Tuesday, December 18th, 2018

കൊടുവള്ളിയില്‍ മേല്‍പാലം ഉടനെ വേണം

കൊടുവള്ളി മേല്‍പാലം ഇനിയും യാഥാര്‍ത്ഥ്യമായില്ല. കൊടുവള്ളി റെയില്‍വെ ഗേറ്റ് വഴി കടന്നുവരുന്ന യാത്രക്കാര്‍ക്ക് ഗതാഗത തടസം മൂലം നിശ്ചിത സമയത്ത് ഒരിടത്തും എത്താന്‍ കഴിയാത്ത അവസ്ഥയാണ്. തലശ്ശേരി നിന്നും പിണറായി, മമ്പറം വഴി അഞ്ചരക്കണ്ടി, ഇരിക്കൂര്‍, വിമാനത്താവളം എന്നിവിടങ്ങളിലേക്കും തിരിച്ചും യാത്ര ചെയ്യുന്ന വാഹനങ്ങള്‍ക്കാണ് ഗെയിറ്റില്‍ കുരുങ്ങി യാത്രാതടസമനുഭവപ്പെടുന്നത്.. കണ്ണൂര്‍-തലശ്ശേരി റെയില്‍വെ ലൈനിലെ ഈ സുപ്രധാന ഗെയിറ്റ് എത്രതവണ അടച്ചിടേണ്ടിവരുമെന്ന് കണക്കാക്കാനാവില്ല. അറുപത് ട്രെയിന്‍ ദിവസേന കടന്നുപോകുന്ന റെയില്‍വെ ലൈനില്‍ തീവണ്ടി ഗതാഗതം സുഗമമാക്കാന്‍ എത്രതവണ ഗെയിറ്റ് … Continue reading "കൊടുവള്ളിയില്‍ മേല്‍പാലം ഉടനെ വേണം"

Published On:Oct 11, 2018 | 1:10 pm

കൊടുവള്ളി മേല്‍പാലം ഇനിയും യാഥാര്‍ത്ഥ്യമായില്ല. കൊടുവള്ളി റെയില്‍വെ ഗേറ്റ് വഴി കടന്നുവരുന്ന യാത്രക്കാര്‍ക്ക് ഗതാഗത തടസം മൂലം നിശ്ചിത സമയത്ത് ഒരിടത്തും എത്താന്‍ കഴിയാത്ത അവസ്ഥയാണ്. തലശ്ശേരി നിന്നും പിണറായി, മമ്പറം വഴി അഞ്ചരക്കണ്ടി, ഇരിക്കൂര്‍, വിമാനത്താവളം എന്നിവിടങ്ങളിലേക്കും തിരിച്ചും യാത്ര ചെയ്യുന്ന വാഹനങ്ങള്‍ക്കാണ് ഗെയിറ്റില്‍ കുരുങ്ങി യാത്രാതടസമനുഭവപ്പെടുന്നത്.. കണ്ണൂര്‍-തലശ്ശേരി റെയില്‍വെ ലൈനിലെ ഈ സുപ്രധാന ഗെയിറ്റ് എത്രതവണ അടച്ചിടേണ്ടിവരുമെന്ന് കണക്കാക്കാനാവില്ല. അറുപത് ട്രെയിന്‍ ദിവസേന കടന്നുപോകുന്ന റെയില്‍വെ ലൈനില്‍ തീവണ്ടി ഗതാഗതം സുഗമമാക്കാന്‍ എത്രതവണ ഗെയിറ്റ് അടക്കണമെന്ന് ഊഹിക്കാവുന്നതേയുള്ളൂ. ഓരോതവണ ഗെയിറ്റ് അടക്കുമ്പോഴും അഞ്ചും പത്തും മിനിറ്റ് ഗെയിറ്റിനിരുവശവുമായി ചെറുതും വലുതുമായ വാഹനങ്ങള്‍ കാത്തുകെട്ടിക്കിടക്കുകയാവും. ദേശീയപാതയില്‍ കൂടി പോകുന്ന ദീര്‍ഘദൂര വാഹനങ്ങളെയും ഗെയിറ്റടച്ചാല്‍ ഗതാഗത തടസം ബാധിക്കും. ഇത് വര്‍ഷങ്ങളായി തുടരുകയാണ്.
ദേശീയപാതയില്‍ 90 വര്‍ഷത്തിലധികം പഴക്കമുള്ള മൊയ്തുപാലം ഭാരവാഹനങ്ങള്‍ക്ക് കടന്നുപോകാന്‍ പറ്റാത്തവിധം കേടായപ്പോള്‍ വാഹനങ്ങള്‍ കടന്നുപോയിരുന്നത് കൊടുവള്ളി റെയില്‍വെ ഗേറ്റ് വഴിയായിരുന്നു. പുതിയ മൊയ്തുപാലം ഗതാഗതത്തിന് തുറന്നുകൊടുത്തതോടെ ലോറികളും ട്രക്കുകളും ദേശീയപാതയില്‍ കൂടി തന്നെ കടന്നുപോകുന്നുണ്ട്്. കൊടുവള്ളി റെയില്‍വെ ഗേറ്റ് വഴി തലശ്ശേരിയില്‍ നിന്നും അഞ്ചരക്കണ്ടി ഭാഗത്തേക്ക് പോകുന്ന വാഹനങ്ങള്‍ വളരെ പ്രയാസപ്പെട്ടാണ് കടന്നുപോകുന്നത്. ഗേറ്റ് കഴിഞ്ഞാലുള്ള വളവുകളും കയറ്റവുമാണ് വലിയ വാഹനങ്ങള്‍ക്ക് പ്രയാസം സൃഷ്ടിക്കുന്നത്. അഞ്ചരക്കണ്ടി ഭാഗത്ത് നിന്ന്് തലശ്ശേരി ഭാഗത്തേക്ക് വരുമ്പോള്‍ ഗേറ്റ് എത്തുന്നതിന് മുമ്പുള്ള വളവും ഇറക്കവും പ്രയാസകരം തന്നെ. വാഹനങ്ങള്‍ ഇടിച്ച് ഗേറ്റ് കേടാവുന്നതും റിപ്പയര്‍ ചെയ്യുന്നതുവരെ വാഹനങ്ങള്‍ മറ്റ് റോഡുകളില്‍ കൂടി തിരിച്ചുവിടേണ്ടിവരികയും ചെയ്യുക പതിവാണ്. ട്രെയിന്‍ സുഗമമായി കടന്നുപോകണമെങ്കില്‍ മേല്‍പാലം കൂടിയേ തീരൂ. പത്ത് വര്‍ഷത്തിലധികമായി യാത്രക്കാരും രാഷ്ട്രീയ പാര്‍ട്ടികളും സംഘടനകളുമൊക്കെ മേല്‍പാലത്തിന് വേണ്ടി മുറവിളി കൂട്ടുന്നുണ്ട്. അതിപ്പോഴും തുടരുന്നു. മേല്‍പാലം ഉടനെ യാഥാര്‍ത്ഥ്യമാക്കുമെന്ന പ്രഖ്യാപനം മന്ത്രിമാരില്‍ നിന്നും ജനപ്രതിനിധികളില്‍ നിന്നും ഉയര്‍ന്ന റെയില്‍വെ ഉദ്യോഗസ്ഥരില്‍ നിന്നും പലതവണ ഉണ്ടായതാണ്. ഒടുവില്‍ പാലത്തിന് വേണ്ടി തയ്യാറാക്കിയ പ്ലാനില്‍ മാറ്റം വേണമെന്ന ആവശ്യവും ഉയര്‍ന്നിട്ടുണ്ട്്. ഇച്ഛാശക്തിയുള്ള ഭരണാധികാരികളുടെ അഭാവം പ്രയാസത്തിലാക്കുന്നത് കൊടുവള്ളിയില്‍ കാത്തുകെട്ടിക്കിടക്കേണ്ടിവരുന്ന ആയിരക്കണക്കിന് യാത്രക്കാരെയാണ്. മന്ത്രിമാരും ജനപ്രതിനിധികളും ഉയര്‍ന്ന റെയില്‍വെ ഉദ്യോഗസ്ഥരുമൊക്കെ നിരന്തരം ഇതുവഴി കടന്നുപോയിക്കൊണ്ടിരുന്നിട്ടും പുതിയ മേല്‍പാലം ഇന്നും പ്രഖ്യാപനത്തില്‍ ഒതുങ്ങി നില്‍ക്കുക തന്നെയാണ്. കൊടുവള്ളി റെയില്‍വെ ഗേറ്റിന് ഒരു കിലോമീറ്റര്‍ അകലെയുള്ള കുയ്യാലി റെയില്‍വെ ഗേറ്റിലും ഗതാഗതതടസ്സമുണ്ട്്. കൊടുവള്ളിയില്‍ മേല്‍പാലം വന്നാല്‍ രണ്ട് റെയില്‍വെ ഗേറ്റുകളിലും പ്രയാസമനുഭവിക്കുന്ന യാത്രക്കാര്‍ക്ക് അതൊരനുഗ്രഹമാകും. അധികൃതരുടെ അടിയന്തര ശ്രദ്ധ ആവശ്യമായിരിക്കുന്നു.

