Tuesday, June 18th, 2019

കെവിന്റേത് മുങ്ങി മരണം തന്നെയെന്ന് മെഡിക്കല്‍ ബോര്‍ഡ് റിപ്പോര്‍ട്ട്

കെവിന്റേത് മുങ്ങിമരണമാണെന്നായിരുന്നു പോസ്റ്റ്‌മോര്‍ട്ടം റിപ്പോര്‍ട്ട്.

Published On:Jun 12, 2018 | 11:01 am

കോട്ടയം: ദുരഭിമാനത്തിന്റെ പേരില്‍ കൊല്ലപ്പെട്ട കോട്ടയം സ്വദേശി കെവിന്‍ പി.ജോസഫിന്റേത് മുങ്ങിമരണം തന്നെയാണെന്ന് മെഡിക്കല്‍ ബോര്‍ഡ് പ്രാഥമിക റിപ്പോര്‍ട്ട്. ഈ റിപ്പോര്‍ട്ട് ഐ.ജിക്ക് കൈമാറി. അന്തിമ നിഗമനത്തിന് മുന്‍പ് മെഡിക്കല്‍ സംഘം തെന്മലയില്‍ പരിശോധന നടത്തും. പോലീസ് സര്‍ജന്മാരുടെ സംഘമാണ് സ്ഥലത്ത് പരിശോധന നടത്തുക. കെവിന്റേത് മുങ്ങിമരണമാണെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ കണ്ടെത്തിയതോടെയാണ് മെഡിക്കല്‍ ബോര്‍ഡ് രൂപീകരിച്ചത്.
കെവിന്‍ മുങ്ങിമരിച്ചതാണെന്ന് ഇടക്കാല പോസ്റ്റ്‌മോര്‍ട്ടം റിപ്പോര്‍ട്ടിലും വ്യക്തമാക്കിയിരുന്നു. ശരീരത്തില്‍ 14 മുറിവുകള്‍ കണ്ടെത്തിയെങ്കിലും അവയൊന്നും മരണകാരണമായിരുന്നില്ല. രക്ഷപ്പെടാന്‍ ശ്രമിച്ചപ്പോള്‍ തോട്ടില്‍ വീണതോ അടികൊണ്ട് അബോധാവസ്ഥയിലായ കെവിന്‍ മരിച്ചുവെന്ന് കരുതി പുഴയില്‍ തള്ളിയതോ ആകാമെന്നായിരുന്നു പോലീസ് നിഗമനം. മുങ്ങിമരണം സ്ഥിരീകരിക്കുന്നതിന് കെവിന്റെ ശ്വാസകോശത്തിലെ വെള്ളവും മരിച്ചുകിടന്ന ചാലിയേക്കര തോട്ടിലെ വെള്ളവും പരിശോധിച്ചിരുന്നു.
മേയ് 27ന് കോട്ടയം മാന്നാനത്തെ വീട്ടില്‍ നിന്നും അക്രമിസംഘം തട്ടിക്കൊണ്ടുപോയ കെവിന്റെ മൃതദേഹം ചാലിയേക്കര തോട്ടിലാണ് കണ്ടെത്തിയത്. സംഭവവുമായി ബന്ധപ്പെട്ട് ഭാര്യ പിതാവ് ചാക്കോ, സഹോദരന്‍ ഷാനു എന്നിവരടക്കം 14 പേര്‍ അറസ്റ്റിലായിട്ടുണ്ട്. ഇവര്‍ റിമാന്റിലാണ്. ഭാര്യയുടെ അമ്മ ഇപ്പോഴും ഒളിവിലാണ്.

 

 

LIVE NEWS - ONLINE

  • 1
    11 hours ago

    ജെ.പി. നഡ്ഡ ബി.ജെ.പി. ദേശീയ വര്‍ക്കിങ് പ്രസിഡന്റ്; അമിത് ഷാ അധ്യക്ഷനായി തുടരും

  • 2
    13 hours ago

    സൈനിക വാഹനം സ്ഫോടനത്തില്‍ തകര്‍ന്നു

  • 3
    14 hours ago

    മമതയുമായി ഡോക്ടര്‍മാരുടെ സംഘടനകള്‍ നടത്തിയ ചര്‍ച്ച വിജയം: ഡോക്ടര്‍മാരുടെ സമരം പിന്‍വലിച്ചു

  • 4
    17 hours ago

    തലശ്ശരേിയിലെ ബി.ജെ.പി നേതാവ് എം.പി.സുമേഷ് വധശ്രമക്കേസില്‍ ആറ് സി.പി.എം പ്രവര്‍ത്തകര്‍ കുറ്റക്കാര്‍

  • 5
    19 hours ago

    പശ്ചിമ ബംഗാളിലെ സമരം ചെയ്യുന്ന ഡോക്ടര്‍മാരുമായി മമത ഇന്ന് ചര്‍ച്ച നടത്തും

  • 6
    20 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 7
    21 hours ago

    സര്‍ക്കാറിന് തിരിച്ചടി; ഖാദര്‍ കമ്മറ്റി റിപ്പോര്‍ട്ട് ഹൈക്കോടതി സ്‌റ്റേ ചെയ്തു

  • 8
    21 hours ago

    ഡോക്ടര്‍മാരുടെ പണിമുടക്ക് പൂര്‍ണം; രോഗികള്‍ വലഞ്ഞു

  • 9
    22 hours ago

    അംഗസംഖ്യയുടെ കാര്യത്തില്‍ പ്രതിപക്ഷം ആശങ്കപ്പെടേണ്ട: മോദി