തിരു: കെപിസിസി നേതൃയോഗത്തില്‍ വി.എം. സുധീരനും കെ. മുരളീധരനും ഉള്‍പ്പെടെ മുന്‍ പ്രസിഡന്റുമാരെ ക്ഷണിക്കാത്തതില്‍ വിമര്‍ശനം. ഇന്ന് ചേര്‍ന്ന കെപിസിസി നേതൃയോഗത്തിലേക്കാണ് ഇവര്‍ക്ക് ക്ഷണമില്ലാതിരുന്നത്. ഇതിനെതിരെ ടി.എന്‍ പ്രതാപനും ജോണ്‍സണ്‍ എബ്രഹാമും രംഗത്തെത്തി. ഇരുവരും കെപിസിസിയുടെ നടപടിക്കെതിരെ വിമര്‍ശനം ഉന്നയിക്കുയും ചെയ്തു.
അതേസമയം നിര്‍വാഹകസമിതിയല്ല, നേതൃയോഗമാണ് ചേരുന്നതെന്നും കെപിസിസി ഭാരവാഹികള്‍ക്ക് പുറമെ ഡിസിസി പ്രസിഡന്റുമാരെയും പാര്‍ലമെന്ററി പാര്‍ട്ടി ഭാരവാഹികളെയും മാത്രമാണ് ക്ഷണിച്ചത് എന്നുമാണ് നേതൃത്വത്തിന്റെ വിശദീകരണം.