Monday, June 17th, 2019

കരിപ്പൂരില്‍ ഫ്‌ളൈ ദുബൈ നാളെ തുടങ്ങും

സൗദിയിലേക്ക് അധിക സര്‍വീസ് 5 മുതല്‍

Published On:Jan 31, 2019 | 10:09 am

കരിപ്പൂര്‍: കോഴിക്കോട് വിമാനത്താവളത്തില്‍നിന്ന് ഫ്‌ളൈ ദുബൈ സര്‍വിസ് വെള്ളിയാഴ്ച ആരംഭിക്കും. ദുബൈ-കോഴിക്കോട് സെക്ടറില്‍ ആഴ്ചയില്‍ മൂന്ന് ദിവസമാണ് സര്‍വിസ്. വെള്ളിയാഴ്ച രാത്രി 8.20ന് ദുബൈയില്‍നിന്ന് പുറപ്പെടുന്ന വിമാനം ശനിയാഴ്ച പുലര്‍ച്ച 1.45ന് കരിപ്പൂരിലെത്തും. തിരിച്ച് പുലര്‍ച്ച 3.05ന് പുറപ്പെട്ട് ദുബൈ സമയം 6.05ന് എത്തും. കരിപ്പൂരില്‍നിന്ന് ചൊവ്വ, വ്യാഴം, ശനി ദിവസങ്ങളിലും ദുബൈയില്‍നിന്ന് തിങ്കള്‍, ബുധന്‍, വെള്ളി ദിവസങ്ങളിലുമാണ് സര്‍വിസ്. എമിറേറ്റ്‌സുമായി കോഡ്‌ഷെയറുള്ളതിനാല്‍ വിദേശ വിനോദ സഞ്ചാരികള്‍ അടക്കമുള്ളവര്‍ക്ക് പുതിയ സര്‍വിസ് ഉപകാരപ്രദമാകും. കരിപ്പൂരില്‍നിന്ന് ദുബൈയിലേക്ക് സര്‍വിസ് നടത്തുന്ന അഞ്ചാമത്തെ വിമാനക്കമ്പനിയാണ് ഫ്‌ളൈ ദുബൈ.
ഫെബ്രുവരി അഞ്ചുമുതല്‍ കരിപ്പൂരില്‍നിന്ന് ജിദ്ദയിലേക്ക് സൗദി എയര്‍ലൈന്‍സിന്റെ രണ്ട് അധിക സര്‍വിസുകളും ആരംഭിക്കുന്നുണ്ട്. ഹജ്ജ്, ഉംറ തീര്‍ഥാടകരെ കൂടി മുന്നില്‍കണ്ടാണ് സര്‍വിസ് കൂട്ടുന്നത്. ചൊവ്വ, വ്യാഴം ദിവസങ്ങളിലായിരിക്കും ജിദ്ദയിലേക്ക് സൗദിയയുടെ അധിക സര്‍വിസ്. ഇതോടെ ജിദ്ദയിലേക്ക് സൗദിയ സര്‍വിസ് ഏഴായി വര്‍ധിക്കും. നിലവില്‍ ജിദ്ദയിലേക്ക് അഞ്ചും റിയാദിലേക്ക് രണ്ടും സര്‍വിസാണുള്ളത്. പുതിയത് ആരംഭിക്കുന്നതോടെ സൗദിയക്ക് ആഴ്ചയില്‍ ഒമ്പത് സര്‍വിസുകളാകും. എയര്‍ ഇന്ത്യയുടെ ജിദ്ദയിലേക്കുള്ള വലിയ വിമാനവും മാര്‍ച്ചില്‍ പുനരാരംഭിച്ചേക്കും.

 

LIVE NEWS - ONLINE

  • 1
    15 hours ago

    കേരള കോണ്‍ഗ്രസ് എം പിളര്‍ന്നു; ജോസ് കെ മാണി ചെയര്‍മാന്‍

  • 2
    18 hours ago

    സംസ്ഥാന കമ്മിറ്റി യോഗം വിളിച്ചതില്‍ മാറ്റമില്ലെന്ന് വ്യക്തമാക്കി ജോസ്. കെ. മാണി

  • 3
    21 hours ago

    ബസ് പാടത്തേക്ക് മറിഞ്ഞ് പത്തോളം പേര്‍ക്ക് പരിക്ക്

  • 4
    22 hours ago

    മമത ബാനര്‍ജിയുമായി ചര്‍ച്ചക്ക് തയ്യാറാണെന്ന് ഡോക്ടര്‍മാര്‍

  • 5
    1 day ago

    കനത്ത മഴയ്ക്കു സാധ്യത

  • 6
    1 day ago

    സംസ്ഥാനത്ത് പെട്രോള്‍, ഡീസല്‍ വില വീണ്ടും കുറഞ്ഞു

  • 7
    2 days ago

    മാവേലിക്കരയില്‍ പോലീസുകാരിയെ തീകൊളുത്തി കൊന്നു

  • 8
    2 days ago

    കൊല്ലത്ത് വാഹനാപകടം; കെ.എസ്.ആര്‍.ടി.സി ബസ് കത്തിനശിച്ചു

  • 9
    2 days ago

    കേരളത്തോട് വിവേചനമില്ല: നിതിന്‍ ഗഡ്കരി