Sunday, September 23rd, 2018

‘SONG OF LOVE’; തീപ്പെട്ടിക്കൊള്ളി ഉപയോഗിച്ചുള്ള ആദ്യ വീഡിയോ..!

മാച്ച്സ്റ്റിക് മാന്‍ എന്നറിയപ്പെടുന്ന ഫോട്ടോഗ്രാഫര്‍ ബിവിന്‍ ലാല്‍ ആണ് ഇത്തരമൊരു ആശയത്തിനു പിന്നില്‍

Published On:Jun 26, 2018 | 2:52 pm

തീപ്പെട്ടിക്കൊള്ളികളുടെ പ്രണയഗാനം ഏവരുടേയും മനം കവര്‍ന്നിരിക്കുന്നു. തീപ്പെട്ടിക്കൊള്ളി ഉപയോഗിച്ചുള്ള ആദ്യ വീഡിയോ ‘SONG OF LOVE’ ആണ് ഇപ്പോള്‍ സോഷ്യല്‍ മീഡിയയില്‍ ഹിറ്റാവുന്നത്. മാച്ച്സ്റ്റിക് മാന്‍ എന്നറിയപ്പെടുന്ന ഫോട്ടോഗ്രാഫര്‍ ബിവിന്‍ ലാല്‍ ആണ് ഇത്തരമൊരു വ്യത്യസ്ഥ ആശയവുമായി ഏവരേയും അത്ഭുതപ്പെടുത്തിയിരിക്കുന്നത്.
ഒന്നരമാസക്കാലം കൊണ്ട് പകര്‍ത്തിയ 10,000 ല്‍ അധികം ചിത്രങ്ങളില്‍ നിന്നും തിരഞ്ഞെടുത്ത 5200 ചിത്രങ്ങളിലൂടെയാണ് തഈ വീഡിയോ ഒരുക്കിയിരിക്കുന്നത്. സ്പിരിറ്റ് എന്ന ചിത്രത്തിലെ റഫീഖ് അഹമദിന്റെ വരികള്‍ക്ക് ഷഹബാസ് അമന്‍ ഈണം നല്‍കി ഉണ്ണി മേനോന്‍ ആലപിച്ച മരണമെത്തുന്ന നേരത്ത് എന്ന് തുടങ്ങുന്ന ഗാനത്തിനാണ് തീപ്പെട്ടിക്കൊള്ളി കൊണ്ട് ദൃശ്യാവിഷ്‌കാരം നല്‍കിയിരിക്കുന്നത്.ഒരു തീപ്പെട്ടിക്കൊള്ളി ക്രിയേഷന്‍ എന്നതിനപ്പുറം ഇത് ഒരു സ്‌നേഹസമ്മാനം ആയി കാണാനാണ് താന്‍ ഇഷ്ടപ്പെടുന്നതെന്ന് ബിവിന്‍ലാല്‍. ഷഹബാസ് അമന്റെ പാട്ടുകളോടുള്ള സ്‌നേഹാദരമാണ് ഈ വീഡിയോ എന്നും ബിവിന്‍ ലാല്‍ വ്യക്തമാക്കുന്നു.
തീപ്പെട്ടിക്കൊള്ളിക്ക് ചലനം നല്‍കുന്നതിനുവേണ്ടി നടത്തിയ ആദ്യ ശ്രമങ്ങള്‍ എല്ലാം പരാജയപ്പെട്ടു ആ ശ്രമം തന്നെ ഉപേക്ഷിച്ചു. വീണ്ടും ആ സ്വപ്നത്തെ നെഞ്ചോട് ചേര്‍ക്കാന്‍ പ്രേരിപ്പിച്ചത് ഷഹബാസ് അമന്റെ പാട്ടുകളാണെന്ന് ബിവിന്‍ വ്യക്തമാക്കി.
തീപ്പെട്ടിക്കൊള്ളികള്‍കൊണ്ട് കഥ പറയുന്ന രീതിയില്‍ ഒരുക്കിയ ചിത്രങ്ങളാണ് ബിവിന്‍ ലാലിന്റെ ഫോട്ടോഗ്രാഫിയില്‍ ഏറെയും . ഇതിനു മുമ്പും തീപ്പെട്ടിക്കൊള്ളികൊണ്ട് സ്വാഭാവിക ചലനങ്ങള്‍ ഉള്‍ക്കൊള്ളിച്ചുള്ള ചെറു വീഡിയോകള്‍ ബിവിന്‍ലാല്‍ ചെയ്തിട്ടുണ്ട്.

LIVE NEWS - ONLINE

  • 1
    3 hours ago

    ടി ഡി പി എംഎല്‍എയും മുന്‍ എംഎല്‍എയും വെടിയേറ്റു മരിച്ചു

  • 2
    5 hours ago

    ഹരിയാന കൂട്ടബലാല്‍സംഗം: പ്രധാനപ്രതികള്‍ പിടിയില്‍

  • 3
    7 hours ago

    കന്യാസ്ത്രീക്ക് നീതി ആവശ്യപ്പെട്ട് പ്രകടനം നടത്തിയ ജോയ് മാത്യുവിനെതിരെ പോലീസ് കേസെടുത്തു

  • 4
    9 hours ago

    സിസ്റ്റര്‍ ലൂസിക്കെതിരെ സഭാ നടപടി

  • 5
    11 hours ago

    മദ്രാസ് ഐ.ഐ.ടിയിലെ മലയാളിവിദ്യാര്‍ഥിയെ മരിച്ചനിലയില്‍ കണ്ടെത്തി

  • 6
    11 hours ago

    മുഖ്യമന്ത്രി പിണറായി വിജയന്‍ അമേരിക്കയില്‍ നിന്ന് തിരിച്ചെത്തി

  • 7
    23 hours ago

    ബിഷപ്പിനെ ഞായറാഴ്ച്ച രാവിലെ തെളിവെടുപ്പിനായി കുറവിലങ്ങാട് മഠത്തില്‍ എത്തിക്കും

  • 8
    24 hours ago

    ഗള്‍ഫിലേക്ക് കടത്താന്‍ ശ്രമിച്ച ഹാഷിഷ് പിടികൂടി

  • 9
    1 day ago

    ലോക്‌സഭാ തെരഞ്ഞെടുപ്പില്‍ മികച്ച വിജയം ലക്ഷ്യം: മുല്ലപ്പള്ളി