Monday, June 18th, 2018

ദിലീപും കാവ്യാമാധവനും വിവാഹിതരായി

        കൊച്ചി: മലയാളത്തിലെ പ്രിയ താരജോടികളായ ദിലീപും കാവ്യാമാധവനും വിവാഹിതരായി. ഏറെ കാലത്തെ കാത്തിരിപ്പിനും ഊഹാപോഹങ്ങള്‍ക്കും ശേഷമാണ് വിവാഹം.രാവിലെ 9.45 മണിക്ക് കൊച്ചിയിലെ കലൂരിലെ വേദാന്ത ഹോട്ടലിലായിരുന്നു വിവാഹ ചടങ്ങുകള്‍. ഇരുവരുടെയും അടുത്ത ബന്ധുക്കളും ചലച്ചിത്ര മേഖലയിലെ സുഹൃത്തുകളും രാഷ്ട്രീയ നേതാക്കളും ചടങ്ങില്‍ പങ്കെടുത്തു. മകള്‍ മീനാക്ഷിയും ചടങ്ങിനെത്തി. ഇരു താരങ്ങളുടെയും രണ്ടാം വിവാഹമാണിത്. വിവാഹ വാര്‍ത്ത ദിലീപ് തന്നെയാണ് മാധ്യമങ്ങളെ അറിയിച്ചത്. വിവാഹത്തിന് മകള്‍ മിനാക്ഷിയുടെ പിന്തുണയുണ്ട്. പ്രേക്ഷകരുടെ പിന്തുണയും ആശംസയും വേണമെന്നും … Continue reading "ദിലീപും കാവ്യാമാധവനും വിവാഹിതരായി"

Published On:Nov 25, 2016 | 10:12 am

 

kavya-dileep-wedding-full

 

 

 
കൊച്ചി: മലയാളത്തിലെ പ്രിയ താരജോടികളായ ദിലീപും കാവ്യാമാധവനും വിവാഹിതരായി. ഏറെ കാലത്തെ കാത്തിരിപ്പിനും ഊഹാപോഹങ്ങള്‍ക്കും ശേഷമാണ് വിവാഹം.രാവിലെ 9.45 മണിക്ക് കൊച്ചിയിലെ കലൂരിലെ വേദാന്ത ഹോട്ടലിലായിരുന്നു വിവാഹ ചടങ്ങുകള്‍. ഇരുവരുടെയും അടുത്ത ബന്ധുക്കളും ചലച്ചിത്ര മേഖലയിലെ സുഹൃത്തുകളും രാഷ്ട്രീയ നേതാക്കളും ചടങ്ങില്‍ പങ്കെടുത്തു. മകള്‍ മീനാക്ഷിയും ചടങ്ങിനെത്തി. ഇരു താരങ്ങളുടെയും രണ്ടാം വിവാഹമാണിത്.
വിവാഹ വാര്‍ത്ത ദിലീപ് തന്നെയാണ് മാധ്യമങ്ങളെ അറിയിച്ചത്. വിവാഹത്തിന് മകള്‍ മിനാക്ഷിയുടെ പിന്തുണയുണ്ട്. പ്രേക്ഷകരുടെ പിന്തുണയും ആശംസയും വേണമെന്നും ദിലീപ് അറിയിച്ചു.
നിര്‍മാതാവ് സുരേഷ് കുമാര്‍, സംവിധായകന്‍ കമല്‍, സിദ്ദീഖ്, ഷാജി കൈലാസ്, രഞ്ജിത്ത്, നടന്മാരായ മമ്മൂട്ടി, ജയറാം, ജനാര്‍ദനന്‍, ലാല്‍, സിദ്ദീഖ്, സലിം കുമാര്‍, ധര്‍മജന്‍ ബോള്‍ഗാട്ടി, നടിമാരായ മേനക, കവിയൂര്‍ പൊന്നമ്മ, കെ.പി.എ.സി ലളിത, ചിപ്പി, ജോമോള്‍, മീര ജാസ്മിന്‍, കുക്കു പരമേശ്വരന്‍ അടക്കമുള്ള ചലച്ചിത്ര താരങ്ങളും എം.എല്‍.എ ഹൈബി ഈഡന്‍, അന്‍വര്‍ സാദത്ത് എന്നിവരും ചടങ്ങില്‍ പങ്കെടുത്തു.
മഞ്ജുവാര്യരുമായി വിവാഹ ബന്ധം വേര്‍പ്പെടുത്തിയ ദിലീപ്, കാവ്യയെ വിവാഹം കഴിക്കുമെന്ന് വാര്‍ത്തകള്‍ പ്രചരിച്ചിരുന്നു. എന്നാല്‍, ഇരുവരും വാര്‍ത്ത നിഷേധിച്ച് രംഗത്തെത്തി. 2015 ജനുവരി 31നാണ് ദിലീപും മഞ്ജുവും എറണാകുളം കുടുംബ കോടതിയില്‍ നിന്ന് വിവാഹമോചനം നേടിയത്. മുന്നോട്ട് ഒരുമിച്ച് ജീവിക്കാന്‍ സാധ്യമല്ലെന്ന് ചൂണ്ടിക്കാട്ടിയായിരുന്നു താരങ്ങള്‍ വിവാഹമോചനം ആവശ്യപ്പെട്ടത്. 2009ലാണ് കാവാമാധവനും ബാങ്ക് ഉദ്യോഗസ്ഥനായ നിശാല്‍ ചന്ദ്രയും തമ്മില്‍ വിവാഹിതരാവുന്നത്. തുടര്‍ന്ന് അഭിനയത്തില്‍ നിന്നും വിട്ടുനിന്ന് കാവ്യ വിവാഹ ജിവിതത്തില്‍ നിന്ന് വേര്‍ പിരിയുകയും വീണ്ടും സിനിമയില്‍ സജീവമാവുകയും ചെയ്തു.
ലാല്‍ ജോസിന്റെ ‘ചന്ദ്രനുദിക്കുന്ന ദിക്കില്‍’ എന്ന ചിത്രത്തിലാണ് ദിലീപും കാവ്യയും ഒന്നിച്ച് അഭിനയിക്കുന്നത്. കമല്‍ ചിത്രം ‘അഴകിയ രാവണനി’ല്‍ ബാലതാരമായാണ് കാവ്യാ മാധവന്‍ മലയാള സിനിമയില്‍ അരങ്ങേറ്റം കുറിച്ചത്. 21 ചിത്രങ്ങളിലാണ് ഇരുവരും ഒന്നിച്ചഭിനയിച്ചത്.

