Wednesday, June 20th, 2018

വാഗ്‌ദേവതക്ക് മുമ്പില്‍ സംഗീതാര്‍ച്ചനയുമായി നാല്‍പ്പതാം ആണ്ട്

      കൊല്ലൂര്‍: ജഗദംബികയുടെ ശ്രീകോവില്‍ നടതുറന്നു. മണിനാദം മുഴങ്ങി. ശ്രീലകത്ത് നിറദീപം തെളിഞ്ഞുകത്തി. ദീപാരാധന പ്രഭയില്‍ വാഗ്‌ദേവതയുടെ വരപ്രസാദത്തിന് വരദാനിക്കുമുന്നില്‍ ഗാനഗന്ധര്‍വ്വനെത്തി. 77-ാം പിറന്നാള്‍ മധുരത്തില്‍ മൂകാംബികയുടെ ത്രിമധുരം തേടി… സഹധര്‍മ്മിണി, പ്രഭ യേശുദാസ്, മക്കളായ വിനോദ് യേശുദാസ്, വിജയ് യേശുദാസ് എന്നിവര്‍ക്കൊപ്പം മലയാളത്തിലെ പ്രിയപ്പെട്ട ദാസേട്ടന്‍ കൂപ്പുകൈകളുമായി ക്ഷേത്രം വലംവെച്ചുനീങ്ങി. ഒപ്പം ശിഷ്യരും. ഇന്നത്തെ പുലരി ഗാനഗന്ധര്‍വ്വന്റേതായിരുന്നു. നാദബ്രഹ്മത്തിന്റെ അമൃതധാര നടത്തുംദിനം. കാലത്ത് 7 മണിയോടെ യേശുദാസിന് വേണ്ടിയുള്ള പ്രത്യേക പൂജകള്‍ ആരംഭിച്ചു. … Continue reading "വാഗ്‌ദേവതക്ക് മുമ്പില്‍ സംഗീതാര്‍ച്ചനയുമായി നാല്‍പ്പതാം ആണ്ട്"

Published On:Jan 10, 2017 | 8:00 am

kj-yesudas-full-image-01

 

 

