Sunday, February 17th, 2019

മന്ത്രി മാത്യു ടി തോമസിനെതിരെ ജെ ഡി എസില്‍ പടയൊരുക്കം

മുഖ്യമന്ത്രിക്കും സി പി എമ്മിനും ഇപ്പോഴും കൂടുതല്‍ താല്‍പര്യം മാത്യു ടി തോമസിനോടാണ്.

Published On:Jul 11, 2018 | 11:40 am

കണ്ണൂര്‍: മന്ത്രി മാത്യു ടി തോമസിനെതിരെ ജെഡിഎസില്‍ പടയൊരുക്കം രൂക്ഷമാവുന്നു. വെള്ളിയാഴ്ച ചേരുന്ന സംസ്ഥാന കൗണ്‍സിലില്‍ മന്ത്രി മാത്യു ടി തോമസിനെ മാറ്റണം എന്നതടക്കമുള്ള ആവശ്യങ്ങള്‍ ഉന്നയിക്കാനാണ് കെ കൃഷ്ണന്‍കുട്ടി വിഭാഗത്തിന്റെ നീക്കം. മാത്യു ടി തോമസ്സും കെ കൃഷ്ണന്‍കുട്ടിയും തമ്മിലെ പോരില്‍ ഇതുവരെ നിഷ്പക്ഷനായിരുന്ന മൂന്നാമത്തെ എം എല്‍ എയായ സി കെ നാണു, കൃഷ്ണന്‍കുട്ടിക്കൊപ്പം നിലയുറപ്പിച്ചു. പാര്‍ട്ടിയുടെ മന്ത്രിയെ ചൊല്ലി സത്യപ്രതിജ്ഞാ സമയത്തും തര്‍ക്കങ്ങളുണ്ടായിരുന്നു.
മന്ത്രിസ്ഥാനം വച്ചുമാറാന്‍ ദേശീയ നേതൃത്വം ഇടപെട്ട് ധാരണ ഉണ്ടാക്കിയിരുന്നുവെന്നാണ് കൃഷ്ണന്‍കുട്ടി വിഭാഗം പറയുന്നത്. ആദ്യത്തെ രണ്ട് വര്‍ഷം മാത്യു ടി തോമസും അവസാന മൂന്ന് വര്‍ഷം കൃഷ്ണന്‍കുട്ടിയും എന്നതായിരുന്നു ധാരണ. വച്ചുമാറല്‍ ഓര്‍മ്മിപ്പിക്കുന്നതിനൊപ്പം മന്ത്രിയുടെ പ്രവര്‍ത്തനം പോരെന്ന പരാതിയും ഇവര്‍ക്കുണ്ട്. അതേസമയം മന്ത്രിസ്ഥാനം വച്ചുമാറുന്നതിനെക്കുറിച്ച് ഒരു ധാരണയും ഇല്ലെന്നാണ് മാത്യു ടി തോമസിനെ അനുകൂലിക്കുന്നവരുടെ നല്‍കുന്ന വിശദീകരണം.
യോഗത്തില്‍ എന്തൊക്ക ചര്‍ച്ച ചെയ്യുമെന്ന് ഇപ്പോള്‍ പറയാനാകില്ലെന്ന് കെ കൃഷ്ണന്‍കുട്ടി പറഞ്ഞു. തര്‍ക്കത്തില്‍ ദേശീയ നേതൃത്വത്തിന്റെ നിലപാട് പ്രധാനമാണ്. ദേശീയ ജനറല്‍ സെക്രട്ടറി ഡാനിഷ് അലി കൊച്ചിയില്‍ ചേരുന്ന സംസ്ഥാന കൗണ്‍സിലിലും സംസ്ഥാന കമ്മറ്റിയിലും പങ്കെടുക്കും. മന്ത്രിസ്ഥാനം പാര്‍ട്ടിക്കാര്യമെങ്കിലും മുഖ്യമന്ത്രിക്കും സി പി എമ്മിനും ഇപ്പോഴും കൂടുതല്‍ താല്‍പര്യം മാത്യു ടി തോമസിനോടാണ്.

 

LIVE NEWS - ONLINE

  • 1
    3 hours ago

    പയ്യന്നൂര്‍ വെള്ളൂരില്‍ വാഹനാപകടം: രണ്ടു പേര്‍ മരിച്ചു

  • 2
    6 hours ago

    പുല്‍വാമ ഭീകരാക്രമണം: വ്യാജ ചിത്രങ്ങള്‍ പ്രചരിപ്പിക്കരുതെന്ന് സി.ആര്‍.പി.എഫ്

  • 3
    11 hours ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 4
    13 hours ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍

  • 5
    14 hours ago

    വസന്തകുമാറിന്റെ കുടുംബത്തെ ഇന്ന് മന്ത്രി ബാലന്‍ സന്ദര്‍ശിക്കും

  • 6
    1 day ago

    പുല്‍വാമ ആക്രമണം: തെളിവുണ്ടെങ്കില്‍ ഹാജരാക്കണമെന്ന് പാക് വിദേശകാര്യ മന്ത്രി

  • 7
    1 day ago

    സ്ഫോടകവസ്തു നിര്‍വീര്യമാക്കുന്നതിനിടെ ജമ്മു കശ്മീരില്‍ സൈനികന്‍ കൊല്ലപ്പെട്ടു

  • 8
    1 day ago

    വസന്ത്കുമാറിന്റെ മൃതദേഹം ജന്മനാട്ടിലേക്ക് കൊണ്ടു പോയി

  • 9
    1 day ago

    കൊട്ടിയൂര്‍ പീഡനം; വൈദികന് 20വര്‍ഷം കഠിന തടവും മൂന്നു ലക്ഷം പിഴയും