Wednesday, November 14th, 2018

കഞ്ചിക്കോട് കോച്ച് ഫാക്ടറി ഉപേക്ഷിച്ചിട്ടില്ല: മന്ത്രി പീയൂഷ് ഗോയല്‍

ഭൂമി എറ്റെടുത്തു നല്‍കാന്‍ സംസ്ഥാന സര്‍ക്കാരിനു വിമുഖതയാണ്.

Published On:Jun 18, 2018 | 4:32 pm

ന്യൂഡല്‍ഹി: കഞ്ചിക്കോട് കോച്ച് ഫാക്ടറി ഉപേക്ഷിച്ചിട്ടില്ലെന്ന് റെയില്‍വേ മന്ത്രി പീയൂഷ് ഗോയല്‍. വിവിധ വശങ്ങള്‍ പരിശോധിച്ചശേഷം ഇക്കാര്യത്തില്‍ തീരുമാനമെടുക്കുമെന്നും അദ്ദേഹം പറ!ഞ്ഞു. റെയില്‍വേയുടെ വികസനകാര്യത്തില്‍ കേരള സര്‍ക്കാര്‍ സഹകരിക്കുന്നില്ല. ഭൂമി എറ്റെടുത്തു നല്‍കാന്‍ സംസ്ഥാന സര്‍ക്കാരിനു വിമുഖതയാണെന്നും സംസ്ഥാന സര്‍ക്കാര്‍ മുന്നിട്ടിറങ്ങിയാല്‍ മാത്രമേ കേന്ദ്രത്തിന് എന്തെങ്കിലും ചെയ്യാന്‍ സാധിക്കുകയുള്ളൂവെന്നും അദ്ദേഹം പറഞ്ഞു.
കഞ്ചിക്കോട് കോച്ച് ഫാക്ടറി ഉപേക്ഷിച്ചുവെന്ന വാര്‍ത്തകളോട് പ്രതികരിക്കുകയായിരുന്നു മന്ത്രി. നിലവിലുള്ള കോച്ച് ഫാക്ടറികള്‍ മുഖേന ഇപ്പോഴും സമീപ ഭാവിയിലും റെയില്‍വേ്ക്ക് ആവശ്യമായ കോച്ചുകള്‍ നിര്‍മിക്കാന്‍ സാധിക്കുമെന്നും അതിനാല്‍ പുതിയ ഫാക്ടറികള്‍ ആവശ്യമില്ലെന്നും പിയൂഷ് ഗോയല്‍ എം.ബി. രാജേഷ് എംപിക്കു നല്‍കിയ കത്തില്‍ നേരത്തെ അറിയിച്ചിരുന്നു.
2008-09 ബജറ്റിലാണ് കോച്ച് ഫാക്ടറി പ്രഖ്യാപിച്ചത്. 2012 ഫെബ്രുവരിയില്‍ കോട്ടമൈതാനിയില്‍ നടന്ന ചടങ്ങില്‍ കേന്ദ്രമന്ത്രി ദിനേഷ് ത്രിവേദി ഫാക്ടറിയുടെ തറക്കല്ല് ഇട്ടിരുന്നു. 36 മാസം കൊണ്ടു നിര്‍മാണം പൂര്‍ത്തിയാക്കുമെന്നു പ്രഖ്യാപിച്ചിരുന്നു. എന്നാല്‍ പിന്നീട് പല കാരണങ്ങളാല്‍ ഫാക്ടറിയുടെ നിര്‍മാണ പ്രവര്‍ത്തനങ്ങള്‍ വൈകുകയായിരുന്നു.

 

LIVE NEWS - ONLINE

  • 1
    36 mins ago

    ലോകത്തെ ഭീകരാക്രമണങ്ങളുടെ ഉറവിടം ഒരൊറ്റ സ്ഥലമാണെന്ന് പ്രധാനമന്ത്രി

  • 2
    2 hours ago

    വാര്‍ത്താ വിനിമയ ഉപഗ്രഹം ജി സാറ്റ്-29 വിക്ഷേപിച്ചു

  • 3
    4 hours ago

    ചിലര്‍ കലക്ക വെള്ളത്തില്‍ മീന്‍ പിടിക്കാന്‍ ശ്രമിക്കുന്നു: ഹൈക്കോടതി

  • 4
    7 hours ago

    മോഹന്‍ലാലും മഞ്ജു വാര്യരും; പൃഥ്വിരാജ് എടുത്ത ഫോട്ടോ വൈറല്‍

  • 5
    8 hours ago

    റൂണിയും ബൂട്ടഴിക്കുന്നു

  • 6
    8 hours ago

    ബന്ധു നിയമനത്തിന് മന്ത്രി ജലീല്‍ നേരിട്ടിടപെട്ടു: യൂത്ത് ലീഗ്

  • 7
    8 hours ago

    സൗന്ദര്യയുടെ കഴുത്തില്‍ വിശാഖന്‍ താലിചാര്‍ത്തും

  • 8
    9 hours ago

    പാലക്കാട് ഭാര്യയുടെ വെട്ടേറ്റ് ഭര്‍ത്താവ് മരിച്ചു

  • 9
    9 hours ago

    ശബരിമല വിധി സ്റ്റേ ചെയ്യില്ല: സുപ്രീം കോടതി