LIVE NEWS - ONLINE

  • 1
    6 mins ago

    ഫഹദ് വധം; പ്രതിക്ക് ജീവ പര്യന്തം

  • 2
    14 mins ago

    കഞ്ചിക്കോട് കോച്ച് ഫാക്ടറി ഉപേക്ഷിച്ചിട്ടില്ല: മന്ത്രി പീയൂഷ് ഗോയല്‍

  • 3
    1 hour ago

    ഇനിയെങ്കിലും നിര്‍ത്തുമോ ഈ അടിമപ്പണി

  • 4
    3 hours ago

    മഴക്കാലത്ത് വാഹനങ്ങള്‍ക്ക് വേണം സംരക്ഷണം

  • 5
    3 hours ago

    കരിഞ്ചോലയിലെ തടയണ നിര്‍മിച്ചതിനെ കുറിച്ച് അന്വേഷിക്കും: മുഖ്യമന്ത്രി

  • 6
    4 hours ago

    കുഴുപ്പിള്ളി ബീച്ചില്‍ കാണാതായ യുവാക്കളുടെ മൃതദേഹങ്ങള്‍ കണ്ടെത്തി

  • 7
    5 hours ago

    കാലവര്‍ഷക്കെടുതി നേരിടുന്നതില്‍ സര്‍ക്കാര്‍ സമ്പൂര്‍ണ പരാജയം: ചെന്നിത്തല

  • 8
    5 hours ago

    കാലവര്‍ഷക്കെടുതി നേരിടുന്നതില്‍ സര്‍ക്കാര്‍ സമ്പൂര്‍ണ പരാജയം: ചെന്നിത്തല

  • 9
    5 hours ago

    അമ്പരന്ന ജനം വിഡ്ഡികളായി, മരിച്ചില്ല; കഴിച്ചത് മദ്യം