ശ്രീനഗര്‍: കാശ്മീര്‍ താഴ്‌വരയിലെ ഭൂരിഭാഗം പ്രദേശങ്ങളിലെയും നിരോധനാജ്ഞ പിന്‍വലിച്ചു. പുല്‍വാമ ജില്ലയിലും ശ്രീനഗറിലെ ചില പ്രദേശങ്ങളിലും മാത്രമാണ് ഇപ്പോഴും നിരോധനാജ്ഞ നിലനില്‍ക്കുന്നത്. കശ്മീര്‍ താഴ്‌വരയിലുണ്ടായ സംഘര്‍ഷത്തിന് അയവ്‌വന്നതോടെയാണ് ജമ്മുകശ്മീര്‍ സര്‍ക്കാര്‍ കര്‍ഫ്യൂ പിന്‍വലിക്കാന്‍ തീരുമാനിച്ചത്. ഹിസ്ബുള്‍ മുജാഹിദീന്‍ കമാന്‍ഡര്‍ ബുര്‍ഹാന്‍ വാനി കൊല്ലപ്പെട്ടതിന് ശേഷമുണ്ടായ സംഘര്‍ഷത്തെ തുടര്‍ന്നായിരുന്നു കശ്മീരില്‍ നിരോധനാജ്ഞ പ്രഖ്യാപിച്ചത്. 52 ദിവസം നീണ്ടുനിന്ന കശ്മീര്‍ താഴ്‌വര കണ്ട ഏറ്റവും വലിയ നിരോധനാജ്ഞയാണ് ഇതോട് കൂടി അവസാനിക്കുന്നത്. കശ്മീര്‍ … Continue reading "കാശ്മീരില്‍ നിരോധനാജ്ഞ പിന്‍വലിച്ചു: വിനോദ സഞ്ചാര മേഖല ഇനി ഉണരും"
Monday, September 24th, 2018
കാശ്മീരില്‍ നിരോധനാജ്ഞ പിന്‍വലിച്ചു: വിനോദ സഞ്ചാര മേഖല ഇനി ഉണരും
Published On:Aug 29, 2016 | 11:14 am
ശ്രീനഗര്‍: കാശ്മീര്‍ താഴ്‌വരയിലെ ഭൂരിഭാഗം പ്രദേശങ്ങളിലെയും നിരോധനാജ്ഞ പിന്‍വലിച്ചു. പുല്‍വാമ ജില്ലയിലും ശ്രീനഗറിലെ ചില പ്രദേശങ്ങളിലും മാത്രമാണ് ഇപ്പോഴും നിരോധനാജ്ഞ നിലനില്‍ക്കുന്നത്. കശ്മീര്‍ താഴ്‌വരയിലുണ്ടായ സംഘര്‍ഷത്തിന് അയവ്‌വന്നതോടെയാണ് ജമ്മുകശ്മീര്‍ സര്‍ക്കാര്‍ കര്‍ഫ്യൂ പിന്‍വലിക്കാന്‍ തീരുമാനിച്ചത്.
ഹിസ്ബുള്‍ മുജാഹിദീന്‍ കമാന്‍ഡര്‍ ബുര്‍ഹാന്‍ വാനി കൊല്ലപ്പെട്ടതിന് ശേഷമുണ്ടായ സംഘര്‍ഷത്തെ തുടര്‍ന്നായിരുന്നു കശ്മീരില്‍ നിരോധനാജ്ഞ പ്രഖ്യാപിച്ചത്. 52 ദിവസം നീണ്ടുനിന്ന കശ്മീര്‍ താഴ്‌വര കണ്ട ഏറ്റവും വലിയ നിരോധനാജ്ഞയാണ് ഇതോട് കൂടി അവസാനിക്കുന്നത്.
കശ്മീര്‍ താഴ്‌വരക്ക് നിരോധനാജ്ഞ വരുത്തിവെച്ചത് 6400 കോടി രൂപയുടെ വരുമാനനഷ്ടമായിരുന്നു. ജൂലൈ ഒമ്പതിനാണ് താഴ്‌വരയില്‍ കലാപം പൊട്ടിപ്പുറപ്പെട്ടത്. കര്‍ഫ്യൂ, സമരാഹ്വാനം എന്നിവമൂലം ജനജീവിതം സ്തംഭിച്ചത് സാമ്പത്തിക വ്യവസ്ഥിതിക്ക് വന്‍ തിരിച്ചടിയായി. കാശ്മീരിന്റെ നട്ടെല്ലായ വിനോദസഞ്ചാര മേഖല കഴിഞ്ഞ കുറേ നാളായി നിശ്ചലാവസ്ഥയിലാണ്. കര്‍ഫ്യു പിന്‍വലിച്ചതോടെ ഇനി വിനോദ സഞ്ചായ മേഖല ഉണരുമെന്നാണ് അധികൃതരുടെ പ്രതീക്ഷ. 52 ദിവസത്തിനിടക്ക് സുരക്ഷ സേനയും പ്രക്ഷോഭകാരികളും തമ്മിലുണ്ടായ ഏറ്റുമുട്ടലില്‍ 70 പേര്‍ കൊല്ലപ്പെടുകയും 11,000 പേര്‍ക്ക് പരിക്കേല്‍ക്കുകയും ചെയ്തിരുന്നു.
