Thursday, July 18th, 2019

വരുമോ ഈ സുന്ദര തീരം തേടി…..?

          വൈദേശികാധിപത്യത്തിന്റെ പാദപതനമേറ്റ കാപ്പാട് ബീച്ചിന്റെ ചരിത്ര സൗന്ദര്യം നഷ്ടമാവുന്നു. കോടികള്‍ ചെലവഴിച്ച് സൗന്ദര്യവല്‍ക്കരണ പദ്ധതികള്‍ നടപ്പിലാക്കിയെങ്കിലും നിറംമങ്ങിക്കിടക്കാനാണ് ലോക വിനോദസഞ്ചാര ഭൂപടത്തില്‍ സ്ഥാനം നേടിയ ഈ ബീച്ചിന്റെ വിധി. വേണ്ടത്ര സംരക്ഷണം ലഭിക്കാതെയും ശ്രദ്ധിക്കാനാളില്ലാതെയും മോടിയും പകിട്ടും മങ്ങി അനാഥമായി കിടക്കുകയാണ് ഈ സുന്ദര തീരം. സുനാമി പുനരധിവാസ പദ്ധതിയില്‍ ഉള്‍പ്പെടുത്തി ടൂറിസം വകുപ്പും തുറമുഖ എന്‍ജിനീയറിംഗ് വകുപ്പും ചേര്‍ന്ന് നടത്തിയ സൗന്ദര്യവല്‍ക്കരണ പ്രവര്‍ത്തികളുടെ പുറംമോടികളാണ് സംരക്ഷണ പ്രവര്‍ത്തനങ്ങളില്ലാതെ നാശോ•ുഖമാകുന്നത്. … Continue reading "വരുമോ ഈ സുന്ദര തീരം തേടി…..?"

Published On:Dec 19, 2013 | 2:14 pm

Kappad Beach Full

 

 

 

 

