Wednesday, July 17th, 2019

കൊച്ചി വിമാനത്താവളത്തിന്‍ സുരക്ഷാ പരിശീലന ഇന്‍സ്റ്റിറ്റിയൂട്ട്‌

  കൊച്ചി: അന്താരാഷ്ട്ര വിമാനത്താവളത്തിന്‍ ഏവിയേഷന്‍ സുരക്ഷാ പരിശീലന ഇന്‍സ്റ്റിറ്റിയൂട്ട് പ്രവര്‍ത്തനം തുടങ്ങുന്നു. ഫിബ്ര. ഒന്നിന് കേന്ദ്രമന്ത്രി കെ.സി. വേണുഗോപാല്‍ കേന്ദ്രത്തിന്റെ ഉദ്ഘാടനം നിര്‍വഹിക്കും. വിമാനത്താവളത്തില്‍ വിവിധ സുരക്ഷാ വിഭാഗങ്ങളില്‍ നിയോഗിക്കപ്പെടുന്നവര്‍ക്ക് ശാസ്ത്രീയ പരിശീലനം നല്‍കാന്‍ ബ്യൂറോ ഓഫ് സിവില്‍ ഏവിയേഷന്‍ സെക്യൂരിറ്റീസ് ഇത്തരം പരിശീലന പദ്ധതിക്ക് മുന്‍കയ്യെടുത്തത്. രണ്ടുകോടി രൂപയാണ് ചെലവ്. ആധുനിക പരിശീലന ക്രമീകരണങ്ങളാണ് ഇവിടെ ഒരുക്കിയിട്ടുള്ളത്. എക്‌സ്‌റേ സിമുലേറ്റര്‍, സ്‌ഫോടന മാതൃകാ കേന്ദ്രം, വായനശാല, ക്ലാസ് മുറികള്‍, കമ്പ്യൂട്ടര്‍ ലാബുകള്‍ എന്നിവ ഒരുക്കിയിട്ടുണ്ട്. … Continue reading "കൊച്ചി വിമാനത്താവളത്തിന്‍ സുരക്ഷാ പരിശീലന ഇന്‍സ്റ്റിറ്റിയൂട്ട്‌"

