Wednesday, January 24th, 2018

മത്സരം: തെരഞ്ഞെടുപ്പ് കമ്മീഷന് പിന്തുണയുമായി കെ സുരേന്ദ്രന്‍

    കണ്ണൂര്‍: സ്ഥാനാര്‍ത്ഥികള്‍ രണ്ട് മണ്ഡലങ്ങളില്‍ ഒരേസമയം മത്സരിക്കുന്നതിനെതിരെ നടപടിവേണമെന്ന കേന്ദ്രതെരഞ്ഞെടുപ്പ് കമ്മീഷന്റെ ആവശ്യത്തോട് പരിപൂര്‍ണ യോജിപ്പാണെന്ന് കണ്ണൂര്‍ ഡി സി സി പ്രസിഡന്റ് കെ സുരേന്ദ്രന്‍. ഇത്തരത്തില്‍ നിയമം കൊണ്ടുവരേണ്ടത് അത്യാവശ്യമാണ് ജയമോ തോല്‍വിയോയല്ല പ്രശ്‌നം. ജനങ്ങളോടുള്ള സേവന മനസ്ഥിതിയാണ് സ്ഥാനാര്‍ത്ഥികള്‍ക്ക് ഉണ്ടാവേണ്ടത്. രണ്ട് മണ്ഡലങ്ങളില്‍ ഒരേസമയം മത്സരിക്കുകയും രണ്ടിടത്തും ജയിച്ചാല്‍ ഒരിടത്ത് നിന്നും പിന്‍വാങ്ങുകയോ ചെയ്യുന്നത് ശരിയല്ല. ഇത് വോട്ട് ചെയ്ത് ജയിപ്പിച്ച വോട്ടര്‍മാരോട് ചെയ്യുന്ന ക്രൂരതയാണ്. അതുകൊണ്ട് സ്ഥാനാര്‍ത്ഥിയാവുന്നവര്‍ എത്ര ഉന്നതരായാലും … Continue reading "മത്സരം: തെരഞ്ഞെടുപ്പ് കമ്മീഷന് പിന്തുണയുമായി കെ സുരേന്ദ്രന്‍"

Published On:Dec 14, 2016 | 2:13 pm

K Surendran Kannur DCC President Full

 

