Sunday, September 23rd, 2018

മലപ്പുറം ജില്ലയില്‍ 295 ആദിവാസി ഊരുകള്‍ തകര്‍ന്നു

മലപ്പുറം: ജില്ലയില്‍ പ്രളയ ദുരന്തത്തല്‍ 295 ആദിവാസി ഊരുകള്‍ തകര്‍ന്നു. ഊര്‍ങ്ങാട്ടിരി, ചാലിയാര്‍, പോത്തുകല്ല്, എടവണ്ണ, കരുവാരക്കുണ്ട് പഞ്ചായത്തുകളില്‍ നാശംവിതച്ച പേമാരിയിലും ഉരുള്‍പൊട്ടലിലും 11 വീട് പൂര്‍ണമായും 600 വീട് ഭാഗികമായും തകര്‍ന്നു. വെറ്റിലപ്പാറ വില്ലേജില്‍ അഞ്ചും ആഢ്യന്‍പാറയില്‍ ആറും വീടുകളുമാണ് ഉരുള്‍പൊട്ടലില്‍ ഒലിച്ചുപോയത്. നെല്ലിയായി കോളനിയിലുണ്ടായ ഉരുള്‍പൊട്ടലില്‍ ഏഴ് പേര്‍ മരിച്ചു. 1541 പേരെയാണ് 20 ദുരിതാശ്വാസ ക്യാമ്പുകളിലായി മാറ്റിപ്പാര്‍പ്പിച്ചത്. 800 പേരെ താമസിപ്പിച്ച ഊര്‍ങ്ങാട്ടിരി വെറ്റിലപ്പാറ ഗവ. ഹൈസ്‌കൂളാണ് മലപ്പുറം ജില്ലയിലെ ഏറ്റവും വലിയ … Continue reading "മലപ്പുറം ജില്ലയില്‍ 295 ആദിവാസി ഊരുകള്‍ തകര്‍ന്നു"

