Thursday, April 25th, 2019

ലോര്‍ഡ്‌സില്‍ ഇന്ന് രണ്ടാം ടെസ്റ്റ

ആദ്യ ടെസ്റ്റില്‍ പുറത്തിരിക്കേണ്ടി വന്ന പൂജാരക്ക് ഇന്ന് അവസരം നല്‍കിയേക്കും

Published On:Aug 9, 2018 | 11:40 am

ലോഡ്‌സ്: ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റിന് ഇന്ന് ലോര്‍ഡ്‌സില്‍ തുടക്കം. 2014 ല്‍ നടന്ന പര്യടനത്തില്‍ ലോഡ്‌സില്‍ ഇംഗ്‌ളണ്ടിനെ 95 റണ്‍സിന് തോല്‍പ്പിച്ചതിന്റെ ഓര്‍മ്മകള്‍ നല്‍കുന്ന ആത്മവിശ്വാസവുമായാണ് ഇന്ത്യ വിരാട് കൊഹ്‌ലിയുടെ നേതൃത്വത്തിലിറങ്ങുന്നത്.
അഞ്ച് മത്സര പരമ്പരയിലെ ആദ്യ മത്സരത്തിലെ തോല്‍വി ഇന്ത്യക്ക് മുന്നില്‍ നിരവധി ചോദ്യങ്ങളാണ് ഉയര്‍ത്തുന്നത്. പ്രധാനമായും വിരാട് കൊഹ്‌ലി ഒഴികെയുള്ള ബാറ്റ്‌സ്മാന്‍മാര്‍ക്ക് മികവ് കാട്ടാന്‍ കഴിയാതെ പോയതാണ് പ്രശ്‌നം. എഡ്ജ് ബാസ്റ്റണ്‍ നല്‍കിയ പാഠങ്ങള്‍ ഉള്‍ക്കൊണ്ട് എന്ത് മാറ്റം ബാറ്റിംഗ് ലൈനപ്പില്‍ വരുത്തിയാകും ഇറങ്ങുക എന്നാണ് അറിയേണ്ടത്. ആദ്യടെസ്റ്റില്‍ ലോകേഷ് രാഹുലിന് വേണ്ടി ഒഴിവാക്കപ്പെട്ട ചേതേശ്വര്‍ പുജാരയെ ഇന്ന് കളിപ്പിച്ചേക്കുമെന്നാണ് അറിയുന്നത്. പരിചയ സമ്പന്നനായ ഒരു ബാറ്റ്‌സ്മാന്റെ സേവനം ഇന്ത്യന്‍ ബാറ്റിംഗിനിരയ്ക്ക് ആവശ്യമാണെന്ന ചിന്താഗതിയാണ് ഇതിന്പിന്നില്‍. എന്നാല്‍ ലോകേഷിനെ ഒഴിവാക്കി പുജാരക്ക് അവസരം നല്‍കുന്നതില്‍ അര്‍ത്ഥമില്ല എന്ന അഭിപ്രായവും ഉയരുന്നുണ്ട്. ലോകേഷിന് ഇനിയും അവസരങ്ങള്‍ നല്‍കിയാലേ മുന്നേറാനാകൂ എന്നും ഒരു മത്സരത്തിലെ തോല്‍വി ടീമിലെ സ്ഥാനം ഇല്ലാതാക്കുന്നത് നിരാശ പടര്‍ത്തുമെന്നും സെലക്ടര്‍മാരും കരുതുന്നു.
അങ്ങനെയെങ്കില്‍ ഒരു ബൗളറെ ഒഴിവാക്കിയാവും പുജാരയെ കളിപ്പിക്കുക. ആള്‍ റൗണ്ടര്‍ ഹാര്‍ദിക് പാണ്ഡ്യയാവും അങ്ങനെയെങ്കില്‍ പുറത്തിരിക്കേണ്ടിവരിക. ആദ്യ ടെസ്റ്റില്‍ ബാറ്റുകൊണ്ടും ബാളുകൊണ്ടും പാണ്ഡ്യക്ക് കാര്യമായി ഒന്നും ചെയ്യാനായില്ല. പേസ് ബൗളര്‍ ജസ്പ്രീത് ബുംറക്ക് ഈ മത്സരത്തിലും കളിക്കാന്‍ കഴിയാത്തത് ഇന്ത്യയ്ക്ക് തിരിച്ചടിയാണ്.

LIVE NEWS - ONLINE

  • 1
    48 mins ago

    നിലമ്പൂരില്‍ കനത്ത മഴയില്‍ മരം വീണ് മൂന്ന് മരണം

  • 2
    2 hours ago

    ന്യൂനമര്‍ദം: കേരളത്തില്‍ മുന്‍കരുതല്‍ നടപടികള്‍ സ്വീകരിച്ചതായി റവന്യൂ മന്ത്രി

  • 3
    5 hours ago

    ചീഫ് ജസ്റ്റിസിനെതിരായ ഗൂഢാലോചന അന്വേഷിക്കും; സുപ്രീം കോടതി

  • 4
    6 hours ago

    മലമ്പനി തടയാന്‍ മുന്‍കരുതല്‍ നടപടി

  • 5
    8 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 6
    8 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 7
    9 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 8
    9 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 9
    9 hours ago

    കോടതിയെ റിമോട്ട് കണ്‍ട്രോളിലൂടെ നിയന്ത്രിക്കാന്‍ അനുവദിക്കില്ല: ജസ്റ്റിസ് അരുണ്‍ മിശ്ര