Published On:Jan 22, 2014 | 10:38 am

Cochin International Airport Nedumbassery Full

 
കൊച്ചി: അന്താരാഷ്ട്ര വിമാനത്താവളത്തിന്‍ ഏവിയേഷന്‍ സുരക്ഷാ പരിശീലന ഇന്‍സ്റ്റിറ്റിയൂട്ട് പ്രവര്‍ത്തനം തുടങ്ങുന്നു. ഫിബ്ര. ഒന്നിന് കേന്ദ്രമന്ത്രി കെ.സി. വേണുഗോപാല്‍ കേന്ദ്രത്തിന്റെ ഉദ്ഘാടനം നിര്‍വഹിക്കും.
വിമാനത്താവളത്തില്‍ വിവിധ സുരക്ഷാ വിഭാഗങ്ങളില്‍ നിയോഗിക്കപ്പെടുന്നവര്‍ക്ക് ശാസ്ത്രീയ പരിശീലനം നല്‍കാന്‍ ബ്യൂറോ ഓഫ് സിവില്‍ ഏവിയേഷന്‍ സെക്യൂരിറ്റീസ്
ഇത്തരം പരിശീലന പദ്ധതിക്ക് മുന്‍കയ്യെടുത്തത്.
രണ്ടുകോടി രൂപയാണ് ചെലവ്. ആധുനിക പരിശീലന ക്രമീകരണങ്ങളാണ് ഇവിടെ ഒരുക്കിയിട്ടുള്ളത്. എക്‌സ്‌റേ സിമുലേറ്റര്‍, സ്‌ഫോടന മാതൃകാ കേന്ദ്രം, വായനശാല, ക്ലാസ് മുറികള്‍, കമ്പ്യൂട്ടര്‍ ലാബുകള്‍ എന്നിവ ഒരുക്കിയിട്ടുണ്ട്. ചീഫ് സെക്യൂരിറ്റി ഓഫീസര്‍ ഗൗരിശങ്കറിന്റെ നേതൃത്വത്തിലുള്ള ആറംഗ വിദഗ്ദ്ധ സംഘമാണ് പരിശീലകര്‍.
വിമാനത്താവളത്തിലെ ബാഗേജ് പരിശോധനയ്ക്കുള്ള പരിശീലനത്തിനാണ് എക്‌സ്‌റേ സിമുലേറ്റര്‍ ഒരുക്കിയിട്ടുള്ളത്. ബാഗേജിനുള്ളില്‍ എന്താണുള്ളതെന്ന് മനസ്സിലാക്കാനും സ്‌ക്രീനില്‍ തെളിയുന്ന രൂപം കണ്ട് അപഗ്രഥിക്കാനും സിമുലേറ്റര്‍ സഹായിക്കും. ഇത്തരത്തില്‍ 21 സിമുലേറ്ററുകള്‍ ഇവിടെയുണ്ട്. സ്‌ഫോടക മാതൃകാകേന്ദ്രത്തില്‍ വിവിധതരത്തിലുള്ള സ്‌ഫോടനങ്ങളെക്കുറിച്ചും അവയിലേക്ക് നയിക്കുന്ന കാരണങ്ങളെക്കുറിച്ചും വിശദമായി പഠിക്കാം.
വായനശാലയില്‍ പരിശീലന സിഡികളും അന്താരാഷ്ട്ര സിവില്‍ ഏവിയേഷന്‍ ഓര്‍ഗനൈസേഷന്റെ (ഐകാവോ) പരിശീലന സഹായികളും ലഭ്യമാണ്. ഏവിയേഷന്‍ സുരക്ഷാമേഖലയില്‍ പ്രസിദ്ധീകരിക്കപ്പെടുന്ന മിക്ക മികച്ച ജേര്‍ണലുകളും വായനശാലയില്‍ ലഭ്യമാക്കിയിട്ടുണ്ട്. പരിശീലനത്തിന്റെ ഓരോ ഘട്ടവും വിലയിരുത്താനും തെറ്റുകള്‍ തിരുത്താനും കമ്പ്യൂട്ടര്‍ അധിഷ്ഠിത അധ്യയനരീതി സഹായിക്കുന്നു.
സിയാലിന്റെ ഉപകമ്പനിയായ അക്കാദമിയിലാണ് ഇന്‍സ്റ്റിറ്റിയൂട്ട് ഒരുക്കിയിട്ടുള്ളത്. ബി.സി.എ.എസ്സിന്റെ വിദഗ്ദ്ധര്‍ ഇന്‍സ്റ്റിറ്റിയൂട്ട് സന്ദര്‍ശിക്കുകയും മികച്ച അഭിപ്രായം രേഖപ്പെടുത്തുകയും ചെയ്തു.
മംഗലാപുരം, കോഴിക്കോട്, കോയമ്പത്തൂര്‍, തിരുച്ചിറപ്പിള്ളി, മധുര, തിരുവനന്തപുരം എന്നിവിടങ്ങളില്‍ പരിശീലനം നല്‍കാനാണ് ഉദ്ദേശിക്കുന്നത്.

LIVE NEWS - ONLINE

  • 1
    6 hours ago

    ദുബായില്‍നിന്നും കണ്ണൂരിലേക്ക് വിമാന സര്‍വ്വീസ് ഉടന്‍

  • 2
    8 hours ago

    കുല്‍ഭൂഷണ്‍ ജാദവിന്റെ വധശിക്ഷ അന്താരാഷ്ട്ര കോടതി തടഞ്ഞു

  • 3
    11 hours ago

    രാജ് കുമാറിന്റെ ഭാര്യയ്ക്ക് സര്‍ക്കാര്‍ ജോലി നല്‍കും

  • 4
    11 hours ago

    ഏഴുവയസുകാരിയെ പീഡിപ്പിച്ച് കൊന്ന ബന്ധുവിന് മൂന്ന് ജീവപര്യന്തം

  • 5
    12 hours ago

    കുത്തിയത് ശിവരഞ്ജിത്തെന്ന് അഖിലിന്റെ മൊഴി

  • 6
    13 hours ago

    മുംബൈ ഭീകരാക്രമണകേസ്; മുഖ്യ പ്രതി ഹാഫിസ് സയിദ് അറസ്റ്റില്‍

  • 7
    14 hours ago

    കുമാരസ്വാമി രാജിവെക്കണം: യെദിയൂരപ്പ

  • 8
    14 hours ago

    കര്‍ണാടക; ഇടപെടാനാവില്ല: സുപ്രീം കോടതി

  • 9
    15 hours ago

    കുമാരസ്വാമി രാജിവെക്കണം: യെദിയൂരപ്പ