Monday, September 23rd, 2019

കാരായി രാജന് സി.ബി.ഐ കോടതിയുടെ ശാസന

ജാമ്യവ്യവസ്ഥ മറികടന്ന് തലശേരിയില്‍ നടന്ന ചലച്ചിത്ര അവാര്‍ഡ് വിതരണ ചടങ്ങില്‍ പങ്കെടുത്തതിനാണ് ശാസന.

Published On:Sep 14, 2017 | 3:19 pm

കൊച്ചി: ഫസല്‍ വധക്കേസിലെ പ്രതി കാരായി രാജന് സി.ബി.ഐ കോടതിയുടെ ശാസന. ജാമ്യവ്യവസ്ഥ മറികടന്ന് തലശേരിയില്‍ നടന്ന ചലച്ചിത്ര അവാര്‍ഡ് വിതരണ ചടങ്ങില്‍ പങ്കെടുത്തതിനാണ് ശാസന. ചിന്ത പബ്ലിക്കേഷനില്‍ ജോലി ചെയ്യാനുള്ള അനുമതിയും സി.ബി.ഐ റദ്ദാക്കി. എറണാകുളം ജില്ല വിട്ടുപോകരുതെന്നും സി.ബി.ഐ കോടതി വ്യക്തമാക്കി.
നേരത്തെ. കാരായി രാജന്റെ ജാമ്യം റദ്ദാക്കണമെന്ന് ആവശ്യപ്പെട്ട് സി.ബി.ഐ ഹൈക്കോടതിയില്‍ ഹര്‍ജി നല്‍കിയിരുന്നു. കണ്ണൂര്‍ ജില്ലാ പഞ്ചായത്ത് അംഗമായ കാരായി രാജന് ജില്ലാ പഞ്ചായത്ത് യോഗത്തില്‍ പങ്കെടുക്കാന്‍ കോടതി അനുമതി നല്‍കിയിരുന്നു. എന്നാല്‍ യോഗം നടക്കുന്ന തലേന്ന് കണ്ണൂരില്‍ എത്തിയ കാരായി രാജന്‍ മുഖ്യമന്ത്രി പങ്കെടുത്ത സംസ്ഥാന ചലച്ചിത്ര അവാര്‍ഡ് വിതരണ ചടങ്ങില്‍ പങ്കെടുക്കുകയായിരുന്നു. ഇതോടെയാണ് സി.ബി.ഐ ജാമ്യം വ്യവസ്ഥ ലംഘിച്ച കാരായി രാജന്റെ ജാമ്യം റദ്ദാക്കണമെന്ന് ആവശ്യപ്പെട്ട് കോടതിയെ സമീപിച്ചത്. എന്‍.ഡി.എഫ് പ്രവര്‍ത്തകനായിരുന്ന ഫസലിനെ വധിച്ച കേസില്‍ എട്ടാം പ്രതിയാണ് കാരായി രാജന്‍.
നേരത്തെ കേസില്‍ ജാമ്യം അനുവദിച്ച കോടതി എറണാകുളം ജില്ല വിട്ടുപോകരുതെന്ന വ്യവസ്ഥയാണ് നല്‍കിയിരുന്നത്. പിന്നീട് പാര്‍ട്ടി നിയന്ത്രണത്തിലുള്ള പ്രസില്‍ ജോലി ലഭിച്ചതിനാല്‍ തിരുവനന്തപുരത്ത് പോകാന്‍ അനുമതി നല്‍കണമെന്ന് ആവശ്യപ്പെട്ട് സമീപിച്ചപ്പോള്‍ കോടതി അംഗീകരിച്ചിരുന്നു.

 

 

 

 

 

LIVE NEWS - ONLINE

  • 1
    2 hours ago

    സ്വയം ഭോഗം അവതരിപ്പിക്കനുള്ള ഭയംകൊണ്ട് പിന്‍മാറി: ഷെയ്ന്‍ നിഗം

  • 2
    2 hours ago

    മരട്; സര്‍ക്കാറിന് രൂക്ഷ വിമര്‍ശനം

  • 3
    2 hours ago

    വന്‍ ആക്രമണ പദ്ധതി പോലീസ് പരാജയപ്പെടുത്തി

  • 4
    3 hours ago

    പാലാ വിധി എഴുതുന്നു; ഉച്ചവരെ 37 ശതമാനം പോളിംഗ്

  • 5
    3 hours ago

    വട്ടിയൂര്‍ക്കാവ് ഉപതെരഞ്ഞെടുപ്പ്; വി.കെ പ്രശാന്ത് എല്‍ഡിഎഫ് സ്ഥാനാര്‍ത്ഥിയായേക്കും

  • 6
    4 hours ago

    ഒക്ടോബറില്‍ മോദി സൗദി സന്ദര്‍ശിക്കും

  • 7
    4 hours ago

    മുന്‍ ക്രിക്കറ്റ് താരം മാധവ് ആപ്‌തേ അന്തരിച്ചു

  • 8
    4 hours ago

    ആദ്യ മണിക്കൂറില്‍ 15 ശതമാനം

  • 9
    4 hours ago

    ഇന്ധന വില കുതിക്കുന്നു