 
കണ്ണൂര്‍: സ്ഥാനാര്‍ത്ഥികള്‍ രണ്ട് മണ്ഡലങ്ങളില്‍ ഒരേസമയം മത്സരിക്കുന്നതിനെതിരെ നടപടിവേണമെന്ന കേന്ദ്രതെരഞ്ഞെടുപ്പ് കമ്മീഷന്റെ ആവശ്യത്തോട് പരിപൂര്‍ണ യോജിപ്പാണെന്ന് കണ്ണൂര്‍ ഡി സി സി പ്രസിഡന്റ് കെ സുരേന്ദ്രന്‍.
ഇത്തരത്തില്‍ നിയമം കൊണ്ടുവരേണ്ടത് അത്യാവശ്യമാണ് ജയമോ തോല്‍വിയോയല്ല പ്രശ്‌നം. ജനങ്ങളോടുള്ള സേവന മനസ്ഥിതിയാണ് സ്ഥാനാര്‍ത്ഥികള്‍ക്ക് ഉണ്ടാവേണ്ടത്. രണ്ട് മണ്ഡലങ്ങളില്‍ ഒരേസമയം മത്സരിക്കുകയും രണ്ടിടത്തും ജയിച്ചാല്‍ ഒരിടത്ത് നിന്നും പിന്‍വാങ്ങുകയോ ചെയ്യുന്നത് ശരിയല്ല. ഇത് വോട്ട് ചെയ്ത് ജയിപ്പിച്ച വോട്ടര്‍മാരോട് ചെയ്യുന്ന ക്രൂരതയാണ്. അതുകൊണ്ട് സ്ഥാനാര്‍ത്ഥിയാവുന്നവര്‍ എത്ര ഉന്നതരായാലും ഒരുമണ്ഡലത്തില്‍ മാത്രം മത്സരിക്കണമെന്നാണ് തന്റെ അഭിപ്രായം. രണ്ട് മണ്ഡലങ്ങളില്‍ മത്സരിച്ച് വിജയിച്ച ഒരു സ്ഥാനാര്‍ത്ഥി ഒരിടത്ത് നിന്ന് പിന്‍വാങ്ങുമ്പോള്‍ ഉപതെരഞ്ഞെടുപ്പിന്റെ പേരില്‍ വലിയ നഷ്ടമാണ് ഖജനാവിലുണ്ടാവുന്നത്. ഇങ്ങിനെ ഉപതെരഞ്ഞെടുപ്പ് വേണ്ടിവരികയാണെങ്കില്‍ ഉപതെരഞ്ഞെടുപ്പിനുള്ള ചെലവ് പിന്‍വാങ്ങിയ സ്ഥാനാര്‍ത്ഥി വഹിക്കണമെന്ന കമ്മീഷന്റെ നിര്‍ദേശത്തോട് താന്‍ യോജിക്കുന്നുവെന്നും സുരേന്ദ്രന്‍ പറഞ്ഞു.
ഈ വിഷയം ദേശീയ വിഷയമായതിനാല്‍ പാര്‍ട്ടി ദേശീയ കമ്മറ്റി എടുക്കുന്ന തീരുമാനം അനുസരിക്കാന്‍ മാത്രമെ സാധിക്കുകയുള്ളൂവെന്ന് ബി ജെ പി ജില്ലാപ്രസിഡന്റ് പി സത്യപ്രകാശ് പറഞ്ഞു. ദേശീയകമ്മറ്റി എടുക്കുന്ന തീരുമാനം ഏതായാലും അംഗീകരിക്കും. വ്യക്തിപരമായ അഭിപ്രായം പറയാനില്ലെന്നും അദ്ദേഹം കൂട്ടിച്ചേര്‍ത്തു.
മത്സരിച്ച രണ്ട് സീറ്റുകളിലും വിജയിക്കുകയാണെങ്കില്‍ ഒരു സീറ്റില്‍ നിന്ന് പിന്മാറുന്നത് മണ്ഡലത്തിലെ വോട്ടര്‍മാരോട് ചെയ്യുന്ന അനീതിയാണെന്നാണ് തെരഞ്ഞെടുപ്പ് കമ്മീഷന്റെ നിലപാട്. അതേസമയം രണ്ട് മണ്ഡലത്തില്‍ നിന്ന് ജയിച്ചതിന്‌ശേഷം ഒരു സീറ്റ് ഒഴിവാക്കുന്ന നിയമസഭാ സ്ഥാനാര്‍ത്ഥികളുടെ കയ്യില്‍ നിന്നും അഞ്ചുലക്ഷം രൂപയും ലോക് സഭാ സ്ഥാനാര്‍ത്ഥികളുടെ പക്കല്‍ നിന്ന് പത്തുലക്ഷം രൂപയും ഈടാക്കണമെന്ന് പോള്‍ പാനല്‍ ശുപാര്‍ശ ചെയ്തിരുന്നു. ഈ പണം ഉയര്‍ത്തണമെന്ന് തെരഞ്ഞെടുപ്പ് കമ്മീഷന്‍ ഇപ്പോള്‍ നിര്‍ദേശിച്ചിട്ടുണ്ട്.
കഴിഞ്ഞകാല ലോക്‌സഭാ ഇലക്ഷനില്‍ പ്രധാനമന്ത്രി നരേന്ദ്രമോദിയടക്കം പലരും രണ്ട് സീറ്റുകളില്‍ മത്സരിച്ച് ജയിച്ചിരുന്നു. ഗുജറാത്തിലെ വഡോദരയില്‍ നിന്നും യുപിയിലെ വരാണസിയില്‍ നിന്നുമായിരുന്നു നരേന്ദ്രമോദി മത്സരിച്ചത്. മോദി പിന്നീട് വഡോദര സീറ്റ് ഉപേക്ഷിക്കുകയായിരുന്നു. ഇതിനെ തുടര്‍ന്ന് വഡോദരയില്‍ ഉപതെരഞ്ഞെടുപ്പ് നടത്തേണ്ടി വന്നു.

LIVE NEWS - ONLINE

  • 1
    2 hours ago

    ബ്ലഡ് ഷുഗര്‍ ലെവലില്‍ ഉണ്ടായ വേരിയേഷന്‍ കാരണം അച്ഛനെ ആശുപത്രിയില്‍ പ്രവേശിപ്പിച്ചത്: വിനീത് ശ്രീനിവാസന്‍

  • 2
    2 hours ago

    ദുബായിലെ കമ്പനിയില്‍ നിന്ന് കോടികള്‍ തട്ടിയെടുത്തു: മുതിര്‍ന്ന സിപിഎം നേതാവിന്റ മകനെതിരെ പരാതി

  • 3
    5 hours ago

    കാലിത്തീറ്റ കുംഭകോണം: ലാലുപ്രസാദ് യാദവിന്റെ മൂന്നാം കേസില്‍ വിധി ഇന്ന്

  • 4
    5 hours ago

    നടന്‍ ശ്രീനിവാസന്‍ ആശുപത്രിയില്‍..

  • 5
    19 hours ago

    രാജ്യത്തെ സാമ്പത്തിക അസമത്വത്തെപ്പറ്റി നരേന്ദ്രമോദി സംസാരിക്കണമെന്ന് രാഹുല്‍ ഗാന്ധി

  • 6
    20 hours ago

    ഇരുപത് വര്‍ഷത്തിനിടെ ഇന്ത്യയുടെ ജി.ഡി.പി ആറിരട്ടി വര്‍ധിച്ചു: പ്രധാനമന്ത്രി

  • 7
    22 hours ago

    നാളെ വാഹന പണിമുടക്ക്

  • 8
    23 hours ago

    ചീഫ് ജസ്റ്റിസിനെതിരെ ഇംപീച്ച്‌മെന്റ് നടപടികള്‍ ആലോചിക്കും: യെച്ചൂരി

  • 9
    23 hours ago

    ചീഫ് ജസ്റ്റിസിനെതിരെ ഇംപീച്ച്‌മെന്റ് നടപടികള്‍ ആലോചിക്കും: യെച്ചൂരി