Tuesday, November 20th, 2018

മൗനിയായി കാവ്യ, പൊട്ടിക്കരഞ്ഞ് മഞ്ജു

ദിലീപിന്റെ മാതാവ് സരോജവും സിനിമാ നിര്‍മ്മാതാവ് കൂടിയായ സഹോദരന്‍ അനൂപ്, ഭാര്യ എന്നിവരും കൊട്ടാരക്കടവിലെ വീട്ടിലുണ്ടായിരുന്നു. ആരും ഭക്ഷണം പോലും കഴിച്ചിട്ടില്ലെന്നാണ് സൂചന

Published On:Jul 11, 2017 | 12:08 pm

കൊച്ചി: ദിലീപിന്റെ അറസ്റ്റ് വാര്‍ത്തയില്‍ മൗനിയായി നടിയും ഭാര്യയുമായ കാവ്യാമാധവന്‍. ഷൂട്ടിംഗ് സ്ഥലത്ത് പൊട്ടിക്കരഞ്ഞ് മഞ്ജു വാര്യര്‍. അറസ്റ്റ് അറിഞ്ഞതു മുതല്‍ ആലുവ കൊട്ടാരക്കടവിലെ ‘പത്മസരോവരം’ വീട്ടില്‍ ആരോടും ഒന്നും പറയാനാവാതെ മൗനിയായാണ് കാവ്യ മാധവനെ കാണപ്പെട്ടത്. ഇന്നലെ രാവിലെ ദിലീപ് വീട്ടില്‍ നിന്നും പോകുമ്പോഴൊന്നും പോലീസ് അറസ്റ്റ് ചെയ്യുമെന്ന് കാവ്യ പ്രതീക്ഷിച്ചിരുന്നില്ല. എല്ലാം ശുഭകരമായി അവസാനിക്കുമെന്നാണ് ദിലീപ് കാവ്യയെ ധരിപ്പിച്ചിരുന്നത്. മാധ്യമങ്ങളില്‍ വരുന്ന വാര്‍ത്തകളൊന്നും വിശ്വസിക്കേണ്ടെന്നും സിനിമാ മേഖലയിലുള്ള ശത്രുക്കളാണ് വാര്‍ത്തകള്‍ക്കെല്ലാം പിന്നിലെന്ന് പറഞ്ഞ് ആശ്വസിപ്പിക്കുകയായിരുന്നു ഇതുവരെ. എന്നാല്‍, ഇന്നലെ വൈകിട്ട് ദിലീപിന്റെ അറസ്റ്റ് രേഖപ്പെടുത്തിയെന്ന് ചാനലുകളില്‍ വര്‍ത്ത കണ്ടപ്പോള്‍ കാവ്യയും ദിലീപിന്റെ മകള്‍ മീനാക്ഷിയും തകര്‍ന്ന് പോയി.
ദിലീപിന്റെ മാതാവ് സരോജവും സിനിമാ നിര്‍മ്മാതാവ് കൂടിയായ സഹോദരന്‍ അനൂപ്, ഭാര്യ എന്നിവരും കൊട്ടാരക്കടവിലെ വീട്ടിലുണ്ടായിരുന്നു. ഇന്നലെ രാത്രിയും രാവിലെയുമൊന്നും വീട്ടില്‍ ആരും ഭക്ഷണം പോലും കഴിച്ചിട്ടില്ലെന്നാണ് സൂചന. അതേസമയം അറസ്റ്റ് വിവരം അറിഞ്ഞയുടന്‍ മഞ്ജു വാര്യര്‍ ലോക്കേഷനില്‍ പൊട്ടിക്കരഞ്ഞതായി സൂചന. കമലിന്റെ പുതിയ ചിത്രമായ ആമിയുടെ ചിത്രീകരണത്തിനിടെയാണ് ദിലീപിന്റെ അറസ്റ്റ് വാര്‍ത്ത എത്തിയത്. മഞ്ജുവിന്റെ അസ്വസ്ഥതകളെ തുടര്‍ന്ന് ചിത്രീകരണം നിര്‍ത്തി വെക്കേണ്ടി വന്നുവത്രെ. നടി ആക്രമിക്കപ്പെട്ട കേസില്‍ ദിലീപിന് പങ്കുണ്ടെന്ന് മാധ്യമങ്ങള്‍ ആവര്‍ത്തിക്കുമ്പോഴും ഈ വാര്‍ത്തകളൊന്നും താന്‍ വിശ്വസിച്ചിരുന്നില്ലെന്നാണ് മഞ്ജു പറഞ്ഞിരുന്നത്.
അതേസമയം മഞ്ജുവാണ് ദിലീപിനെ കുടുക്കിയതെന്ന തരത്തിലും വാര്‍ത്തകള്‍ പ്രചരിക്കുന്നുണ്ട്. ദിലീപിന്റെ അറസ്‌റ്റോടെ ലേഡി സൂപ്പര്‍സ്റ്റാര്‍ എന്ന പരാമര്‍ശത്തോടെ മഞ്ജുവിനെ പ്രശംസിക്കുന്നവരെക്കൊണ്ട് നിറഞ്ഞിരിക്കുകയാണ് സോഷ്യല്‍ മീഡിയ.

 

LIVE NEWS - ONLINE

  • 1
    1 hour ago

    അമിത്ഷായ്ക്ക് മുഖ്യമന്ത്രിയുടെ മറുപടി

  • 2
    2 hours ago

    ശബരിമല പ്രതിഷേധം; ആര്‍എസ്എസ് നേതാവിനെ ആരോഗ്യവകുപ്പ് സസ്പെന്‍ഡ് ചെയ്തു

  • 3
    5 hours ago

    മന്ത്രി കടകംപള്ളിയുമായി വാക് തര്‍ക്കം; ബി.ജെ.പി നേതാക്കള്‍ അറസ്റ്റില്‍

  • 4
    7 hours ago

    സുഷമ സ്വരാജ് ഇനി തെരഞ്ഞെടുപ്പില്‍ മത്സരിക്കില്ല

  • 5
    8 hours ago

    നടി അഞ്ജു മരിച്ചതായി വ്യാജപ്രചരണം

  • 6
    8 hours ago

    ഖാദി തൊഴിലാളികളെ സംരക്ഷിക്കണം

  • 7
    9 hours ago

    വാഹനാപകടം: വനിതാ പഞ്ചായത്ത് അംഗം മരിച്ചു

  • 8
    10 hours ago

    നിരോധനാജ്ഞ പിന്‍വലിക്കണം: ചെന്നിത്തല

  • 9
    10 hours ago

    ശബരിമലയില്‍ ആചാര സംരക്ഷകര്‍ ആചാരലംഘകരായി: മുഖ്യമന്ത്രി