമതി വെട്ടിക്കുറക്കാന്‍ കേന്ദ്ര ആരോഗ്യമന്ത്രാലയത്തിന് പദ്ധതി. ചൈനയുമായുള്ള ബന്ധം ഓരോ ദിവസം കഴിയുന്തോറും വഷളാവുന്ന സാഹചര്യത്തിലാണ് കേന്ദ്രസര്‍ക്കാരിനെ ഇങ്ങനെയൊരു നീക്കത്തിലേക്ക് നയിക്കുന്നത്. ഗുണമേന്മയുള്ള മരുന്നകള്‍ മാത്രം ഇറക്കുമതി ചെയ്യുക എന്നതിന് പുറമെ ഇറക്കുമതി ചെയ്യുന്ന സാധനങ്ങളുടെ പരിശോധന കൂടുതല്‍ ശക്തമാക്കാനും കേന്ദ്ര ആരോഗ്യ മന്ത്രാലയത്തിന് പദ്ധതിയുണ്ട്.
രാജ്യം ഇറക്കുമതി ചെയ്യുന്ന മരുന്നിന്റെയും മറ്റ് അനുബന്ധ സാധനങ്ങളുടെയും 70-80 ശതമാനവും ചൈനയില്‍ നിന്നുള്ളതാണ്. അതുകൊണ്ട് തന്നെ നിയന്ത്രണം വലിയ തോതിലുള്ള മരുന്ന് പ്രതിസന്ധി രാജ്യത്ത് സൃഷ്ടിക്കുമെങ്കിലും ഇത് എങ്ങനെ പരിഹരിക്കണമെന്നാണ് ബന്ധപ്പെട്ടവര്‍ ചിന്തിക്കുന്നത്. ഉയര്‍ന്ന ലൈസന്‍സ് തുക, ഉയര്‍ന്ന രജിസ്ട്രേഷന്‍ തുക, ഉയര്‍ന്ന ഇറക്കുമതി തുക, ശക്തമായ സുരക്ഷാ പരിശോധന എന്നിവയിലൂടെ നിയന്ത്രണം കൊണ്ടുവരാമെന്നാണ് വിദഗ്ധ സംഘം സര്‍ക്കാര്‍ പ്രതിനിധികളുമായി നടത്തിയ ചര്‍ച്ചയില്‍ ധാരണയായിട്ടുള്ളത്.
ഇരു രാജ്യങ്ങളും തമ്മിലുള്ള വ്യാപാരം പൂര്‍ണമായും അവസാനിപ്പിക്കുക എന്നല്ല ഉദേശിക്കുന്നത്. മറിച്ച് നിയന്ത്രണം കൊണ്ടുവരികയും അതുവഴി കൂടുതല്‍ ഗുണമേന്മയുള്ള മരുന്നുകള്‍ രോഗികള്‍ക്ക് ഉറപ്പ് വരുത്തുകയുമാണ് ലക്ഷ്യമെന്ന് ഡ്രഗ് കണ്‍ട്രോളര്‍ ജനറല്‍ ഓഫ് ഇന്ത്യാ ജി.എന്‍ സിങ് പറഞ്ഞു. അടുത്തമാസം മുതല്‍ക്ക് തന്നെ സ്ഥാപനങ്ങളില്‍ പരിശോധന തുടങ്ങും. ഡ്രഗ് ആന്റ് കോസ്മെറ്റിക്സ് നിയമത്തില്‍ ഭേദഗതി വരുത്താനും ആലോചനയുണ്ടെന്ന് അദ്ദേഹം പറഞ്ഞു. അതുപോലെ തന്നെ ലൈസന്‍സിങ് ഫീസും ഉടന്‍ വര്‍ധിപ്പിക്കും. അതുവഴി ഇന്ത്യന്‍ മരുന്ന് വിപണിയെ കൂടുതല്‍ വികസിപ്പിച്ച് കൊണ്ടുവരാമെന്നാണ് ഉദ്ദേശിക്കുന്നതെന്നും ജി.എന്‍ സിങ് പറഞ്ഞു

 

LIVE NEWS - ONLINE

  • 1
    1 hour ago

    ഹിമാചല്‍ തിയോഗില്‍ സിപിഎമ്മിന് ജയം

  • 2
    2 hours ago

    ഹിമാചലില്‍ ബി.ജെ.പി മുഖ്യമന്ത്രി സ്ഥാനാര്‍ത്ഥി തോറ്റു

  • 3
    2 hours ago

    വിധിയില്‍ പതറാതെ..കൈപത്തികളില്ലെങ്കിലും ഇന്നവള്‍ ഡോക്ടറേറ്റ് നേടിയിരിക്കുന്നു..

  • 4
    3 hours ago

    മുംബൈയില്‍ കെട്ടിടത്തിന് തീ പിടിച്ച് 12 പേര്‍ വെന്തുമരിച്ചു

  • 5
    3 hours ago

    ഹിമാചല്‍ ബിജെപി തിരിച്ചു പിടിച്ചു

  • 6
    3 hours ago

    സിഐഎ സഹായം; ട്രംപിന് നന്ദി അറിയിച്ച് റഷ്യ

  • 7
    4 hours ago

    വൃത്തിയുള്ള, വെളുത്ത പല്ലുകള്‍..നിങ്ങള്‍ക്കും സ്വന്തമാക്കാം

  • 8
    4 hours ago

    കവര്‍ച്ചാ കേസുകളിലെ പ്രതി ഉള്ളാളില്‍ പിടിയില്‍

  • 9
    4 hours ago

    ഗുജറാത്ത് ബിജെപി നിലനിര്‍ത്തി