Thursday, February 21st, 2019

കഞ്ചിക്കോട് കോച്ച് ഫാക്ടറി; കേന്ദ്രത്തിന് കേരളത്തോട് ശത്രുത: മുഖ്യമന്ത്രി

പ്രധാനമന്ത്രി വിഷയത്തില്‍ ഇടപെടണം

Published On:Jun 22, 2018 | 10:55 am

ന്യൂഡല്‍ഹി: കഞ്ചിക്കോട് കോച്ച് ഫാക്ടറിയുടെ കാര്യത്തില്‍ കേന്ദ്രസര്‍ക്കാര്‍ കേരളത്തോട് ശത്രുത പുലര്‍ത്തുന്നുവെന്ന് മുഖ്യമന്ത്രി പിണറായി വിജയന്‍. റെയില്‍വെ കോച്ച് നിര്‍മാണത്തിന് നിലവിലെ ഫാക്ടറികള്‍ മതിയെന്ന് ചൂണ്ടിക്കാട്ടിയാണ് കേന്ദ്രം കഞ്ചിക്കോട് റെയില്‍വെ കോച്ച് ഫാക്ടറി ഉപേക്ഷിക്കാന്‍ നീക്കം നടത്തിയത്. ഇത് കേരളത്തോടുള്ള അവഗണനയാണെന്നും മുഖ്യമന്ത്രി പറഞ്ഞു. കഞ്ചിക്കോട് കോച്ച് ഫാക്ടറിക്കായി എല്‍ഡിഎഫ് എംപിമാര്‍ ഡല്‍ഹി റെയില്‍വെ ഭവനു മുന്നില്‍ നടത്തുന്ന ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി.
പുതിയ കോച്ച് ഫാക്ടറികള്‍ വേണ്ടെന്നു പറയുന്ന കേന്ദ്രം ഹരിയാനയിലും ഉത്തര്‍പ്രദേശിലും കോച്ച് ഫാക്ടറികള്‍ ആരംഭിക്കാന്‍ തയാറെടുക്കുന്നു. എന്നാല്‍ കേരളത്തില്‍ ഫാക്ടറി വേണ്ട എന്ന നിലപാടാണ് കേന്ദ്രത്തിന്. കേരളത്തില്‍ ഇടതു സര്‍ക്കാര്‍ ഭരിക്കുന്നതുകൊണ്ടാണ് കേന്ദ്രം കേരളത്തെ തഴയുന്നത്. ഹരിയാനയിലും ഉത്തര്‍പ്രദേശിലും ബിജെപി സര്‍ക്കാരാണ് ഭരിക്കുന്നത്. സംസ്ഥാനങ്ങളെ കേന്ദ്രം എങ്ങനെയാണ് നോക്കി കാണുന്നതെന്ന് ഇതിലൂടെ മനസിലാക്കാം. ജനാധിപത്യത്തെ കേന്ദ്രം അംഗീകരിക്കുന്നില്ല. ജനതയെ പീഡിപ്പിക്കുകയാണ് കേന്ദ്രം ചെയ്യുന്നതെന്നും കേന്ദ്രസര്‍ക്കാര്‍ ഇങ്ങനെ പ്രവര്‍ത്തിക്കാമോ എന്നും മുഖ്യമന്ത്രി ചോദിച്ചു.
പ്രധാനമന്ത്രി വിഷയത്തില്‍ ഇടപെടണമെന്നും റെയില്‍വെ മന്ത്രി പിയൂഷ് ഗോയല്‍ ഇക്കാര്യത്തില്‍ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. അല്ലാത്തപക്ഷം ശക്തമായ പ്രതിഷേധ പരിപാടികള്‍ സംഘടിപ്പിക്കുമെന്നും മുഖ്യമന്ത്രി പറഞ്ഞു.
കഞ്ചിക്കോട് റെയില്‍വെ കോച്ച് ഫാക്ടറി ഉപേക്ഷിക്കുന്നതിനെതിരെ പിണറായി വിജയന്‍ പിയൂഷ് ഗോയലിനു കത്തയച്ചിരുന്നു. ഇതോടെ പദ്ധതി ഉപേക്ഷിച്ചിട്ടില്ലെന്ന് കേന്ദ്രം അറിയിച്ചു. വിവിധ വശങ്ങള്‍ പരിശോധിച്ച് പദ്ധതി നടപ്പാക്കാമെന്നാണ് കേന്ദ്ര നിലപാട്. എന്നാല്‍ പദ്ധതി നടത്തിപ്പില്‍ കേന്ദ്ര സര്‍ക്കാര്‍ കൃത്യമായ ഉറപ്പു നല്‍കണമെന്നാവശ്യപ്പെട്ടാണ് എല്‍ഡിഎഫ് എംപിമാരുടെ ധര്‍ണ.

 

LIVE NEWS - ONLINE

  • 1
    8 hours ago

    വിഷം കഴിച്ച് വീടിന് തീ വെച്ച് മധ്യവയസ്‌കന്‍ മരിച്ചു

  • 2
    10 hours ago

    വീരമൃത്യുവരിച്ച ജവാന്മാരുടെ വീടുകള്‍ രാഹുലും പ്രിയങ്കയും സന്ദര്‍ശിച്ചു

  • 3
    11 hours ago

    പീതാംബരനെ ഏഴുദിവസത്തെ പോലീസ് കസ്റ്റഡിയില്‍വിട്ടു

  • 4
    13 hours ago

    കൊലപാതകത്തിന് പാര്‍ട്ടി നിര്‍ദേശിച്ചിട്ടില്ല: കോടിയേരി

  • 5
    14 hours ago

    അയോധ്യ ഭൂമി തര്‍ക്കകേസ്; സുപ്രീംകോടതി 26ന് വാദം കേള്‍ക്കും

  • 6
    16 hours ago

    റോഡപകടങ്ങളിലെ മരണ നിരക്ക് കുറക്കാന്‍ ബോധവല്‍കരണം

  • 7
    18 hours ago

    കരിപ്പൂര്‍ വിമാനത്താവളത്തില്‍ 719 ഗ്രാം സ്വര്‍ണം പിടികൂടി

  • 8
    18 hours ago

    വസന്തകുമാറിന്റെ കുടുംബത്തിന് 25 ലക്ഷം രൂപയും വീടും ഭാര്യക്ക് ജോലിയും

  • 9
    18 hours ago

    പിതാംബരന്‍ മറ്റാര്‍ക്കോ വേണ്ടി കുറ്റം ഏറ്റെടുത്തു: ഭാര്യ മഞ്ജു