Wednesday, April 24th, 2019

വിദേശ വിമാന കമ്പനികള്‍ക്ക് അനുമതി ലഭിച്ചില്ല: തുളസീദാസ്

മട്ടന്നൂര്‍ എയര്‍പോര്‍ട്ടില്‍ നടത്തിയ വാര്‍ത്താസമ്മേളനത്തിലാണ് ഇക്കാര്യം അറിയിച്ചത്.

Published On:Nov 29, 2018 | 1:05 pm

മട്ടന്നൂര്‍: കണ്ണൂര്‍ അന്താരാഷ്ട്ര വിമാനത്താവളത്തിന്റെ ഉദ്ഘാടന ചടങ്ങിനുള്ള ഒരുക്കങ്ങള്‍ പൂര്‍ത്തിയായതായി കിയാല്‍ എം ഡി വി തുളസീദാസ് വാര്‍ത്താസമ്മേളനത്തില്‍ അറിയിച്ചു. ഇന്നുച്ചയോടെ മട്ടന്നൂര്‍ എയര്‍പോര്‍ട്ടില്‍ നടത്തിയ വാര്‍ത്താസമ്മേളനത്തിലാണ് ഇക്കാര്യം അറിയിച്ചത്. കാലത്ത് 8മണിക്ക് തുടങ്ങുന്ന സാംസ്‌കാരിക പരിപാടികളോടെയാണ് ചടങ്ങുകള്‍ക്ക് തുടക്കം കുറിക്കുക. തുടര്‍ന്ന് മുഖ്യമന്ത്രി നിലവിളക്ക് കൊളുത്തി ചടങ്ങിന് തുടക്കം കുറിക്കും.
ആദ്യവിമാനം മട്ടന്നൂരില്‍ നിന്നും അബൂദാബിയിലേക്ക് പറക്കും. യാത്രക്കാര്‍ ഏഴ് മണിക്ക് മുമ്പ് തന്നെ എമിഗ്രേഷന്‍ ക്ലിയറന്‍സ് പരിശോധനക്ക് വിധേയമാകണം. കണ്ണൂരില്‍ നിന്ന് ചെലവ് കുറഞ്ഞ വിമാനസര്‍വീസുകള്‍ തുടങ്ങാന്‍ പല കമ്പനികളും ഇതിനകം തയ്യാറായിട്ടുണ്ടെന്നും അദ്ദേഹം പറഞ്ഞു. ജനുവരി മുതല്‍ ദിനംപ്രതി 15 വിമാനം സര്‍വീസ് നടത്തും. വിദേശ വിമാന കമ്പനികള്‍ക്ക് തല്‍ക്കാലം അനുമതി ലഭിച്ചിട്ടില്ല. എല്ലാ സൗകര്യങ്ങളും ഡിസംബര്‍ 9ന് തുടങ്ങാന്‍ കഴിയില്ലെന്ന് എം ഡി അറിയിച്ചു. ഉദ്ഘാടനത്തിനെത്തുന്ന ജനങ്ങള്‍ക്ക് പരമാവധി യാത്രാ സൗകര്യമൊരുക്കും. ടെര്‍മിനല്‍ സ്റ്റേഷന്റെ കിഴക്കുഭാഗത്ത് കാറ്റഗറി ഒന്നില്‍പ്പെട്ട അത്യാധുനിക ലൈറ്റിംഗ് സംവിധാനമാണ് ഒരുക്കിയിട്ടുള്ളത്. റണ്‍വെ വികസിപ്പിക്കുന്നതോടെ ഈ സംവിധാനം പടിഞ്ഞാറ് ഭാഗത്തേക്ക് വ്യാപിക്കും. കെ ടി ജോസ്, പി ആര്‍ ഒ ജെ അജയകുമാര്‍, ഡാനിയേല്‍ തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.

LIVE NEWS - ONLINE

  • 1
    26 mins ago

    ശ്രീനഗറില്‍ പാക് തീവ്രവാദി പിടിയില്‍

  • 2
    3 hours ago

    കെവിന്‍ വധം; സാക്ഷി എഴു പ്രതികളെ തിരിച്ചറിഞ്ഞു

  • 3
    3 hours ago

    അരിമ്പ്രയില്‍ നടന്നത് ചീമേനി മോഡല്‍ ആക്രമണം: എം വി ജയരാജന്‍

  • 4
    5 hours ago

    ഷുഹൈബ് വധം; നാലു പ്രതികള്‍ക്ക് ജാമ്യം

  • 5
    6 hours ago

    ജയിച്ചാലും തോറ്റാലും കള്ളവോട്ടിനെതിരെ പോരാടും: കെ സുധാകരന്‍

  • 6
    6 hours ago

    ഇനി കണക്കുകൂട്ടലിന്റെ ദിനങ്ങള്‍

  • 7
    8 hours ago

    ഉയര്‍ന്ന പോളിംഗ് കോണ്‍ഗ്രസിന് ഗുണം ചെയ്യും: തരൂര്‍

  • 8
    10 hours ago

    സംസ്ഥാനത്ത് പോളിംഗ് 77.67 ശതമാനം

  • 9
    10 hours ago

    ഏറ്റവും കൂടുതല്‍ പോളിംഗ് കണ്ണൂരില്‍