Wednesday, April 24th, 2019

അമ്മമ്മോ…! എംമ്പാപെ

ഗോള്‍ഡന്‍ ബോള്‍ മോഡ്രിച്ചിന്, ബൂട്ട്- കെയ്ന്‍, ഗ്ലൗ- കുര്‍ട്ടോ

Published On:Jul 16, 2018 | 9:56 am

മോസ്‌കോ: റഷ്യന്‍ ലോക കപ്പിലെ മികച്ച യുവതാരമായി മാറിയ ഫ്രാന്‍സിന്റെ കീലിയന്‍ എംബാപെ ലോക ഫുട്‌ബോള്‍ മനസ് കീഴടക്കുന്നു. ലാറ്റിനമേരിക്കന്‍ രാജ്യങ്ങളിലെ മികച്ച താരങ്ങളെ പിന്തള്ളിയാണ് എംമ്പാപെ ഈ നേട്ടം കൈവരിച്ചത്. മെസ്സി എന്ന ഫുട്‌ബോള്‍ മാന്ത്രികനെയും എഴുന്നള്ളിച്ചെത്തിയ അര്‍ജന്റീനക്കെതിരെ നേടിയ മികച്ച രണ്ടു ഗോളുകള്‍ എംമ്പാപെ എന്ന 19 കാരന്‍ പയ്യനെ നേരത്തെ തന്നെ ശ്രദ്ധേയനാക്കിയിരുന്നു. ഇന്നലെ നേടിയ മനോഹരമായ ഗോളടക്കം മൊത്തം 4 ഗോളുകളാണ് ഫ്രഞ്ച് പയ്യന്‍ റഷ്യന്‍ ലോക കപ്പില്‍ വാരിക്കൂട്ടിയത്. ആരെയും അതിശയിപ്പിക്കുന്ന മെയ് വഴക്കവും വേഗതയും കൊണ്ട് പ്രതിരോധത്തെ കീറിമുറിച്ച് തൊടുക്കുന്ന ബുള്ളറ്റ് ഷോട്ടുകള്‍ എംമ്പാപെയുടെ മാത്രം പ്രത്യേകതയാണ്. അതുകൊണ്ട് തന്നെയാണ് ഈ ലോക കപ്പിലെ മികച്ച യുവതാരത്തിനുള്ള അവാര്‍ഡ് എംമ്പാപെയെ തേടിയെത്തിയത്.
മികച്ച താരത്തിനുള്ള ഗോള്‍ഡന്‍ ബോള്‍ പുരസ്‌കാരം ക്രൊയേഷ്യന്‍ നായകന്‍ ലുക്കാ മോഡ്രിച്ചച്ച് സ്വന്തമാക്കി. ലോക ഫുട്‌ബോള്‍ ആരാധകരുടെ മനം കവര്‍ന്ന് രണ്ടാം സ്ഥാനത്തായി റഷ്യയില്‍ നിന്നും മടങ്ങുന്ന ക്രൊയേഷ്യയെ ഫൈനല്‍ വരെ എത്തിച്ച പ്രകടനമാണ് മോഡ്രിച്ചിനെ അവാര്‍ഡിനെ അര്‍ഹരാക്കിയത്. ബെല്‍ജിയം നായകന്‍ ഈഡന്‍ ഹസാഡ്, ഫ്രഞ്ച് താരം ആന്റോയിന്‍ ഗ്രീസ്മാന്‍ എന്നിവരെ പിന്തള്ളിയാണ് മോഡ്രിച്ച് ഒന്നാം സ്ഥാനത്ത് എത്തിയത്. ബെല്‍ജിയത്തെ മൂന്നാം സ്ഥാനത്ത് വരെ എത്തിക്കാന്‍ നിര്‍ണായക പങ്കുവഹിച്ച ഗോള്‍കീപ്പര്‍ തിബോ കുര്‍ട്ടോക്കാണ് മികച്ച ഗോളിക്കുള്ള പുഷ്‌കാസ് ഗോള്‍ഡന്‍ ഗ്ലൗ പുരസ്‌കാരം. ഗോള്‍ഡന്‍ ബൂട്ട് പ്രതീക്ഷിച്ചത് പോലെ ഇംഗ്ലണ്ട് നായകന്‍ ഹാരി കെയ്‌നും സ്വന്തമാക്കി.

 

LIVE NEWS - ONLINE

  • 1
    8 hours ago

    ടിക് ടോക് നിരോധനം മദ്രാസ് ഹൈക്കോടതി നീക്കി

  • 2
    9 hours ago

    ശ്രീനഗറില്‍ പാക് തീവ്രവാദി പിടിയില്‍

  • 3
    11 hours ago

    കെവിന്‍ വധം; സാക്ഷി എഴു പ്രതികളെ തിരിച്ചറിഞ്ഞു

  • 4
    12 hours ago

    അരിമ്പ്രയില്‍ നടന്നത് ചീമേനി മോഡല്‍ ആക്രമണം: എം വി ജയരാജന്‍

  • 5
    14 hours ago

    ഷുഹൈബ് വധം; നാലു പ്രതികള്‍ക്ക് ജാമ്യം

  • 6
    14 hours ago

    ജയിച്ചാലും തോറ്റാലും കള്ളവോട്ടിനെതിരെ പോരാടും: കെ സുധാകരന്‍

  • 7
    14 hours ago

    ഇനി കണക്കുകൂട്ടലിന്റെ ദിനങ്ങള്‍

  • 8
    17 hours ago

    ഉയര്‍ന്ന പോളിംഗ് കോണ്‍ഗ്രസിന് ഗുണം ചെയ്യും: തരൂര്‍

  • 9
    18 hours ago

    സംസ്ഥാനത്ത് പോളിംഗ് 77.67 ശതമാനം