Wednesday, February 20th, 2019

ആത്മഹത്യ ചെയ്ത അധ്യാപകന്റെ ഭാര്യയെ മാനേജ്‌മെന്റ് തൂപ്പുകാരിയാക്കി

കോടതി കയറിയപ്പോള്‍ തൂപ്പുകാരി അധ്യാപികയായി

Published On:Sep 14, 2018 | 11:48 am

മലപ്പുറം: മാനേജ്‌മെന്റിന്റെ പീഡനത്തില്‍ മനംനൊന്ത് ആത്മഹത്യ ചെയ്ത അധ്യാപകന്റെ ഭാര്യയെ അതേ സ്‌കൂളില്‍ തൂപ്പുകാരിയില്‍ നിന്നും അധ്യാപികയാക്കി നിയമിച്ച് സര്‍ക്കാര്‍ ഉത്തരവ്. തിരൂരങ്ങാടി മുന്നിയുര്‍ എം.എച്.എസ്.എസ് സ്‌കൂളിലാണ് നാടകീയ സംഭവങ്ങള്‍ അരങ്ങേറിയത്. സ്‌കുളിലെ പ്യൂണിനെ മര്‍ദ്ദിച്ചുവെന്ന ആരോപണത്തെ തുടര്‍ന്ന് ആത്മഹത്യ ചെയ്ത അനീഷ് എന്ന അധ്യാപകന്റെ ഭാര്യയെയാണ് അധ്യാപികയായി അതേ സ്‌കൂളില്‍ സര്‍ക്കാര്‍ നിയോഗിച്ചത്.
നിയമാനുസൃതമായ ആനുകൂല്യങ്ങള്‍ നല്‍കണമെന്ന സര്‍ക്കാര്‍ ഉത്തരവ് ഉണ്ടായതിനെ തുടര്‍ന്ന് അനീഷിന്റെ ഭാര്യ ഷൈനിയെ സ്‌കൂളിലെ താത്കാലിക തൂപ്പുകാരിയായിട്ടായിരുന്നു സ്‌കൂള്‍ നിയമിച്ചത്. പിന്നീട് അനീഷിന്റെ ഒഴിവിലേക്ക് മറ്റൊരാളെ നിയമിക്കുകയും ചെയ്തു. എന്നാല്‍ ഇക്കാര്യത്തില്‍ ഷൈനി സര്‍ക്കാറിന് പരാതി നല്‍കിയതോടെ കേസ് ഹൈക്കോടതിയില്‍ എത്തുകയും ഉചിതമായ തീരുമാനമെടുക്കാന്‍ ഹൈക്കോടതി സര്‍ക്കാറിന് നിര്‍ദ്ദേശം നല്‍കുകയുമായിരുന്നു.
2014 സെപ്തംബര്‍ രണ്ടിനായിരുന്നു അനീഷ് ആത്മഹത്യചെയ്തത്. മാനസിക പീഡനങ്ങള്‍ അതിരുകടന്നപ്പോഴാണ് ആത്മഹത്യ. സംഭവം നടന്ന ലോഡ്ജ് മുറിയില്‍ രക്തം കൊണ്ട് മുസ്ലിം ലീഗ് നേതാവും സ്‌കൂള്‍ മാനേജറുമായ സൈതലവിയുടെ പേര് എഴുതിവെച്ചതിനു ശേഷമായിരുന്നു അനീഷ് ആത്മഹത്യ ചെയ്തത്. കേസിനെ സംബന്ധിച്ച ക്രൈംബ്രാഞ്ച് അന്വേഷണം പുരോഗമിക്കുന്നതിനിടയിലായിരുന്നു ഷൈനിയെ തൂപ്പുകാരിയാക്കി അനീഷിന് പകരം പുതിയ അധ്യാപകനെ നിയമിച്ചതും തൂപ്പുകാരി അധ്യാപികയായതും.

 

 

LIVE NEWS - ONLINE

  • 1
    10 hours ago

    ജവാന്മാരുടെ മൃതദേഹങ്ങള്‍ തെളിവായി അയയ്ക്കണോ: ക്യാപ്റ്റന്‍ അമരീന്ദര്‍ സിങ്

  • 2
    12 hours ago

    കാസര്‍കോട് ഇരട്ടക്കൊലപാതകം; പിതാംബരന്റെ അറസ്റ്റ് രേഖപ്പെടുത്തി

  • 3
    15 hours ago

    പെരിയ ഇരട്ടക്കൊല; ഗവര്‍ണര്‍ റിപ്പോര്‍ട്ട് തേടി

  • 4
    18 hours ago

    എന്നവസാനിപ്പിക്കും നിങ്ങളീ ചോരക്കുരുതി ?

  • 5
    19 hours ago

    കാസര്‍കോട് സംഭവത്തില്‍ ശക്തമായ നടപടി: മുഖ്യമന്ത്രി

  • 6
    19 hours ago

    പീതാംബരനെ സിപിഎം പുറത്താക്കി

  • 7
    19 hours ago

    പുല്‍വാമയില്‍ വീരമൃത്യു വരിച്ച വസന്തകുമാറിന്റെ കുടുംബത്തിന് 25 ലക്ഷം: മുഖ്യമന്ത്രി

  • 8
    19 hours ago

    വസന്തകുമാറിന്റെ കുടുംബത്തിന് 25 ലക്ഷം രൂപ: മുഖ്യമന്ത്രി

  • 9
    19 hours ago

    പെരിയ ഇരട്ടക്കൊലപാതകം; സിപിഎം ലോക്കല്‍ കമ്മിറ്റി അംഗം അറസ്റ്റില്‍