 
വൈദേശികാധിപത്യത്തിന്റെ പാദപതനമേറ്റ കാപ്പാട് ബീച്ചിന്റെ ചരിത്ര സൗന്ദര്യം നഷ്ടമാവുന്നു. കോടികള്‍ ചെലവഴിച്ച് സൗന്ദര്യവല്‍ക്കരണ പദ്ധതികള്‍ നടപ്പിലാക്കിയെങ്കിലും നിറംമങ്ങിക്കിടക്കാനാണ് ലോക വിനോദസഞ്ചാര ഭൂപടത്തില്‍ സ്ഥാനം നേടിയ ഈ ബീച്ചിന്റെ വിധി. വേണ്ടത്ര സംരക്ഷണം ലഭിക്കാതെയും ശ്രദ്ധിക്കാനാളില്ലാതെയും മോടിയും പകിട്ടും മങ്ങി അനാഥമായി കിടക്കുകയാണ് ഈ സുന്ദര തീരം.
സുനാമി പുനരധിവാസ പദ്ധതിയില്‍ ഉള്‍പ്പെടുത്തി ടൂറിസം വകുപ്പും തുറമുഖ എന്‍ജിനീയറിംഗ് വകുപ്പും ചേര്‍ന്ന് നടത്തിയ സൗന്ദര്യവല്‍ക്കരണ പ്രവര്‍ത്തികളുടെ പുറംമോടികളാണ് സംരക്ഷണ പ്രവര്‍ത്തനങ്ങളില്ലാതെ നാശോ•ുഖമാകുന്നത്. നവീകരണത്തിന്റെ ഭാഗമായി നടപ്പാത, പവലിയന്‍, വൈദ്യുതി വിളക്കുകള്‍, ടൈല്‍സ് പതിച്ച ഇരിപ്പിട സജ്ജീകരണം എന്നിവ സ്ഥാപിച്ചിരുന്നെങ്കിലും ഇവയെല്ലാം തീരത്തെ സാമുഹ്യ വിരുദ്ധര്‍ വികൃതമാക്കി കഴിഞ്ഞു. പാതയോരത്തെ വിളക്കുകള്‍ മിഴി തുറന്നിട്ട് മാസങ്ങളായി.
രാപ്പകല്‍ ഭേദമന്യേ നടക്കുന്ന മണലെടുപ്പും ബീച്ചിന് ഭീഷണിയായി. റവന്യൂ-പോലീസ്-ടൂറിസം അധികൃതരേ കബളിപ്പിച്ചാണ് മണല്‍ കൊള്ളക്കാര്‍ ഈ ചരിത്ര ഭൂമിയെ ശ്മശാനമാക്കുന്നത്. വഴിവിളക്കുകള്‍ കണ്ണടച്ചത് കാരണം രാത്രികാലങ്ങളില്‍ സാമൂഹിക വിരുദ്ധര്‍ക്കും മയക്കുമരുന്ന് സംഘങ്ങള്‍ക്കും സൗകര്യപ്രദമായ കേന്ദ്രമാവുകയാണ് കാപ്പാട് തീരം.
മൂന്ന് വര്‍ഷം മുമ്പ് തദ്ദേശീയരും വിദേശീയരുമായ ആയിരക്കണക്കിന് സന്ദര്‍ശകരെ ആകര്‍ഷിച്ച അന്തര്‍ദേശീയ കൈറ്റ് ഫെസ്റ്റിവലിന് പോലും വേദിയായി മാറിയ കാപ്പാട് തീരത്തേക്കുള്ള സന്ദര്‍ശകരുടെ എണ്ണം ഇപ്പോള്‍ കുറഞ്ഞിരിക്കുകയാണ്. സഞ്ചാരികള്‍ക്കുള്ള യാത്രാ സൗകര്യങ്ങളോ അപകടകരമായ സാഹചര്യങ്ങളെ മറികടക്കാനുള്ള സുരക്ഷാ സംവിധാനങ്ങളോ ഒരുക്കുന്നതില്‍ അധികൃതര്‍ തുടരുന്ന നിസംഗതയാണ് കാരണം. ഈ നില തുടര്‍ന്നാല്‍ സഞ്ചാരികള്‍ കയ്യൊഴിഞ്ഞ അനാഥ തീരമായി കാപ്പാട് ബീച്ച് മാറും.

LIVE NEWS - ONLINE

  • 1
    18 mins ago

    ബാബ്‌റി മസ്ജിദ് കേസില്‍ ഓഗസ്റ്റ് രണ്ടിന് വാദം കേള്‍ക്കുമെന്ന് സുപ്രീം കോടതി

  • 2
    20 mins ago

    ബാബ്‌റി മസ്ജിദ് കേസ്; ഓഗസ്റ്റ് രണ്ടിന് വാദം കേള്‍ക്കും

  • 3
    1 hour ago

    ശരവണഭവന്‍ ഹോട്ടലുടമ രാജഗോപാല്‍ അന്തരിച്ചു

  • 4
    1 hour ago

    ചന്ദ്രയാന്‍-2 വിക്ഷേപണം തിങ്കളാഴ്ച

  • 5
    1 hour ago

    കര്‍ണാടക; വിശ്വാസ വോട്ടെടുപ്പ് നീട്ടാന്‍ സര്‍ക്കാര്‍ നീക്കം

  • 6
    2 hours ago

    ബീഫ് ഫെസ്റ്റിവലിന് ആളുകളെ ക്ഷണിച്ച യുവാവ് അറസ്റ്റില്‍

  • 7
    2 hours ago

    കൊയിലാണ്ടിയില്‍ വാഹനാപകടം; ഒരാള്‍ മരിച്ചു

  • 8
    3 hours ago

    ആരോഗ്യ ഇന്‍ഷുറന്‍സ് ഓഗസ്റ്റ് മുതല്‍

  • 9
    3 hours ago

    കര്‍ണാടക; ഒരു എംഎല്‍എയെ കാണാതായി