Published On:Aug 21, 2018 | 8:08 am

മലപ്പുറം: ജില്ലയില്‍ പ്രളയ ദുരന്തത്തല്‍ 295 ആദിവാസി ഊരുകള്‍ തകര്‍ന്നു. ഊര്‍ങ്ങാട്ടിരി, ചാലിയാര്‍, പോത്തുകല്ല്, എടവണ്ണ, കരുവാരക്കുണ്ട് പഞ്ചായത്തുകളില്‍ നാശംവിതച്ച പേമാരിയിലും ഉരുള്‍പൊട്ടലിലും 11 വീട് പൂര്‍ണമായും 600 വീട് ഭാഗികമായും തകര്‍ന്നു. വെറ്റിലപ്പാറ വില്ലേജില്‍ അഞ്ചും ആഢ്യന്‍പാറയില്‍ ആറും വീടുകളുമാണ് ഉരുള്‍പൊട്ടലില്‍ ഒലിച്ചുപോയത്. നെല്ലിയായി കോളനിയിലുണ്ടായ ഉരുള്‍പൊട്ടലില്‍ ഏഴ് പേര്‍ മരിച്ചു. 1541 പേരെയാണ് 20 ദുരിതാശ്വാസ ക്യാമ്പുകളിലായി മാറ്റിപ്പാര്‍പ്പിച്ചത്. 800 പേരെ താമസിപ്പിച്ച ഊര്‍ങ്ങാട്ടിരി വെറ്റിലപ്പാറ ഗവ. ഹൈസ്‌കൂളാണ് മലപ്പുറം ജില്ലയിലെ ഏറ്റവും വലിയ ദുരിതാശ്വാസ ക്യാമ്പ്. ഓടക്കയം, നെല്ലിയായി, കുരീരി, ആലാപ്പാറ ഊരുകളിലെ മുതുവ, പണിയ വിഭാഗത്തില്‍പ്പെട്ട 140 കുടുംബങ്ങളിലെ 448 പേരാണ് ഈ ക്യാമ്പില്‍ അഭയംതേടിയത്. തൊട്ടടുത്തുള്ള ഹോളിക്രോസ് കോണ്‍വെന്റ് സ്‌കൂളില്‍ 14 കുടുംബങ്ങളിലെ 33 പേരെയും കക്കാടംപൊയിലില്‍ 19 കുടുംബങ്ങളിലെ 66 പേരെയും താമസിപ്പിച്ചു. എടവണ്ണ പഞ്ചായത്തിലെ മുണ്ടേങ്ങര ക്യാമ്പില്‍ 13 കുടുംബങ്ങളിലെ 24 പേരുണ്ട്. പുള്ളിപ്പാടം ജിഎച്ച്എസ്എസില്‍ 12 കുടുംബങ്ങളിലെ 28 പേരും വീട്ടിക്കുത്ത് റൂബി ചര്‍ച്ചില്‍ 63 പേരും വാടംകോളനിയിലെ സ്വകാര്യ വ്യക്തിയുടെ വീട്ടില്‍ 57 കുടുംബങ്ങളിലെ 213 പേരെയും സുരക്ഷിതമായി താമസിപ്പിച്ചു. ചാലിയാര്‍ പഞ്ചായത്തില്‍ മതില്‍മൂല, നായ്ക്കല്‍ചോല കോളനികളില്‍നിന്നുള്ള 174 പേരെ എരഞ്ഞിമങ്ങാട് യത്തീംഖാനയിലാണ് താമസിപ്പിച്ചത്. വെറ്റിലക്കൊല്ലിയിലുള്ളവരെ മൂലേപ്പാടം ക്യാമ്പിലാണ് താമസിപ്പിച്ചത്. ഇവിടെ 26 കുടുംബങ്ങളിലെ 61 പേരുണ്ട്. ജിഎല്‍പിഎസ് വാളാംകുണ്ടില്‍ 54 പേരെയും എരഞ്ഞിമങ്ങാട് ജിഎല്‍പിഎസില്‍ 63 പേരെയും ഇടിവണ്ണയിലെ ക്യാമ്പില്‍ 46 പേരെയും താമസിപ്പിച്ചു. പൂതാനത്തെ ക്യാമ്പില്‍ 15 കുടുംബങ്ങളിലെ 57 പേരുണ്ട്. കരുവാരക്കുണ്ട് നളന്ദ കോളേജില്‍ 78 പേരയാണ് താമസിപ്പിച്ചത്. കാളികാവ് അടക്കാക്കുണ്ട് ജിഎല്‍പി സ്‌കൂളില്‍ 19 പേരുണ്ട്.

 

LIVE NEWS - ONLINE

  • 1
    1 hour ago

    ഹരിയാന കൂട്ടബലാല്‍സംഗം: പ്രധാനപ്രതികള്‍ പിടിയില്‍

  • 2
    4 hours ago

    കന്യാസ്ത്രീക്ക് നീതി ആവശ്യപ്പെട്ട് പ്രകടനം നടത്തിയ ജോയ് മാത്യുവിനെതിരെ പോലീസ് കേസെടുത്തു

  • 3
    5 hours ago

    സിസ്റ്റര്‍ ലൂസിക്കെതിരെ സഭാ നടപടി

  • 4
    7 hours ago

    മദ്രാസ് ഐ.ഐ.ടിയിലെ മലയാളിവിദ്യാര്‍ഥിയെ മരിച്ചനിലയില്‍ കണ്ടെത്തി

  • 5
    7 hours ago

    മുഖ്യമന്ത്രി പിണറായി വിജയന്‍ അമേരിക്കയില്‍ നിന്ന് തിരിച്ചെത്തി

  • 6
    19 hours ago

    ബിഷപ്പിനെ ഞായറാഴ്ച്ച രാവിലെ തെളിവെടുപ്പിനായി കുറവിലങ്ങാട് മഠത്തില്‍ എത്തിക്കും

  • 7
    20 hours ago

    ഗള്‍ഫിലേക്ക് കടത്താന്‍ ശ്രമിച്ച ഹാഷിഷ് പിടികൂടി

  • 8
    23 hours ago

    ലോക്‌സഭാ തെരഞ്ഞെടുപ്പില്‍ മികച്ച വിജയം ലക്ഷ്യം: മുല്ലപ്പള്ളി

  • 9
    1 day ago

    ബിഷപ്പിനെ കോടതിയില്‍ ഹാജരാക്കി