Wednesday, May 22nd, 2019

അഞ്ച് മണ്ഡലങ്ങളില്‍ യു.ഡി.എഫ്-ആര്‍.എസ്.എസ് സഖ്യം: കോടിയേരി

കണ്ണൂരില്‍ കെ സുധാകരനെതിരെ ആര്‍.എസ്.എസുകാര്‍ പ്രചാരണ രംഗത്തില്ല.

Published On:Apr 16, 2019 | 10:13 am

തിരു: സംസ്ഥാനത്തെ അഞ്ച് ലോക്‌സഭാ മണ്ഡലങ്ങളില്‍ യു.ഡി.എഫ് ആര്‍.എസ്.എസ് സഖ്യമുണ്ടെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. വടകര, കണ്ണൂര്‍, കോഴിക്കോട്, എറണാകുളം, കൊല്ലം മണ്ഡലങ്ങളിലാണ് യു.ഡി.എഫ് ആര്‍.എസ്.എസ് ധാരണയുള്ളത്. വടകരയില്‍ കെ. മുരളീധരനെ സ്ഥാനാര്‍ത്ഥി ആക്കിയത് ആര്‍.എസ്.എസിനോട് ചോദിച്ച് ബി.ജെ.പിയുടെ വോട്ട് ഉറപ്പിച്ച ശേഷമാണ്. അതുകൊണ്ടാണ് അവിടെ സ്ഥാനാര്‍ത്ഥിനിര്‍ണയം വൈകിയതെന്നും കോടിയേരി ആരോപിച്ചു. ഒരു ചാനലിന് നല്‍കിയ അഭിമുഖത്തിലാണ് കോടിയേരി ഈ ആരോപണമുന്നയിച്ചത്.
കണ്ണൂരില്‍ മത്സരിക്കുന്ന കോണ്‍ഗ്രസ് സ്ഥാനാര്‍ഥിക്കെതിരെ ആര്‍.എസ്.എസുകാര്‍ പ്രചാരണ രംഗത്തില്ല. ബി.ജെ.പി സ്ഥാനാര്‍ത്ഥിയായി സി.കെ പത്മനാഭന്‍ എന്ന മുതിര്‍ന്ന നേതാവ് മത്സരിച്ചിട്ടും ആരും അദ്ദേഹത്തിന് വേണ്ടി പ്രചാരണത്തിന് ഇറങ്ങുന്നില്ല. കോഴിക്കോട് ക്ഷേത്ര സമിതികളുമായി ബന്ധപ്പെട്ട് എം.കെ രാഘവനും ആര്‍.എസ്.എസും തമ്മില്‍ നേരത്തെ തന്നെ ധാരണയിലെത്തിയിരുന്നു. കൊല്ലത്ത് എന്‍.കെ പ്രേമചന്ദ്രനെതിരെ അറിയപ്പെടാത്ത ഒരാളെയാണ് സ്ഥാനാര്‍ത്ഥിയാക്കിയത്. പ്രേമചന്ദ്രന്‍ മോദിക്കെതിരെ എന്തെങ്കിലും പറയുന്നുണ്ടോ കോടിയേരി ചോദിച്ചു.
എറണാകുളത്ത് അല്‍ഫോണ്‍സ് കണ്ണന്താനത്തിന്റെ കൂടെ ആര്‍.എസ്.എസുകാര്‍ പ്രചരണത്തിന് ഇറങ്ങുന്നില്ലെന്നും ഏകനായാണ് അദ്ദേഹം പ്രചാരണം നടത്തുന്നതെന്നും കോടിയേരി പരിഹസിച്ചു. സംസ്ഥാനത്തെ അഞ്ച് മണ്ഡലങ്ങളില്‍ വോട്ട് മറിക്കാന്‍ യു.ഡി.എഫ് ആര്‍.എസ്.എസ് ധാരണയുണ്ടെന്ന ആരോപണം പ്രചാരണ രംഗത്ത് കൂടുതല്‍ ശക്തമാക്കാനാണ് സി.പി.എം നേതൃത്വത്തിന്റെ തീരുമാനം.

 

LIVE NEWS - ONLINE

  • 1
    42 mins ago

    യാക്കൂബ് വധം; അഞ്ച് ആര്‍.എസ്.എസ്. പ്രവര്‍ത്തകര്‍ കുറ്റക്കാര്‍

  • 2
    1 hour ago

    ആളുമാറി ശസ്ത്രക്രിയ; മനുഷ്യാവകാശ കമ്മീഷന്‍ കേസെടുത്തു

  • 3
    3 hours ago

    മാന്‍ ബുക്കര്‍ പുരസ്‌കാരം പ്രശസ്ത അറബി സാഹിത്യകാരി ജൂഖ അല്‍ഹാര്‍സിക്ക്

  • 4
    3 hours ago

    വോട്ടെണ്ണല്‍ സുൂപ്പര്‍ ഫാസ്റ്റ് വേഗത്തില്‍ വേണ്ടെന്ന് തെരഞ്ഞെടുപ്പ് കമ്മീഷന്‍

  • 5
    3 hours ago

    വോട്ടെണ്ണല്‍ പൂര്‍ത്തിയാക്കാന്‍ 10 മണിക്കൂര്‍

  • 6
    3 hours ago

    കശ്മീരില്‍ ഏറ്റുമുട്ടല്‍; രണ്ട് തീവ്രവാദികളെ വധിച്ചു

  • 7
    4 hours ago

    നടന്‍ സിദ്ദിഖിനെതിരെ മീ ടൂ ആരോപണവുമായി നടി രേവതി സമ്പത്ത്

  • 8
    4 hours ago

    മണര്‍കാട് കസ്റ്റഡി മരണം; രണ്ട് പോലീസുകാര്‍ക്ക് സസ്‌പെന്‍ഷന്‍

  • 9
    4 hours ago

    റിസാറ്റ് 2ബിവിജയകരമായി വിക്ഷേപിച്ചു