ഇത്തവണ അമേരിക്കയില്‍ നടക്കുന്ന ഗ്രാന്റ് എക്‌സ്‌പോയില്‍ മഹീന്ദ്ര ജെന്‍സെ ഇലക്ട്രിക് സ്‌കൂട്ടറും. 2050ടെ ലോകത്ത് ജീവിക്കുന്ന മനുഷ്യജീവികളുടെ എണ്ണം ഭയാനകമായി കൂടുമെന്ന വസ്തുതയിലേക്ക് വിരല്‍ ചൂണ്ടിയാണ് മഹീന്ദ്ര ജെന്‍സെ ഇലക്ട്രിക് സ്‌കൂട്ടര്‍. നഗരങ്ങള്‍ അതിഭീകരമായി വളരുകയും മനുഷ്യര്‍ക്ക് തിക്കിലും തിരക്കിലും പെട്ട് ശ്വാസം മുട്ടുകയും ചെയ്യുന്ന ആ കാലത്തെ ലക്ഷ്യം വെച്ചാണ് മഹീന്ദ്ര നീങ്ങുന്നത്. ഇത്തരം വാഹനങ്ങളിലൂടെ മാത്രമേ ഭാവിജീവിതത്തെ സുഗമമാക്കാന്‍ കഴിയൂ. ടച്ച് സ്‌ക്രീന്‍ ഒരു ഇന്‍സ്ട്രുമെന്റ് പാനല്‍ ചെയ്യുന്നതിനെക്കാളധികം പണി ചെയ്യുന്നു … Continue reading "മഹീന്ദ്ര ജെന്‍സെ ഇലക്ട്രിക് സ്‌കൂട്ടര്‍"
Monday, November 19th, 2018
flash news
Mon 19
മഹീന്ദ്ര ജെന്‍സെ ഇലക്ട്രിക് സ്‌കൂട്ടര്‍
Published On:Oct 5, 2013 | 1:27 pm
ഇത്തവണ അമേരിക്കയില്‍ നടക്കുന്ന ഗ്രാന്റ് എക്‌സ്‌പോയില്‍ മഹീന്ദ്ര ജെന്‍സെ ഇലക്ട്രിക് സ്‌കൂട്ടറും. 2050ടെ ലോകത്ത് ജീവിക്കുന്ന മനുഷ്യജീവികളുടെ എണ്ണം ഭയാനകമായി കൂടുമെന്ന വസ്തുതയിലേക്ക് വിരല്‍ ചൂണ്ടിയാണ് മഹീന്ദ്ര ജെന്‍സെ ഇലക്ട്രിക് സ്‌കൂട്ടര്‍. നഗരങ്ങള്‍ അതിഭീകരമായി വളരുകയും മനുഷ്യര്‍ക്ക് തിക്കിലും തിരക്കിലും പെട്ട് ശ്വാസം മുട്ടുകയും ചെയ്യുന്ന ആ കാലത്തെ ലക്ഷ്യം വെച്ചാണ് മഹീന്ദ്ര നീങ്ങുന്നത്. ഇത്തരം വാഹനങ്ങളിലൂടെ മാത്രമേ ഭാവിജീവിതത്തെ സുഗമമാക്കാന്‍ കഴിയൂ.
ടച്ച് സ്‌ക്രീന്‍ ഒരു ഇന്‍സ്ട്രുമെന്റ് പാനല്‍ ചെയ്യുന്നതിനെക്കാളധികം പണി ചെയ്യുന്നു ജെന്‍സെയുടെ വെതര്‍ പ്രൂഫ് 7 ഇഞ്ച് ടച്ച് സ്‌ക്രീന്‍. ചാര്‍ജ് നില, റൂട്ട് തുടങ്ങിയ നിരവധി കാര്യങ്ങള്‍ ഈ സ്‌ക്രീനിലൂടെ സമയാസമയം മനസ്സിലാക്കാനാവുന്നു. ജിപിഎസ് അപ്ലിക്കേനുകള്‍ക്കും പാട്ടു കേള്‍ക്കാനുമെല്ലാം ഈ സംവിധാനം അനുയോജ്യമാണ്. എസ്ടിഎസ് പേരില്‍ കാണുന്ന ‘എസ്ടിഎസ്’ എന്നതിനെ ‘സിംഗിള്‍ ട്രാക്ക് ഷട്ടില്‍’ എന്നു വലുതാക്കാം. ഒരു വ്യക്തിക്ക് മാത്രം ഉദ്ദേശിച്ചുള്ള വാഹനമാണിത് എന്ന് ലളിതമായി ഇതിനെ വിശദീകരിക്കാം. നഗരത്തിരക്കുകളില്‍ വ്യക്തിയുടെ നീക്കങ്ങളെ ഏറ്റവും പ്രായോഗികമായും കാര്യക്ഷമമായും പാരിസ്ഥിതികാഘാതങ്ങള്‍ സൃഷ്ടിക്കാതെയും സാധ്യമാക്കുന്നു എന്നതാണ് ഈ വാഹനത്തിന്റെ പ്രത്യേകത. വാഹനത്തിന്റെ മൊത്തം റെയ്ഞ്ച് 50 കിലോമീറ്ററാണ്. മണിക്കൂറില്‍ 50 കിലോമീറ്റര്‍ വേഗതയില്‍ വരെ പോകാന്‍ കഴിയും.
