Monday, November 19th, 2018

മഹീന്ദ്രയുടെ പുതിയ എംപിവി സെപ്തംബറില്‍ ഇന്ത്യയിലേക്ക്

U321 എന്ന കോഡ്നാമത്തില്‍ അറിയപ്പെടുന്ന മോഡലിന്റെ ഔദ്യോഗിക നാമം അവതരണ വേളയില്‍ മാത്രമെ മഹീന്ദ്ര പുറത്തുവിടുകയുള്ളു

Published On:Jul 24, 2018 | 9:18 am

മഹീന്ദ്രയുടെ പുതിയ എംപിവി സെപ്തംബറില്‍ ഇന്ത്യയില്‍ വില്‍പനയ്ക്കെത്തുമെന്ന് റിപ്പോര്‍ട്ട്. U321 എന്ന കോഡ്നാമത്തില്‍ അറിയപ്പെടുന്ന മോഡലിന്റെ ഔദ്യോഗിക നാമം അവതരണ വേളയില്‍ മാത്രമെ മഹീന്ദ്ര പുറത്തുവിടുകയുള്ളു. ഇതിനകം ഒട്ടനവധി തവണ പുതിയ മഹീന്ദ്ര എംപിവി ക്യാമറയ്ക്ക് മുന്നില്‍പ്പെട്ടു കഴിഞ്ഞു. എല്‍ഇഡി ഡെയ്ടൈം റണ്ണിംഗ് ലൈറ്റുകള്‍, പ്രൊജക്ടര്‍ ഹെഡ്ലാമ്പുകള്‍, ആകര്‍ഷകമായ മള്‍ട്ടി സ്പോക്ക് അലോയ് വീലുകളെന്നിവ എംപിവിയെ ആകര്‍ഷികമാക്കുന്നു. വകഭേദങ്ങളില്‍ മുഴുവന്‍ ആന്റി – ലോക്ക് ബ്രേക്കിംഗ് സംവിധാനവും എയര്‍ബാഗുകളും സ്റ്റാന്‍ഡേര്‍ഡ് ഫീച്ചറായി ഒരുങ്ങും. ഇന്ത്യയില്‍ പ്രാബല്യത്തില്‍ വരാന്‍ പോകുന്ന പുതിയ സുരക്ഷാ നിര്‍ദ്ദേശങ്ങള്‍ പാലിച്ചാകും മോഡല്‍ ഇന്ത്യയില്‍ വില്‍പനയ്ക്കെത്തുക.
ഏറ്റവും പുതിയ 1.6 ലിറ്റര്‍ എംഫാല്‍ക്കണ്‍ എഞ്ചിന്‍ മഹീന്ദ്ര U321 -ല്‍ തുടിക്കുമെന്നാണ് വിവരം. ദക്ഷിണ കൊറിയന്‍ കമ്പനി സാങ്യോങ്ങുമായി ചേര്‍ന്നു മഹീന്ദ്ര വികസിപ്പിച്ച എഞ്ചിനാണിത്. 125 bhp കരുത്തും 305 Nm torque ഉം എഞ്ചിന്‍ പരമാവധി ഉത്പാദിപ്പിക്കും. 1.6 ലിറ്റര്‍ ഡീസല്‍ എഞ്ചിന് പുറമെ പുതിയ 1.5 ലിറ്റര്‍ ടര്‍ബ്ബോചാര്‍ജ്ഡ് പെട്രോള്‍ എഞ്ചിനെയും എംപിവിയില്‍ പ്രതീക്ഷിക്കാം. 163 bhp വരെ കരുത്തേകാന്‍ ടര്‍ബ്ബോ പെട്രോള്‍ എഞ്ചിന് കഴിയും. ആറു സ്പീഡ് മാനുവല്‍, ആറു സ്പീഡ് ഓപ്ഷനല്‍ ഓട്ടോമാറ്റിക് ടോര്‍ഖ് കണ്‍വേര്‍ട്ടര്‍ ഗിയര്‍ബോക്സുകള്‍ മോഡലില്‍ ഇടംപിടിക്കും. സ്ലാറ്റ് ഘടനയുള്ള ക്രോം ഗ്രില്ല്, പിറകിലേക്കു വലിഞ്ഞ സ്വെപ്ബാക്ക് ഹെഡ്ലാമ്പുകള്‍, ഡബിള്‍ ബാരല്‍ പ്രൊജക്ടര്‍ ഹെഡ്ലാമ്പുകള്‍, സ്പോര്‍ടി ഭാവം വെളിപ്പെടുത്തുന്ന അലോയ് വീലുകള്‍, കുത്തനെ സ്ഥാപിച്ച ടെയില്‍ലാമ്പുകള്‍ എന്നിങ്ങനെ ഒരുപാട് ഡിസൈന്‍ സവിശേഷതകള്‍ മഹീന്ദ്ര U321 അവകാശപ്പെടും.

LIVE NEWS - ONLINE

  • 1
    14 hours ago

    അല്‍ഫോണ്‍സ് കണ്ണന്താനം നാളെ ശബരിമലയിലെത്തും

  • 2
    18 hours ago

    കേരളത്തിലെ 95 ശതമാനം ജനങ്ങളും ബിജെപിയുടെ സമരത്തിന് എതിരാണ്; കോടിയേരി ബാലകൃഷ്ണന്‍

  • 3
    22 hours ago

    അമേരിക്കയില്‍ 16കാരന്റെ വെടിയേറ്റ് തെലങ്കാന സ്വദേശി കൊല്ലപ്പെട്ടു

  • 4
    24 hours ago

    തലശ്ശേരിയില്‍ വീട്ടമ്മയുടെ ദേഹത്ത് ചുവന്ന പെയിന്റ് ഒഴിച്ചു

  • 5
    1 day ago

    നടന്‍ കെ.ടി.സി അബ്ദുള്ള അന്തരിച്ചു

  • 6
    1 day ago

    കെ. സുരേന്ദ്രനെ 14 ദിവസത്തേക്ക് റിമാന്‍ഡ് ചെയ്തു

  • 7
    2 days ago

    ശബരിമല തീര്‍ഥാടകരുടെ വാഹനം മറിഞ്ഞ് രണ്ടുപേര്‍ മരിച്ചു

  • 8
    2 days ago

    കെ.പി ശശികലയ്ക്ക് ജാമ്യം

  • 9
    2 days ago

    ശശികല കോടതിയിലേക്ക്; ജാമ്യത്തിലിറങ്ങിയ ശേഷം ശബരിമലയ്ക്ക് പോകാന്‍ അനുമതി