 
കൊല്ലൂര്‍: ജഗദംബികയുടെ ശ്രീകോവില്‍ നടതുറന്നു. മണിനാദം മുഴങ്ങി. ശ്രീലകത്ത് നിറദീപം തെളിഞ്ഞുകത്തി. ദീപാരാധന പ്രഭയില്‍ വാഗ്‌ദേവതയുടെ വരപ്രസാദത്തിന് വരദാനിക്കുമുന്നില്‍ ഗാനഗന്ധര്‍വ്വനെത്തി. 77-ാം പിറന്നാള്‍ മധുരത്തില്‍ മൂകാംബികയുടെ ത്രിമധുരം തേടി… സഹധര്‍മ്മിണി, പ്രഭ യേശുദാസ്, മക്കളായ വിനോദ് യേശുദാസ്, വിജയ് യേശുദാസ് എന്നിവര്‍ക്കൊപ്പം മലയാളത്തിലെ പ്രിയപ്പെട്ട ദാസേട്ടന്‍ കൂപ്പുകൈകളുമായി ക്ഷേത്രം വലംവെച്ചുനീങ്ങി. ഒപ്പം ശിഷ്യരും.
ഇന്നത്തെ പുലരി ഗാനഗന്ധര്‍വ്വന്റേതായിരുന്നു. നാദബ്രഹ്മത്തിന്റെ അമൃതധാര നടത്തുംദിനം. കാലത്ത് 7 മണിയോടെ യേശുദാസിന് വേണ്ടിയുള്ള പ്രത്യേക പൂജകള്‍ ആരംഭിച്ചു. തന്ത്രി ഗോവിന്ദ അഡിഗയുടെ നേതൃത്വത്തില്‍ സരസ്വതി മണ്ഡപത്തിനടുത്തുള്ള യാഗശാലയില്‍ മഹാചണ്ഡിക ഹോമം തുടങ്ങി. സഹധര്‍മ്മിണിക്കും മക്കള്‍ക്കുമൊപ്പം ഗാനഗന്ധര്‍വ്വനും കണ്ണടച്ച് പ്രാര്‍ത്ഥിച്ചു. തന്റെ പിറന്നാള്‍ ദിനം മൂകാംബികയില്‍ പ്രാര്‍ത്ഥനാ നിരതനായി ഭജനമിരിക്കുന്നത് ദാസേട്ടന്‍ 40 വര്‍ഷമായി തുടരുന്ന ചര്യയാണ്.
1977ല്‍ സുഹൃത്ത് വടകരയിലെ സുരേന്ദ്രനോടൊപ്പമാണ് മൂകാംബികയിലും കുടജാദ്രിയിലും ആദ്യമായി ദര്‍ശനം നടത്തുന്നത്. അന്ന് ക്ഷേത്രം തന്ത്രി അഡിഗയുടെ വരാന്തയിലാണ് കിടന്നുറങ്ങിയത്. ഈ സമയത്ത് പ്രഭ യേശുദാസ് പ്രസവത്തിനായി തിരുവനന്തപുരത്തെ ഒരാശുപത്രിയില്‍ പ്രവേശിപ്പിക്കപ്പെട്ടിരിക്കയായിരുന്നു. സിസേറിയന്‍ വേണ്ടിവരുമെന്നാണ് ആദ്യം ഡോക്ടര്‍മാര്‍ പറഞ്ഞത്. പിറ്റേന്ന് പുലര്‍ച്ചെ യേശുദാസ് കുടജാദ്രിയില്‍ നടന്നുകയറി. ആദിശങ്കരപീഠവും ചിത്രമൂലയും ദര്‍ശിച്ച് തിരിച്ചിറക്കം. ഈ സമയത്ത് പ്രഭ യേശുദാസ് വിനോദ് യേശുദാസിനെ പ്രസവിച്ചു. സിസേറിയന്‍ വേണ്ടിവന്നില്ല. സുഖപ്രസവം. കുടജാദ്രിയില്‍ കുടികൊള്ളും മഹേശ്വരിയുടെ അനുഗ്രഹം. പിന്നീടുള്ള സംഗീതയാത്ര ജഗദമ്മയ്ക്ക് സമര്‍പ്പിച്ചുകൊണ്ടായിരുന്നു. അമ്മ സമ്മാനിച്ച മക്കളോടൊപ്പം ഭാര്യ പ്രഭയെയും കൂട്ടി ഇക്കാര്യങ്ങളെല്ലാം ഓര്‍ത്തുകൊണ്ടാണ് ക്ഷേത്രസന്നിധിയില്‍ എത്തിയത്. മൂകാംബികയ്ക്ക് മുന്നില്‍ സംഗീതാര്‍ച്ചനയുടെ ഭജനയുമായി യേശുദാസ് പ്രാര്‍ത്ഥനാനിരതനായപ്പോള്‍ ശിഷ്യഗണങ്ങള്‍ വാഗര്‍ത്ത സംഗീതമഴ പൊഴിച്ച് ഗാനഗന്ധര്‍വ്വന് പിറന്നാള്‍ മംഗളം നേര്‍ന്നു.
കാഞ്ഞങ്ങാട് രാമചന്ദ്രന്റെ നേതൃത്വത്തിലായിരുന്നു സംഗീതാര്‍ച്ചന നടത്തിയത്. സംഗീത സംവിധായകന്‍ വിദ്യാധരന്‍ മാസ്റ്ററും യേശുദാസിനോടൊപ്പമുണ്ടായിരുന്നു. ‘ഇതെല്ലാം വിട്ടുപോകണം, ഈ ജീവിതമൊന്നും അത്രകാര്യമല്ല, വിദൂരഗ്രാമത്തില്‍ പോയി ആദിവാസി കുട്ടികളെ സംഗീതം പഠിപ്പിക്കണം. അവരുടെ അകത്ത് ശുദ്ധസംഗീതമുണ്ട്, നഗരത്തിലെ കുട്ടികളില്‍ അതില്ല. ഒറ്റ തോര്‍ത്ത് മുണ്ട് ഉടുത്ത് പോയാല്‍ മതി. എനിക്ക് ഇഷ്ടമുള്ള വസ്ത്രമാണ് തോര്‍ത്ത്’-യേശുദാസ് മാധ്യമപ്രവര്‍ത്തകരോട് പറഞ്ഞു.

LIVE NEWS - ONLINE

  • 1
    55 mins ago

    യുഎന്‍ മനുഷ്യാവകാശ കൗണ്‍സിലില്‍ നിന്ന് അമേരിക്ക പിന്‍മാറി

  • 2
    1 hour ago

    ജമ്മു കശ്മീരില്‍ ഗവര്‍ണര്‍ ഭരണം

  • 3
    1 hour ago

    കശ്മീരില്‍ മൂന്ന് ഭീകരരെ സൈന്യം വധിച്ചു

  • 4
    1 hour ago

    റഷ്യന്‍ വസന്തത്തില്‍ ഈജിപ്തിന് കാലിടറി

  • 5
    2 hours ago

    ചുംബന രംഗം പ്രചരണത്തിനുപയോഗിച്ചത് വേദനിപ്പിച്ചു

  • 6
    2 hours ago

    ചൊവ്വ ഭൂമിക്ക് ഏറ്റവും അടുത്ത് വരുന്നു..!

  • 7
    3 hours ago

    നിരവധി ക്രിമിനല്‍ കേസുകളിലെ പ്രതി പിടിയില്‍

  • 8
    3 hours ago

    ജോലി വാഗ്ദാനം ചെയ്ത് പണം തട്ടി; ഒരാള്‍ പിടിയില്‍

  • 9
    15 hours ago

    ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ സമരം അവസാനിപ്പിച്ചു