Tuesday, April 23rd, 2019

വെള്ളത്തില്‍ മുങ്ങിയ സംസ്ഥാനത്ത് യാത്രാദുരിതവും

മണ്ണിടിഞ്ഞും വെള്ളമൊഴുകിയും റോഡുകള്‍ തകര്‍ന്നതും ദുരിതം ഇരട്ടിയാക്കി.

Published On:Aug 17, 2018 | 10:09 am

തിരു: പ്രളയം വിതച്ച ദുരിതത്തിനൊപ്പം ഗതാഗത മാര്‍ഗങ്ങള്‍ കൂടി പൂര്‍ണമായും സ്തംഭിച്ചത് കേരളത്തിന് കൂടുതല്‍ തിരിച്ചടിയായി. നിലവില്‍ മധ്യ കേരളവും തെക്കന്‍ കേരളവും തമ്മില്‍ ഒറ്റപ്പെട്ട നിലയിലാണ്. ഇതിനൊപ്പം തോട്ടപ്പള്ളി സ്പില്‍വേ തുറക്കുമെന്ന മുന്നറിയിപ്പിനെ തുടര്‍ന്ന് രാവിലെ 11 മണി മുതല്‍ തിരുവനന്തപുരം എറണാകുളം ദേശീയ പാതയില്‍ ഗതാഗതം പൂര്‍ണമായും നിരോധിക്കും. കൊല്ലം ജില്ലാ അതിര്‍ത്തിയില്‍ വച്ച് വാഹനങ്ങളെ തടയാന്‍ പോലീസിന് ജില്ലാ ഭരണകൂടം നിര്‍ദ്ദേശം നല്‍കിയിട്ടുണ്ട്. തിരുവനന്തപുരത്ത് നിന്നും കോട്ടയം വഴിയുള്ള ട്രെയിന്‍ സര്‍വീസുകളും പൂര്‍ണമായും റദ്ദാക്കിയിട്ടുണ്ട്. ആലപ്പുഴ വഴി നാമമാത്ര ട്രെയിനുകള്‍ മാത്രമാണ് സര്‍വീസ് നടത്തുന്നത്.
അതിനിടെ മണ്ണിടിഞ്ഞും വെള്ളമൊഴുകിയും റോഡുകള്‍ തകര്‍ന്നതും ദുരിതം ഇരട്ടിയാക്കി. സംസ്ഥാനത്തിന്റെ പലയിടങ്ങളിലും ഇന്ധനക്ഷാമം രൂക്ഷമാണെന്നാണ് വിവരം. പ്രതികൂല സാഹചര്യത്തില്‍ കെ.എസ്.ആര്‍.ടി.സിക്ക് പൂര്‍ണ തോതില്‍ സര്‍വീസ് നടത്താന്‍ ആകുന്നില്ല. എന്നാല്‍ കോര്‍പ്പറേഷന് ഇന്ധനക്ഷാമം ഇല്ലെന്നാണ് കെ.എസ്.ആര്‍.ടി.സി അധികൃതര്‍ നല്‍കുന്ന വിവരം. എന്നാല്‍ കോര്‍പ്പറേഷന്റെ മിക്ക ഡിപ്പോകളും വെള്ളത്തിനടിയിലാണ്. ഇവിടത്തെ വാര്‍ത്താ വിനിമയ സംവിധാനങ്ങളും തകരാറിലായത് സര്‍വീസുകള്‍ പുനസ്ഥാപിക്കാന്‍ വന്‍ തിരിച്ചടിയായി.
അതേസമയം, പ്രതികൂല സാഹചര്യത്തിലും പരമാവധി സര്‍വീസുകള്‍ നടത്താനാണ് പദ്ധതിയെന്ന് കെ.എസ്.ആര്‍.ടി.സി അറിയിച്ചു. എന്നാല്‍ യാത്രക്കിറങ്ങുന്നതിന് മുമ്പ് സര്‍വീസുകള്‍ നടത്തുന്നുണ്ടോയെന്ന് ഉറപ്പ് വരുത്തണമെന്നും കോര്‍പ്പറേഷന്‍ കൂട്ടിച്ചേര്‍ത്തു.

 

LIVE NEWS - ONLINE

  • 1
    32 mins ago

    രാത്രി ബസുകളിലെ നിയമ ലംഘനം മോട്ടോര്‍ വകുപ്പിന്റെ വീഴ്ച

  • 2
    1 hour ago

    ഇത്തവണ ബിജെപി അക്കൗണ്ട് തുറക്കും: ശ്രീധരന്‍ പിള്ള

  • 3
    2 hours ago

    സംസ്ഥാനത്ത് പോളിംഗിനിടെ മുന്നുപേര്‍ കുഴഞ്ഞു വീണ് മരിച്ചു

  • 4
    2 hours ago

    പൊരിവെയിലത്തും കനത്ത പോളിംഗ്

  • 5
    2 hours ago

    യന്ത്രത്തില്‍ തകരാര്‍: വയനാട്ടില്‍ റീ പോളിംഗ് വേണമെന്ന് തുഷാര്‍

  • 6
    3 hours ago

    വോട്ട് അധികാരവും, അവകാശവുമാണ്: മമ്മൂട്ടി

  • 7
    3 hours ago

    ചൊക്ലിയില്‍ വോട്ട് ചെയ്യാനെത്തിയ സ്ത്രീ കുഴഞ്ഞു വീണ് മരിച്ചു

  • 8
    5 hours ago

    മുഖ്യമന്ത്രിയുടെ ബൂത്തിലും വോട്ടിംഗ് യന്ത്രം പണിമുടക്കി

  • 9
    6 hours ago

    കോവളത്തും ചേര്‍ത്തലയിലും കൈപ്പത്തിക്ക് കുത്തിയ വോട്ട് താമരക്ക്