Thursday, April 25th, 2019

മരട് ശ്മാശാനത്തില്‍ വിവാദം പുകയുന്നു

  കൊച്ചി: കൊച്ചി മരട് പൊതുശ്മശാനത്തില്‍ വിവാദം പുകയുന്നു. പൊതുശ്മശാനമായ മരട് ശാന്തിവനത്തില്‍ പൂര്‍ണമായി സംസ്‌കരിക്കാത്ത രണ്ട് മൃതദേഹങ്ങള്‍ കണ്ടെത്തിയതാണ് വിവാദമായത്. ശ്മശാനം നടത്തിപ്പിന് നിയോഗിച്ചയാള്‍ ഇവിടം വൃത്തിയാക്കിയപ്പോഴാണ് മൃതദേഹങ്ങള്‍ കണ്ടത്. ഇതോടെ ജനം പ്രതിഷേധവുമായി രംഗത്തുവന്നു. വ്യാഴാഴ്ച ഒരേ ചിതയില്‍ ഒരേസമയം രണ്ട് മൃതദേഹങ്ങള്‍ സംസ്‌കരിക്കാന്‍ ശ്രമിച്ചിരുന്നു. ഇത് ശ്രദ്ധയില്‍പ്പെട്ടതിനെ തുടര്‍ന്ന് ബന്ധുക്കളും നാട്ടുകാരും പ്രതിഷേധിക്കുകയും കരാറുകാരനെ അറസ്റ്റുചെയ്യുകയും ചെയ്തിരുന്നു. ഉദയംപേരൂര്‍ സ്വദേശി നന്ദനനെയാണ് പനങ്ങാട് എസ്.ഐ. കെ.എം. ഷംസുദ്ദീന്റെ നേതൃത്വത്തില്‍ അറസ്റ്റുചെയ്തത്. തുടര്‍ന്ന് നഗരസഭാ … Continue reading "മരട് ശ്മാശാനത്തില്‍ വിവാദം പുകയുന്നു"

Published On:Aug 12, 2013 | 4:31 pm

 

കൊച്ചി: കൊച്ചി മരട് പൊതുശ്മശാനത്തില്‍ വിവാദം പുകയുന്നു. പൊതുശ്മശാനമായ മരട് ശാന്തിവനത്തില്‍ പൂര്‍ണമായി സംസ്‌കരിക്കാത്ത രണ്ട് മൃതദേഹങ്ങള്‍ കണ്ടെത്തിയതാണ് വിവാദമായത്. ശ്മശാനം നടത്തിപ്പിന് നിയോഗിച്ചയാള്‍ ഇവിടം വൃത്തിയാക്കിയപ്പോഴാണ് മൃതദേഹങ്ങള്‍ കണ്ടത്. ഇതോടെ ജനം പ്രതിഷേധവുമായി രംഗത്തുവന്നു.

വ്യാഴാഴ്ച ഒരേ ചിതയില്‍ ഒരേസമയം രണ്ട് മൃതദേഹങ്ങള്‍ സംസ്‌കരിക്കാന്‍ ശ്രമിച്ചിരുന്നു. ഇത് ശ്രദ്ധയില്‍പ്പെട്ടതിനെ തുടര്‍ന്ന് ബന്ധുക്കളും നാട്ടുകാരും പ്രതിഷേധിക്കുകയും കരാറുകാരനെ അറസ്റ്റുചെയ്യുകയും ചെയ്തിരുന്നു. ഉദയംപേരൂര്‍ സ്വദേശി നന്ദനനെയാണ് പനങ്ങാട് എസ്.ഐ. കെ.എം. ഷംസുദ്ദീന്റെ നേതൃത്വത്തില്‍ അറസ്റ്റുചെയ്തത്. തുടര്‍ന്ന് നഗരസഭാ ചെയര്‍മാന്റെയും പ്രതിപക്ഷ നേതാവിന്റെയും നേതൃത്വത്തില്‍ ചര്‍ച്ച നടത്തി. ശവസംസ്‌കാര ചടങ്ങുകള്‍ കൈകാര്യം ചെയ്ത് പരിചയമുള്ള മരട് ഇഞ്ചക്കല്‍ സ്വദേശി സദന്‍ എന്നയാളെ താല്‍ക്കാലികമായി നടത്തിപ്പിന് ചുമതലപ്പെടുത്തിയിരുന്നു.
കഴിഞ്ഞദിവസം രാവിലെ ഇയാള്‍ ചിതയൊരുക്കുന്നിടം വൃത്തിയാക്കുമ്പോഴാണ് പൂര്‍ണമായി കത്താത്ത രണ്ട് മൃതദേഹങ്ങള്‍ കണ്ടെത്തിയത്.
വിവരമറിഞ്ഞ് പ്രതിഷേധവുമായി നാട്ടുകാരും സ്ഥലത്തെത്തി. ഇടതുമുന്നണി, ബി.ജെ.പി. പ്രവര്‍ത്തകര്‍ പ്രതിഷേധ പ്രകടനം നടത്തി. ഇതിനിടെ കാറില്‍ ശാന്തിവനത്തിലേക്ക് വന്ന നഗരസഭാ ചെയര്‍മാനെ പ്രതിഷേധക്കാര്‍ വഴിയില്‍ തടഞ്ഞു. തുടര്‍ന്ന് പോലീസെത്തി ചെയര്‍മാനെ വാഹനത്തില്‍ കൊണ്ടുപോവുകയായിരുന്നു.
വിവാദമായതിനെ തുടര്‍ന്ന് ഈ മാസം 15 വരെ ശാന്തിവനത്തിലെ സംസ്‌കാരച്ചടങ്ങുകള്‍ പോലീസിന്റെ കൂടി മേല്‍നോട്ടത്തില്‍ നടത്തും. 15ന് രാവിലെ ഏഴിന് ആര്‍.ഡി.ഒ.യുടെ ഓഫീസില്‍ മരട് നഗരസഭാ ചെയര്‍മാന്റെയും ഹിന്ദു സംഘടനാ നേതാക്കളുടെയും മറ്റും സാന്നിദ്ധ്യത്തില്‍ ചര്‍ച്ച നടത്തി ശ്മശാനം നടത്തിപ്പ് കാര്യങ്ങള്‍ തീരുമാനിക്കും.

LIVE NEWS - ONLINE

  • 1
    6 hours ago

    കനത്ത മഴയ്ക്ക് സാധ്യത: നാല് ജില്ലകളില്‍ യെല്ലോ അലര്‍ട്ട്

  • 2
    7 hours ago

    നിലമ്പൂരില്‍ കനത്ത മഴയില്‍ മരം വീണ് മൂന്ന് മരണം

  • 3
    8 hours ago

    ന്യൂനമര്‍ദം: കേരളത്തില്‍ മുന്‍കരുതല്‍ നടപടികള്‍ സ്വീകരിച്ചതായി റവന്യൂ മന്ത്രി

  • 4
    11 hours ago

    ചീഫ് ജസ്റ്റിസിനെതിരായ ഗൂഢാലോചന അന്വേഷിക്കും; സുപ്രീം കോടതി

  • 5
    13 hours ago

    മലമ്പനി തടയാന്‍ മുന്‍കരുതല്‍ നടപടി

  • 6
    15 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 7
    15 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 8
    15 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 9
    15 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