Wednesday, September 19th, 2018

മലയാളി ഹാജിമാരുടെ ആദ്യ സംഘം മക്കയിലെത്തി

ഇന്ത്യയില്‍ നിന്നുള്ള ആദ്യസംഘം ജൂലൈ 14 ന് ന്യൂഡല്‍ഹിയില്‍ നിന്ന് മദീനയില്‍ എത്തിയിരുന്നു.

Published On:Aug 3, 2018 | 9:12 am

ജിദ്ദ/മക്ക: മലയാളി ഹാജിമാരുടെ ആദ്യ സംഘം മക്കയിലെത്തി. ഇന്നലെ രാവിലെ 8.30 ഓടെയാണ് നെടുമ്പാശ്ശേരിയില്‍ നിന്നുള്ള സൗദി എയര്‍ലൈന്‍സ് വിമാനം 410 തീര്‍ഥാടകരുമായി ജിദ്ദയില്‍ ഇറങ്ങിയത്. മൂന്നുമണിക്കൂര്‍ വൈകിയാണ് വിമാനം എത്തിയത്. ഇവരെ ജിദ്ദയിലെ ഇന്ത്യന്‍ കോണ്‍സല്‍ ജനറല്‍ മുഹമ്മദ് നൂര്‍ റഹ്മാന്‍ ശൈഖിന്റെ നേതൃത്വത്തില്‍ സ്വീകരിച്ചു. കോണ്‍സല്‍ അനന്ത്കുമാര്‍, കോണ്‍സുലേറ്റ് ഉദ്യോഗസ്ഥരായ ബോബി മാനാട്ട്, മാജിദ് എന്നിവരും നിരവധി സംഘടനാപ്രമുഖരും സ്വീകരിക്കാന്‍ എത്തിയിരുന്നു.
എട്ടുമാസം മാത്രം പ്രായമുള്ള ഫാത്തിമ ഷാസയാണ് ഏറ്റവും പ്രായം കുറഞ്ഞ തീര്‍ഥാടക. നടപടിക്രമങ്ങള്‍ പൂര്‍ത്തീകരിച്ച് സംഘം മക്കയിലേക്ക് പോയി. ഉച്ചക്ക് 12 മണിയോടെ മക്കയിലെത്തി. ഹജ്ജ് കോണ്‍സല്‍ ശാഹിദ് ആലമും മിഷന്‍ ഉദ്യോഗസ്ഥരും വിവിധ സംഘടന വളണ്ടിയര്‍മാരും സ്വീകരിക്കാന്‍ എത്തിയിരുന്നു. അസീസിയ കാറ്റഗറിയിലുള്ള ഹാജിമാര്‍ക്ക് ആറ്, ഏഴ് ബ്രാഞ്ചുകളിലാണ് താമസമൊരുക്കിയത്. ചെറുവിശ്രമത്തിന് ശേഷം ഇവര്‍ ഉംറക്കായി മസ്ജിദുല്‍ ഹറാമിലേക്ക് പോയി. ആദ്യദിവസം രണ്ടുവിമാനങ്ങളാണ് ജിദ്ദയില്‍ എത്തിയത്.
ഇന്ത്യയില്‍ നിന്നുള്ള ആദ്യസംഘം ജൂലൈ 14 ന് ന്യൂഡല്‍ഹിയില്‍ നിന്ന് മദീനയില്‍ എത്തിയിരുന്നു. രണ്ടാഴ്ചത്തെ മദീന വാസത്തിന് ശേഷം അവര്‍ മക്കയിലേക്ക് വന്നുതുടങ്ങിയിട്ടുണ്ട്. ജിദ്ദയിലേക്കുള്ള ആദ്യ വിമാനം ചെന്നൈയില്‍ നിന്ന് ഞായറാഴ്ചയായിരുന്നു. ഇത്തവണ കൊച്ചി അടക്കം 11 എംബാര്‍ക്കേഷന്‍ പോയിന്റുകളില്‍ നിന്നുള്ള ഹാജിമാരാണ് ജിദ്ദയില്‍ എത്തുന്നത്.

 

 

LIVE NEWS - ONLINE

  • 1
    35 mins ago

    ബിഷപ് ഫ്രാങ്കോയെ ഇന്ന് തൃപ്പൂണിത്തുറയില്‍ വെച്ച് ചോദ്യം ചെയ്യും

  • 2
    11 hours ago

    മുസ്ലിം വിഭാഗക്കാര്‍ അടക്കം എല്ലാവരെയും ഉള്‍ക്കൊള്ളുന്നതാണ് ഹിന്ദുത്വമെന്ന് മോഹന്‍ ഭാഗവത്

  • 3
    13 hours ago

    എ.എം.എം.എയ്ക്ക് വീണ്ടും കത്തു നല്‍കി നടിമാര്‍

  • 4
    14 hours ago

    സംസ്ഥാന സ്‌കൂള്‍കലോത്സവം ഡിസംബര്‍ ഏഴുമുതല്‍; മൂന്ന് ദിവസം മാത്രം

  • 5
    16 hours ago

    ഫ്രാങ്കോ മുളക്കലിന്റെ ജാമ്യാപേക്ഷ 25ലേക്ക് മാറ്റി

  • 6
    18 hours ago

    ബിഷപ്പിനെ തൊടാന്‍ പോലീസിന് പേടി: എംഎന്‍ കാരശ്ശേരി

  • 7
    19 hours ago

    വിനോദസഞ്ചാരികളെ ആകര്‍ഷിക്കാന്‍ മെച്ചപ്പെട്ട സൗകര്യങ്ങള്‍ ഒരുക്കണം

  • 8
    19 hours ago

    കണ്ണൂര്‍ മെഡിക്കല്‍ കോളജ്; ആവശ്യമെങ്കില്‍ സിബിഐ അന്വേഷണം: സുപ്രീംകോടതി

  • 9
    20 hours ago

    ബാര്‍ കോഴ; കോടതി വിധി അനുസരിച്ച് പ്രവര്‍ത്തിക്കും;മന്ത്രി ഇപി ജയരാജന്‍