Saturday, September 22nd, 2018

‘അഴിമതിയില്‍ കോണ്‍ഗ്രസിന് ബിരുദമാണെങ്കില്‍ ബിജെപിക്ക് ഡോക്ടറേറ്റ്’

കണ്ണൂര്‍: കണ്ണൂരില്‍ മറ്റു പാര്‍ട്ടികളില്‍ നിന്നും സി പി എമ്മിലേക്ക് വന്ന പ്രവര്‍ത്തകര്‍ക്ക് സ്വാഗതമോതി നേതാക്കള്‍. യൂത്ത്‌ലീഗ് മുന്‍ ജില്ലാ പ്രസിഡണ്ടടക്കമുള്ളവരെയാണ് സി പി എം സ്വീകരിച്ചത്. സംസ്ഥാന സെക്രട്ടറി കോടിയേരി ബാലകൃഷ്ണനാണ് കണ്ണൂര്‍ സ്റ്റേഡിയത്തില്‍ നടന്ന പൊതുയോഗത്തില്‍ ഇവരെ സ്വീകരിച്ചത്. മോദി ഇന്ത്യ ഭരിക്കുകയാണെങ്കില്‍ സി പി എം ഇനിയും വളരുമെന്നും അഴിമതിയില്‍ കോണ്‍ഗ്രസ് ബിരുദാനന്തര ബിരുദമാണ് നേടിയതെങ്കില്‍ ബി ജെ പി നേടിയത് ഡോക്ടറേറ്റാണെന്നും കോടിയേരി പറഞ്ഞു. മറ്റ് രാഷ്ട്രീയ പ്രവര്‍ത്തകരോടല്ല അവര്‍ പിന്തുടരുന്ന … Continue reading "‘അഴിമതിയില്‍ കോണ്‍ഗ്രസിന് ബിരുദമാണെങ്കില്‍ ബിജെപിക്ക് ഡോക്ടറേറ്റ്’"

Published On:Jul 28, 2017 | 3:15 pm

കണ്ണൂര്‍: കണ്ണൂരില്‍ മറ്റു പാര്‍ട്ടികളില്‍ നിന്നും സി പി എമ്മിലേക്ക് വന്ന പ്രവര്‍ത്തകര്‍ക്ക് സ്വാഗതമോതി നേതാക്കള്‍. യൂത്ത്‌ലീഗ് മുന്‍ ജില്ലാ പ്രസിഡണ്ടടക്കമുള്ളവരെയാണ് സി പി എം സ്വീകരിച്ചത്. സംസ്ഥാന സെക്രട്ടറി കോടിയേരി ബാലകൃഷ്ണനാണ് കണ്ണൂര്‍ സ്റ്റേഡിയത്തില്‍ നടന്ന പൊതുയോഗത്തില്‍ ഇവരെ സ്വീകരിച്ചത്.
മോദി ഇന്ത്യ ഭരിക്കുകയാണെങ്കില്‍ സി പി എം ഇനിയും വളരുമെന്നും അഴിമതിയില്‍ കോണ്‍ഗ്രസ് ബിരുദാനന്തര ബിരുദമാണ് നേടിയതെങ്കില്‍ ബി ജെ പി നേടിയത് ഡോക്ടറേറ്റാണെന്നും കോടിയേരി പറഞ്ഞു. മറ്റ് രാഷ്ട്രീയ പ്രവര്‍ത്തകരോടല്ല അവര്‍ പിന്തുടരുന്ന നയത്തോടാണ് സി പി എമ്മിന് വിയോജിപ്പ്. ഈ നയം തിരുത്തി വരുന്നവരെ സി പി എം സ്വാഗതം ചെയ്യുന്നു. കേരളത്തിലെ പല ഭാഗങ്ങളിലും ഇത്തരത്തില്‍ നിരവധി പേര്‍ പാര്‍ട്ടിയിലേക്ക് വരുന്നുണ്ട്. ബി ജെ പിയില്‍ നിന്ന് നിരവധി പേര്‍ പാര്‍ട്ടിയിലേക്ക് വരുന്നുണ്ട്. സംഘപരിവാറിലെ ജീര്‍ണതകള്‍ കണ്ടുമടുത്താണ് അവര്‍ പുറത്തേക്ക് ചാടുന്നത്. ആര്‍ എസ് എസ് വിഭാവനം ചെയ്യുന്ന ഹിന്ദുരാഷ്ട്രം ബഹുഭൂരിപക്ഷം ഹിന്ദുക്കള്‍ക്കും എതിരാണെന്ന് മോദി ഭരണം മൂന്നുവര്‍ഷം കൊണ്ട് തെളിയിച്ചു. ഗോഡ്‌സെയുടെ അനുയായികള്‍ രാജ്യം ഭരിക്കുന്ന അപകടകരമായ അവസ്ഥയാണുള്ളതെന്നും അദ്ദേഹം പറഞ്ഞു.
ചടങ്ങില്‍ സി പി എം ജില്ലാ സെക്രട്ടറി പി ജയരാജന്‍ അധ്യക്ഷത വഹിച്ചു. നേതാക്കളായ എം പ്രകാശന്‍, കെ എം ജോസഫ്, കെ വി സുമേഷ്, കെ പി സഹദേവന്‍, എം ചന്ദ്രന്‍, വയക്കാടി ബാലകൃഷ്ണന്‍, എം ഷാജര്‍ എന്നിവര്‍ സംസാരിച്ചു.

LIVE NEWS - ONLINE

  • 1
    8 hours ago

    ബിഷപ്പിനെ ഞായറാഴ്ച്ച രാവിലെ തെളിവെടുപ്പിനായി കുറവിലങ്ങാട് മഠത്തില്‍ എത്തിക്കും

  • 2
    9 hours ago

    ഗള്‍ഫിലേക്ക് കടത്താന്‍ ശ്രമിച്ച ഹാഷിഷ് പിടികൂടി

  • 3
    11 hours ago

    ലോക്‌സഭാ തെരഞ്ഞെടുപ്പില്‍ മികച്ച വിജയം ലക്ഷ്യം: മുല്ലപ്പള്ളി

  • 4
    14 hours ago

    ബിഷപ്പിനെ കോടതിയില്‍ ഹാജരാക്കി

  • 5
    14 hours ago

    രക്തവും ഉമിനീരും ബലം പ്രയോഗിച്ച് ശേഖരിച്ചു: ബിഷപ്പ്

  • 6
    14 hours ago

    ബിഷപ്പിനെ രണ്ട് ദിവസത്തെ പോലീസ് കസ്റ്റഡിയില്‍ വിട്ടു

  • 7
    16 hours ago

    ബിഷപ് ഫ്രാങ്കോ മുളക്കലിനെ ഇന്ന് കോടതിയില്‍ ഹാജരാക്കും

  • 8
    17 hours ago

    കന്യാസ്ത്രീകള്‍ സമരം ചെയ്തില്ലെങ്കിലും സര്‍ക്കാര്‍ നടപടി സ്വീകരിക്കും: എം.എ.ബേബി

  • 9
    17 hours ago

    കോടിയേരിക്ക് മാനസികം: പിഎസ് ശ്രീധരന്‍ പിള്ള