Tuesday, November 13th, 2018

എന്നെ മനോരോഗിയെന്നും അമ്മയെ വേശ്യയെന്നും വിളിച്ച ആളാണ് അച്ഛന്‍

എനിക്കിപ്പോള്‍ വയസായി. ഇനി ഒരു നായികയായി ഒരിക്കലും അഭിനയിക്കാന്‍ പറ്റില്ല.

Published On:May 9, 2018 | 9:00 am

എന്നെ മനോരോഗിയെന്നും അമ്മയെ വേശ്യയെന്നും വിളിച്ച ആളെ അച്ഛനെന്ന് പോലും വിളിക്കാന്‍ മടിയുണ്ടെന്ന് ഒരു കാലത്ത് മലയാളികളുടെ പ്രിയ നടിയായിരുന്ന കനക. എനിക്ക് മനോരോഗമാണെന്ന തരത്തിലുള്ള വാര്‍ത്തകള്‍ പ്രചരിക്കാനുള്ള പ്രധാന കാരണം എന്റെ അച്ഛന്‍ ദേവദാസ് ആണ്. അദ്ദേഹത്തെ അനുസരിക്കാതിരുന്നതും ബഹുമാനിക്കാതിരുന്നപ്പോഴും എനിക്ക് മനോരോഗമാണെന്നും അമ്മയുടെ ഒപ്പിട്ട് വില്‍പ്പത്രം തയ്യാറാക്കിയെന്നും പറഞ്ഞുപരത്തി. ഞാന്‍ മയക്കുമരുന്നിന് അടിമയാണെന്നും ആലപ്പുഴയില്‍ ചികിത്സയിലാണെന്നും അയാള്‍ പറഞ്ഞുനടന്നു. ഇതൊന്നും എനിക്ക് അത്ഭുതമായി തോന്നിയില്ല. എന്റെ അമ്മ വേശ്യയാണെന്ന് പറഞ്ഞ വ്യക്തിയാണ്. താലികെട്ടിയ പെണ്ണിനെ വേശ്യയെന്ന് വിളിച്ചയാള്‍ മകളെ മനോരോഗിയാക്കുന്നതില്‍ പുതുമയില്ല. ഇത്രയും കാലമായിട്ടും വൃത്തികേടുകള്‍ പറഞ്ഞു കൊണ്ടിരിക്കുന്നതിനാല്‍ തന്നെ അദ്ദേഹവുമായി ഇടപഴകാന്‍ എനിക്ക് താത്പര്യമില്ലെന്നും കനക പറഞ്ഞു.
അമ്മ ദേവികയുടെ മരണത്തോടെ സിനിമയില്‍ നിന്നും വിട്ടു നിന്ന കനക ഏറെനാളിനു ശേഷം ഒരു സിനിമാ മാഗസിന് നല്‍കിയ അഭിമുഖത്തിലാണ് തന്റെ മനസ് തുറന്നത്. തന്നെയും അമ്മയെയും അപകീര്‍ത്തിപ്പെടുത്തിയ അച്ഛനെ നിശിതമായി വിമര്‍ശിച്ചുകൊണ്ടാണ് കനക അഭിമുഖത്തിലുടനീളം സംസാരിച്ചിരിക്കുന്നത്.
എനിക്കിപ്പോള്‍ വയസായി. ഇനി ഒരു നായികയായി ഒരിക്കലും അഭിനയിക്കാന്‍ പറ്റില്ല. അഭിനയിക്കാന്‍ തയാറായാല്‍ സഹനടിയായോ നായകന്റെ അമ്മയായോ ചേച്ചിയായോ മറ്റോ കഥാപാത്രങ്ങള്‍ ലഭിക്കും. പക്ഷേ അത്തരം വേഷങ്ങളിലൊന്നും എനിക്ക് താല്പര്യമില്ല. ഇത്രയും വര്‍ഷമായിട്ടും അഭിനയ രംഗത്തു നിന്ന് മാറിനിന്നിട്ടും ഇന്നും ആളുകള്‍ കനകയെ ഓര്‍മിക്കുന്നുണ്ട്. അതു തന്നെയാണ് വലിയ ഭാഗ്യമായി ഞാന്‍ കരുതുന്നതും കനക പറഞ്ഞു.

 

 

LIVE NEWS - ONLINE

  • 1
    11 hours ago

    പുനഃപരിശോധന ഹരജികള്‍ തുറന്ന കോടതിയില്‍ പരിഗണിക്കും

  • 2
    12 hours ago

    ശബരിമല പുനഃപരിശോധന ഹരജി: വിധി ഉടന്‍

  • 3
    13 hours ago

    കെല്‍ട്രോണ്‍ നവീകരണം വ്യവസായ മന്ത്രിയുടെ ഇടപെടല്‍ അഭിനന്ദനാര്‍ഹം

  • 4
    14 hours ago

    കെ.എം ഷാജിയുടെ അയോഗ്യത തുടരും

  • 5
    16 hours ago

    ശബരിമല; റിട്ട് ഹരജികള്‍ റിവ്യൂ ഹരജികള്‍ക്ക് ശേഷം പരിഗണിക്കും

  • 6
    17 hours ago

    നെയ്യാറ്റിന്‍കര സംഭവത്തിലെ പ്രതി കാണാതായ ഡിവൈ.എസ്.പി മരിച്ച നിലയില്‍

  • 7
    17 hours ago

    സനല്‍ കുമാറിന്റെ മരണം; ഡി.വൈ.എസ്.പി ബി.ഹരികുമാര്‍ മരിച്ച നിലയില്‍

  • 8
    18 hours ago

    ഐ.വി ശശിയുടെ മകന്‍ സംവിധായകനാകുന്നു; പ്രണവ് നായകന്‍

  • 9
    18 hours ago

    കാലിഫോര്‍ണിയയില്‍ കാട്ടു തീ; മരണം 44 ആയി