Saturday, February 23rd, 2019

ലോര്‍ഡ്‌സില്‍ നാണംകെട്ട് ഇന്ത്യ

തോല്‍വി ഇന്നിംഗ്‌സിനും 150 റണ്‍സിനും

Published On:Aug 13, 2018 | 9:34 am

ലോര്‍ഡ്‌സ്:  ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യക്ക് ഇന്നിംഗ്‌സ് തോല്‍വി. 289 റണ്‍സ് ഒന്നാം ഇന്നിങ്‌സ് കടവുമായി ബാറ്റിംഗിന് ഇറങ്ങിയ ഇന്ത്യയുടെ രണ്ടാമിന്നിംഗ്‌സ് 130 റണ്‍സില്‍ അവസാനിച്ചു. നാല് വിക്കറ്റ് വീതം നേടിയ ജെയിംസ് ആന്‍ഡേയ്‌സണും സ്റ്റുവര്‍ട്ട് ബോര്‍ഡുമാണ് ഇന്ത്യയെ തകര്‍ത്തത്. ക്രിസ് വോക്‌സ് രണ്ട് വിക്കറ്റ് നേടി. 33 റണ്‍സ് എടുത്ത് പുറത്താകാതെ നിന്ന രവിചന്ദ്ര അശ്വിനും 26 റണ്‍സെടുത്ത ഹര്‍ദ്ദിക് പാണ്ഡ്യയും മാത്രമാണ് ഇന്ത്യന്‍ നിരയില്‍ അല്‍പ്പമെങ്കിലും പിടിച്ച് നിന്നുള്ളൂ. അഞ്ച് പേര്‍ രണ്ടക്കം കാണാതെ പുറത്തായി.
ഇന്ത്യയുടെ 107 എന്ന ഒന്നാമിന്നിംഗ്‌സ് സ്‌കോറിന് മറുപടിയായി ഇംഗ്ലണ്ട് ഏഴ് വിക്കറ്റിന് 396 റണ്‍സെന്ന നിലയില്‍ ഡിക്‌ളയര്‍ ചെയ്ത് 289 റണ്‍സിന്റെ ഒന്നാം ഇന്നിംഗ്‌സ് ലീഡ് നേടിയിരുന്നു. ആറിന് 357 റണ്‍സ് എന്ന നിലയില്‍ നാലാം ദിനം ബാറ്റിംഗ് പുനഃരാരംഭിച്ച ഇംഗ്ലണ്ട്, സ്‌കോര്‍ 396ല്‍ നില്‍ക്കെ സാം കറന്‍ പുറത്തായപ്പോള്‍ ഇന്നിംഗ്‌സ് ഡിക്ലയര്‍ ചെയ്യുകകയായിരുന്നു. ഏഴാം വിക്കറ്റില്‍ സാം കറന്‍ ക്രിസ് വോക്‌സ് സഖ്യം 76 റണ്‍സ് കൂട്ടിച്ചേര്‍ത്തു. 49 പന്തില്‍ അഞ്ചു ബൗണ്ടറിയും ഒരു സിസ്‌കറും അടക്കം 40 റണ്‍സായിരുന്നു കറന്റെ സംഭാവന. കന്നി ടെസ്റ്റ് സെഞ്ച്വറി നേടിയ ക്രിസ് വോക്‌സ് 177 പന്തില്‍ 137 റണ്‍സുമായി പുറത്താകാതെ നിന്നു. 17 ബൗണ്ടറികള്‍ ഇന്നിംഗ്‌സിന് അകമ്പടിയേകി.
രണ്ടാം ഇന്നിംഗ്‌സിലും മുരളി വിജയിനെ പുറത്താക്കിതോടെ ലോര്‍ഡ്‌സില്‍ 100 ടെസ്റ്റ് വിക്കറ്റ് സ്വന്തമാക്കുന്ന ബോളറെന്ന ബഹുമതിയും ആന്‍ഡേഴ്‌സന്‍ സ്വന്തമാക്കി.

 

LIVE NEWS - ONLINE

  • 1
    9 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 2
    10 hours ago

    ശബരിമല വിഷയം ഉയര്‍ത്തിക്കാട്ടി സംസ്ഥാന സര്‍ക്കാരിനെ വിമര്‍ശിച്ച് അമിത്ഷാ

  • 3
    11 hours ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 4
    13 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 5
    14 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 6
    16 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 7
    16 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 8
    18 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 9
    18 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം