Sunday, September 23rd, 2018

മാഹി അക്രമം; 500 പേര്‍ക്കെതിരെ കേസ്

പുതുച്ചേരി പോലീസ് മേധാവിയുടെ അഭ്യര്‍ത്ഥനയെ തുടര്‍ന്ന് കേരളത്തില്‍ നിന്നു വന്‍ പൊലീസ് സംഘം പള്ളൂരിലെത്തിയിട്ടുണ്ട

Published On:May 9, 2018 | 10:17 am

കണ്ണൂര്‍: മാഹിയില്‍ സി. പി. എം. നേതാവും ബി. ജെ. പി പ്രവര്‍ത്തകനും കൊല്ലപ്പെട്ടതിന് പിന്നാലെ ഇന്നലെ പള്ളൂര്‍ മേഖലയുണ്ടായ അക്രമ സംഭവങ്ങളുമായി ബന്ധപ്പെട്ട് 500 പേര്‍ക്കെതിരെ പോലീസ് കേസെടുത്തു. കണ്ടാലറിയാവുന്ന സി.പി.എം ആര്‍.എസ്.എസ് പ്രവര്‍ത്തകര്‍ക്കെതിരെയാണ് കേസ്. പൊതുമുതല്‍ നശിപ്പിച്ചു, സമാധാനത്തിന് ഭംഗം വരുത്തുന്ന തരത്തില്‍ അക്രമം നടത്തി തുടങ്ങിയ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്. ആരെയും അറസ്റ്റ് ചെയ്തിട്ടില്ല. അതേസമയം, ഇന്ന് ബി.ജെ.പിയുടെ നേതൃത്വത്തില്‍ പുതുച്ചേരി ലഫ്.ഗവര്‍ണറെ കാണും. മാഹിയിലെ കൊലപാതകങ്ങളെ കുറിച്ച് സമഗ്ര അന്വേഷണം വേണമെന്നും ബി.ജെ.പി ഗവര്‍ണറോട് ആവശ്യപ്പെടും. അന്വേണത്തിന് മേല്‍നോട്ടം വഹിക്കുന്നതിനായി പുതുച്ചേരി ഡി.ജി.പി മാഹിയിലെത്തുന്നുണ്ട്.
സി. പി. എം നേതാവ് ബാബു കണ്ണിപ്പൊയിലിന്റെ മൃതദേഹം വിലാപയാത്രയായി ഇന്നലെ വൈകിട്ട് നാല് മണിയോടെ വീട്ടിലെത്തിച്ചതിനു പിറകെയാണ് അക്രമങ്ങള്‍ ഉണ്ടായത്. സി. പി. എമ്മിന്റെയും ബി. ജെ. പിയുടെയും ഓഫീസുകള്‍ ആക്രമിച്ച ജനക്കൂട്ടം നിരവധി വീടുകളും കടകളും തകര്‍ത്തു. ഇരട്ടപ്പിലാക്കൂലില്‍ ബി.ജെ.പി മണ്ഡലം കമ്മിറ്റി ഓഫീസായ മാരാര്‍ജി മന്ദിരം ഒരു സംഘം കത്തിച്ചു. മറ്റൊരു സംഘം സി.പി.എം കോമത്ത് പാറ ബ്രാഞ്ച് ഓഫീസും ഹര്‍കിഷന്‍ സിംഗ് സുര്‍ജിത്ത് മന്ദിരവും ആക്രമിച്ചു. പരിസരത്ത് നിന്ന് പൊട്ടാത്ത രണ്ടു നാടന്‍ ബോമ്പുകള്‍ പോലീസ് കണ്ടെടുത്തു. മാഹി കോസ്റ്റല്‍ പോലീസിന്റെ ജീപ്പും അഗ്‌നിക്കിരയാക്കി. കൊല്ലപ്പെട്ട ബാബുവിന്റെ അയല്‍ക്കാരനും വിശ്വഹിന്ദു പരിഷത്ത് ജില്ലാ നേതാവുമായ ദയാനന്ദന്റെ ശ്രീദുര്‍ഗാലയം വീടും ആക്രമിച്ചു. ചെമ്പ്ര സ്വദേശി രവീന്ദ്രന്റെ ‘ഔഷധി’ ഷോപ്പ് തകര്‍ത്ത അക്രമികള്‍ മരുന്നുകള്‍ റോഡിലേക്ക് വലിച്ചെറിഞ്ഞു. എം.എം. ഇലക്ട്രോണിക്‌സ്, പ്രിയദര്‍ശിനി യുവകേന്ദ്ര ഓഫീസ് എന്നിവയും തകര്‍ത്തു. കല്യാണ്‍ വാടക ഷോപ്പ് കത്തിച്ചു.
പുതുച്ചേരി പോലീസ് മേധാവിയുടെ അഭ്യര്‍ത്ഥനയെ തുടര്‍ന്ന് കേരളത്തില്‍ നിന്നു വന്‍ പൊലീസ് സംഘം പള്ളൂരിലെത്തിയിട്ടുണ്ട്. കണ്ണൂര്‍ ജില്ലാ പോലീസ് മേധാവി ശിവവിക്രം, തലശ്ശേരി എ.എസ്.പി ചൈത്ര തെരേസ ജോണ്‍, ഡിവൈ.എസ്.പി വിനോദ് തുടങ്ങിയവരുടെ നേതൃത്വത്തില്‍ പള്ളൂരിലും ന്യൂമാഹിയിലും പോലീസ് നിലയുറപ്പിച്ചിട്ടുണ്ട്.

 

LIVE NEWS - ONLINE

  • 1
    11 hours ago

    ബിഷപ്പിനെ ഞായറാഴ്ച്ച രാവിലെ തെളിവെടുപ്പിനായി കുറവിലങ്ങാട് മഠത്തില്‍ എത്തിക്കും

  • 2
    11 hours ago

    ഗള്‍ഫിലേക്ക് കടത്താന്‍ ശ്രമിച്ച ഹാഷിഷ് പിടികൂടി

  • 3
    14 hours ago

    ലോക്‌സഭാ തെരഞ്ഞെടുപ്പില്‍ മികച്ച വിജയം ലക്ഷ്യം: മുല്ലപ്പള്ളി

  • 4
    16 hours ago

    ബിഷപ്പിനെ കോടതിയില്‍ ഹാജരാക്കി

  • 5
    16 hours ago

    രക്തവും ഉമിനീരും ബലം പ്രയോഗിച്ച് ശേഖരിച്ചു: ബിഷപ്പ്

  • 6
    16 hours ago

    ബിഷപ്പിനെ രണ്ട് ദിവസത്തെ പോലീസ് കസ്റ്റഡിയില്‍ വിട്ടു

  • 7
    19 hours ago

    ബിഷപ് ഫ്രാങ്കോ മുളക്കലിനെ ഇന്ന് കോടതിയില്‍ ഹാജരാക്കും

  • 8
    19 hours ago

    കന്യാസ്ത്രീകള്‍ സമരം ചെയ്തില്ലെങ്കിലും സര്‍ക്കാര്‍ നടപടി സ്വീകരിക്കും: എം.എ.ബേബി

  • 9
    19 hours ago

    കോടിയേരിക്ക് മാനസികം: പിഎസ് ശ്രീധരന്‍ പിള്ള