LIVE NEWS - ONLINE

  • 1
    8 hours ago

    ഗുജറാത്തില്‍ ചരക്ക് തീവണ്ടിയിടിച്ച് മൂന്ന് സിംഹങ്ങള്‍ ചത്തു

  • 2
    9 hours ago

    മായം കലര്‍ന്ന 74 ബ്രാന്‍ഡ് വെളിച്ചെണ്ണകള്‍ ഭക്ഷ്യവകുപ്പ് നിരോധിച്ചു

  • 3
    12 hours ago

    പാര്‍ട്ടിയിലെ വനിതകളെ സംരക്ഷിക്കാനാവാത്തവരാണ് വനിതാമതില് കെട്ടുന്നത്: ചെന്നിത്തല

  • 4
    14 hours ago

    ക്യാമറകളില്ലാതെ റെയില്‍വേ സ്‌റ്റേഷനുകള്‍ സ്ത്രീയാത്രക്കാര്‍ ഭീതിയില്‍

  • 5
    16 hours ago

    പിറവം കൊലപാതകം; രണ്ടു പേര്‍ അറസ്റ്റില്‍

  • 6
    16 hours ago

    കെ എസ് അര്‍ ടി സിയില്‍ വിശ്വാസമില്ല: ഹൈക്കോടതി

  • 7
    17 hours ago

    കെ.എസ്.ആര്‍.ടി.സി ഗുരുതര പ്രതിസന്ധിയില്‍: മന്ത്രി ശശീന്ദ്രന്‍

  • 8
    17 hours ago

    കെ.എസ്.ആര്‍.ടി.സി ഗുരുതര പ്രതിസന്ധിയില്‍: മന്ത്രി ശശീന്ദ്രന്‍

  • 9
    17 hours ago

    ബ്ലാസ്‌റ്റേഴ്‌സിന്റെ തുടര്‍ തോല്‍വി; ജെയിസും വിട വാങ്ങി