Monday, November 19th, 2018

ലേര്‍ഡ്‌സില്‍ ഇന്ത്യക്ക് ബാറ്റിംഗ് തകര്‍ച്ച

വാലറ്റത്ത് അശ്വിന്‍ പിടിച്ച് നിന്നതാണ് ഇന്ത്യയെ നൂറ് കടത്താന്‍ സഹായിച്ചത്.

Published On:Aug 11, 2018 | 9:42 am

ലോഡ്‌സ്: മഴ രസംകൊല്ലിയായെത്തിയ രണ്ടാം ക്രിക്കറ്റ് ടെസ്റ്റില്‍ ഇംഗ്ലണ്ടിനെതിരെ ഇന്ത്യക്ക് ബാറ്റിംഗ് തകര്‍ച്ച. ആദ്യ ദിനം കനത്ത മഴമൂലം ടോസ് പോലും ചെയ്യാനായിരുന്നില്ല. രണ്ടാം ദിനം ടോസ് നേടിയ ഇംഗ്ലണ്ട് ഇന്ത്യയെ ബാറ്റിംഗിനയച്ചു. ഇംഗ്ലീഷ് ബൗളര്‍മാരുടെ തീതുപ്പുന്ന പന്തുകള്‍ക്ക് മുന്നില്‍ പതറിയ ഇന്ത്യ 107 റണ്‍സിന് എല്ലാവരും പുറത്തായി. 29 റണ്‍സെടുത്ത അശ്വിനും 23 റണ്‍സെടുത്ത കൊഹ്ലിക്കും മാത്രമാണ് അല്‍പ്പെമെങ്കിലും പിടിച്ചു നില്‍ക്കാനായത്. ഇംഗ്ലണ്ടിനായി ആന്‍ഡേയ്‌സണ്‍ അഞ്ച് വിക്കറ്റെടുത്തു.
കളി തുടങ്ങി അഞ്ചാം പന്തില്‍ തന്നെ ഇന്ത്യക്ക് മുരളി വിജയിയെ നഷ്ടപ്പെട്ടു. പിന്നാലെ കെ.എല്‍ രാഹുലും പോയി. ഇതിന് പിന്നാലെ മഴ പെയ്തതോടെ മത്സരം നിര്‍ത്തിവെച്ചു. 6.3 ഓവറില്‍ രണ്ട് വിക്കറ്റ് നഷടത്തില്‍ 11 റണ്‍സെന്ന നിലയിലാരുന്നു ആ സമയത്ത് ഇന്ത്യ.മഴ മാറിയതോടെ വീണ്ടും കളി തുടങ്ങി. രണ്ട് ഓവര്‍ എറിയുമ്പോഴേക്കും വീണ്ടും മഴയെത്തി. പക്ഷേ അതിനിടയില്‍ ഇന്ത്യക്ക് ഒരു വിക്കറ്റ് കൂടി നഷ്ടപ്പെട്ടു. അരങ്ങേറ്റ താരം ഒളിവര്‍ പോപ്പ് പൂജാരയെ റണ്‍ഔട്ടാക്കുകയായിരുന്നു. പിന്നാലെ കൊഹ്ലി കൂടെ പുറത്തായതോടെ ഇന്ത്യയുടെ പ്രതീക്ഷയെല്ലാം അവസാനിക്കുകയായിരുന്നു. വാലറ്റത്ത് അശ്വിന്‍ പിടിച്ച് നിന്നതാണ് ഇന്ത്യയെ നൂറ് കടത്താന്‍ സഹായിച്ചത്.
രണ്ടു മാറ്റങ്ങളോടെയാണ് ഇന്ത്യ രണ്ടാം ടെസ്റ്റില്‍ കളിക്കുന്നത്. ഫോം കണ്ടെത്താന്‍ വിഷമിക്കുന്ന ശിഖര്‍ ധവാനു പകരം ചേതേശ്വര്‍ പൂജാര ടീമിലെത്തി. രണ്ടു സ്പിന്നര്‍മാരുമായാണ് ഇന്ത്യ ഇറങ്ങുന്നത്. ആര്‍. അശ്വിനൊപ്പം ചൈനാമാന്‍ ബൗളര്‍ കുല്‍ദീപ് യാദവും ടീമില്‍ ഇടംപിടിച്ചു. പകരം ഉമേഷ് യാദവ് പുറത്തായി. ഇംഗ്ലണ്ട് നിരയില്‍ ഒളിവര്‍ പോപ്പ് ഇന്ന് അരങ്ങേറ്റം കുറിച്ചു. ബെന്‍ സ്റ്റോക്‌സിനു പകരം ക്രിസ് വോക്‌സ് ടീമിലിടം കണ്ടെത്തി.

 

LIVE NEWS - ONLINE

  • 1
    11 hours ago

    അല്‍ഫോണ്‍സ് കണ്ണന്താനം നാളെ ശബരിമലയിലെത്തും

  • 2
    15 hours ago

    കേരളത്തിലെ 95 ശതമാനം ജനങ്ങളും ബിജെപിയുടെ സമരത്തിന് എതിരാണ്; കോടിയേരി ബാലകൃഷ്ണന്‍

  • 3
    19 hours ago

    അമേരിക്കയില്‍ 16കാരന്റെ വെടിയേറ്റ് തെലങ്കാന സ്വദേശി കൊല്ലപ്പെട്ടു

  • 4
    21 hours ago

    തലശ്ശേരിയില്‍ വീട്ടമ്മയുടെ ദേഹത്ത് ചുവന്ന പെയിന്റ് ഒഴിച്ചു

  • 5
    21 hours ago

    നടന്‍ കെ.ടി.സി അബ്ദുള്ള അന്തരിച്ചു

  • 6
    21 hours ago

    കെ. സുരേന്ദ്രനെ 14 ദിവസത്തേക്ക് റിമാന്‍ഡ് ചെയ്തു

  • 7
    1 day ago

    ശബരിമല തീര്‍ഥാടകരുടെ വാഹനം മറിഞ്ഞ് രണ്ടുപേര്‍ മരിച്ചു

  • 8
    1 day ago

    കെ.പി ശശികലയ്ക്ക് ജാമ്യം

  • 9
    2 days ago

    ശശികല കോടതിയിലേക്ക്; ജാമ്യത്തിലിറങ്ങിയ ശേഷം ശബരിമലയ്ക്ക് പോകാന്‍ അനുമതി