Saturday, July 20th, 2019

പാക്കിസ്ഥാനില്‍ കുല്‍സും ഷെരീഫിന്റെ പിന്‍ഗാമി ആയേക്കും

ഷെരീഫിന്റെ പിന്‍ഗാമിയെ ഇന്നു തീരുമാനിക്കാനിരിക്കെ പാക്കിസ്ഥാനില്‍ തിരക്കിട്ട ചര്‍ച്ച നടന്നു വരികയാണ്.

Published On:Jul 29, 2017 | 12:03 pm

ഇസ്ലാമാബാദ്: പനാമ അഴിമതിക്കേസില്‍ സുപ്രീംകോടതി അയോഗ്യനാക്കിയ പാക്കിസ്ഥാന്‍ പ്രസിഡന്റ് നവാസ് ഷരീഫിന്റെ പിന്‍ഗാമിയായി പത്‌നി കുല്‍സും ഷെരീഫിനെ തെരഞ്ഞെടുത്തേക്കുമെന്ന് സൂചന. ഷെരീഫിന്റെ ഇളയ സഹോദരന്‍ ശഹബാസ് ശരീഫിന് സാധ്യത കല്‍പ്പിക്കപ്പെടുന്നുണ്ടെങ്കിലും പഞ്ചാബ് മുഖ്യമന്ത്രിയായ ശഹബാസിനെ പ്രധാനമന്ത്രിയായി അവരോധിക്കുന്നത് കൂടുതല്‍ നിയമപ്രശ്‌നങ്ങള്‍ക്ക് വഴിവെക്കുമോയെന്ന ആശങ്കയും നിലവിലുണ്ട്. അതിനാല്‍ കുല്‍സും തന്നെ പ്രധാനമന്ത്രി പദത്തിലെത്താന്‍ സാധ്യതയുണ്ടെന്നാണ് രാഷ്ട്രീയ നിരീക്ഷകരുടെ വിലയിരുത്തല്‍. പിന്‍ഗാമിയെ ഇന്നു തീരുമാനിക്കാനിരിക്കെ പാക്കിസ്ഥാനില്‍ തിരക്കിട്ട ചര്‍ച്ച നടന്നു വരികയാണ്.
എന്തായാലും തന്റെ കാബിനറ്റ് അംഗങ്ങള്‍ക്ക് അധികാരം കൈമാറാന്‍ നവാസ് ശരീഫ് ഒരുക്കമല്ല. ഇന്നലെ പാക് സുപ്രീംകോടതി ജസ്റ്റിസ് ഇജാസ് അഫ്‌സല്‍ ഖാന്‍ ആണ് അഞ്ചംഗ ബെഞ്ചിന്റെ ഏകകണ്ഠമായ വിധി പ്രസ്താവിച്ചത്. പാര്‍ലമന്റെ് അംഗം സത്യസന്ധനും നീതിമാനും ആയിരിക്കണമെന്ന് നിഷ്‌ക്കര്‍ഷിക്കുന്ന ഭരണഘടനയുടെ അനുച്ഛേദം 62ഉം 63ഉം ആധാരമാക്കിയാണ് ശരീഫിനെ കോടതി അയോഗ്യനാക്കിയത്. പാര്‍ലമെന്റ് അംഗത്വത്തില്‍നിന്ന് അയോഗ്യനാകുമ്പോള്‍ പ്രധാനമന്ത്രിപദത്തില്‍ തുടരാനാകില്ലെന്ന് ജസ്റ്റിസ് ഖാന്‍ ചൂണ്ടിക്കാട്ടി. ശരീഫിനെ അയോഗ്യനാക്കി ഉത്തരവിറക്കാന്‍ തെരഞ്ഞെടുപ്പ് കമീഷനോടും പ്രധാനമന്ത്രി പദത്തില്‍ നിന്ന് നീക്കം ചെയ്യാന്‍ പ്രസിഡന്റിനോടും കോടതി നിര്‍ദേശിച്ചു. കോടതിവിധി വന്നയുടന്‍ ഷെരീഫ് തന്റെ രാജി അറിയിക്കുകയായിരന്നു.

 

LIVE NEWS - ONLINE

  • 1
    12 hours ago

    കനത്ത മഴ; വിവിധ ജില്ലകളില്‍ റെഡ്, ഓറഞ്ച് അലേര്‍ട്ടുകള്‍ പ്രഖ്യാപിച്ചു

  • 2
    14 hours ago

    മത്സ്യബന്ധനത്തിന് പോയ ഏഴ് മത്സ്യത്തൊഴിലാളികളെ കാണാതായി

  • 3
    16 hours ago

    കര്‍ണാടക; ആറുമണിക്കുള്ളില്‍ വിശ്വാസ വോട്ട് തേടണം: ഗവര്‍ണര്‍

  • 4
    16 hours ago

    സംസ്ഥാനത്ത് പരക്കെ മഴ: പമ്പ അണക്കെട്ടിന്റെ ഷട്ടര്‍ ഉയര്‍ത്തി

  • 5
    20 hours ago

    യൂണിവേഴ്‌സിറ്റി കോളേജ് വിഷയത്തില്‍ ഗവര്‍ണര്‍ ഇടപെടണം: ചെന്നിത്തല

  • 6
    20 hours ago

    ഗ്യാസ് സിലിണ്ടര്‍ പൊട്ടിത്തെറിച്ചെന്ന് വ്യാജ സന്ദേശം; ഫയര്‍ഫോഴ്‌സിനെ വട്ടംകറക്കിയ യുവാവിനെ പോലീസ് തെരയുന്നു

  • 7
    20 hours ago

    പനി ബാധിച്ച് യുവാവ് മരിച്ചു; ഡോക്ടര്‍ക്കെതിരെ കേസ്

  • 8
    20 hours ago

    ലീഗ് നേതാവ് എയര്‍പോര്‍ട്ടില്‍ കുഴഞ്ഞ് വീണ് മരിച്ചു.

  • 9
    21 hours ago

    ജില്ലാ ആശുപത്രി ബസ് സ്റ്റാന്റില്‍ തെരുവ് പട്ടികളുടെ വിളയാട്ടം