Tuesday, July 23rd, 2019

നവകേരളം ആത്മഹത്യയുടെ നാടായി മാറും: കെ.മുരളീധരന്‍

സ്ത്രീകളെ സ്വന്തം കാലില്‍ നിര്‍ത്താന്‍ പ്രാപ്തരാക്കിയ കശു അണ്ടി വ്യവസായം ഇന്ന് തകര്‍ച്ചയുടെ വക്കിലാണ്.

Published On:Sep 11, 2018 | 4:45 pm

തിരു: കശുഅണ്ടി മേഖലയിലെ പ്രതിസന്ധി പരിഹരിച്ചില്ലെങ്കില്‍ നവകേരളം ആത്മഹത്യയുടെ നാടായി മാറുമെന്ന് കെ.മുരളീധരന്‍ എം.എല്‍.എ.അടഞ്ഞു കിടക്കുന്ന കശുഅണ്ടി ഫാക്ടറികള്‍ തുറന്ന് പ്രവര്‍ത്തിപ്പിക്കാന്‍ സര്‍ക്കാര്‍ അടിയന്തര നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. കേരള കശുഅണ്ടി വ്യവസായ സംയുക്തസമരസമിതിയുടെ ആഭിമുഖ്യത്തില്‍ കശുഅണ്ടി കമ്പനി ഉടമകളും തൊഴിലാളികളും നടത്തിയ സെക്രട്ടേറിയറ്റ് മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം.
സ്ത്രീകളെ സ്വന്തം കാലില്‍ നിര്‍ത്താന്‍ പ്രാപ്തരാക്കിയ കശു അണ്ടി വ്യവസായം ഇന്ന് തകര്‍ച്ചയുടെ വക്കിലാണ്. മന്ത്രി മേഴ്‌സിക്കുട്ടിയമ്മക്ക് ലഭിച്ച രണ്ട് വകുപ്പുകളും അവര്‍ കുളമാക്കി. കശുഅണ്ടി മേഖല നേരിടുന്ന പ്രതിസന്ധി മനസിലാക്കാനും അതിന് പരിഹാരം കാണാനും മന്ത്രിക്ക് കഴിഞ്ഞില്ല. അടഞ്ഞു കിടക്കുന്ന കശുഅണ്ടി കമ്പനികളെല്ലാം തുറക്കാന്‍ നടപടിയെടുക്കുമെന്ന് വാഗ്ദാനം നല്‍കിയാണ് ഇടതുമുന്നണി കൊല്ലം ജില്ലയിലെ 11 നിയമസഭാ മണ്ഡലങ്ങളിലും വിജയം നേടിയത്. എന്നാല്‍ അധികാരത്തിലെത്തിയ ശേഷമുള്ള ആദ്യ ഓണത്തിന് പോലും കമ്പനികള്‍ തുറന്നില്ല.കമ്പനി ഉടമകളാവട്ടെ കടക്കെണിയിലാണ്. ഉടമകള്‍ക്ക് മന്ത്രി നല്‍കിയ ഉറപ്പനുസരിച്ച് ആഗസ്റ്റ് 31 വരെയാണ് ബാങ്കുകള്‍ ജപ്തി നടപടികള്‍ നിര്‍ത്തിവച്ചത്. വീണ്ടും ജപ്തി നടപിടകള്‍ തുടങ്ങിയാല്‍ കമ്പനി ഉടമകളും തൊഴിലാളികളും ആത്മഹത്യയിലേക്ക് നീങ്ങും. ബാങ്കുകള്‍ക്ക് ഗാരണ്ടി നല്‍കാന്‍ സര്‍ക്കാര്‍ തയ്യാറാവണം.ആവശ്യത്തിന് കശുഅണ്ടി ഇറക്കുമതി ചെയ്യാന്‍ നടപടി സ്വീകരിക്കുകയും വേണം. സര്‍ക്കാരിന്റെ ഫലപ്രദമായ ഇടപെടലില്ലാതെ ഇപ്പോഴത്തെ അവസ്ഥ മറികടക്കാന്‍ കഴിയില്ലെന്നും മുരളീധരന്‍ പറഞ്ഞു.

LIVE NEWS - ONLINE

  • 1
    11 hours ago

    കാസര്‍കോട്, കണ്ണൂര്‍ ജില്ലകളില്‍ ചൊവ്വാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 2
    16 hours ago

    തലസ്ഥാനത്ത് തെരുവ് യുദ്ധം

  • 3
    17 hours ago

    യൂത്ത് കോണ്‍ഗ്രസ് പിഎസ് സി ഓഫീസ് മാര്‍ച്ചില്‍ സംഘര്‍ഷം

  • 4
    17 hours ago

    യൂണിവേഴ്‌സിറ്റി കോളജ് വധശ്രമക്കേസ്; പ്രതികള്‍ക്കായി തെരച്ചില്‍

  • 5
    18 hours ago

    സ്വര്‍ണ വില 240 രൂപ വര്‍ധിച്ചു

  • 6
    18 hours ago

    കര്‍ണാടക; ഇടപെടാനാവില്ലെന്ന് ആവര്‍ത്തിച്ച് സുപ്രീം കോടതി

  • 7
    19 hours ago

    ശൗചാലയവും ഓവുചാലും വൃത്തിയാക്കാനല്ല എം.പിയായത്: പ്രജ്ഞ സിംഗ് ഠാക്കൂര്‍

  • 8
    20 hours ago

    പീഡനക്കേസ്; എഫ്‌ഐ ആര്‍ റദ്ദാക്കണമെന്നാവശ്യപ്പെട്ട് ബിനോയ് ഹൈക്കോടതിയില്‍

  • 9
    20 hours ago

    ഗള്‍ഫില്‍ മത്സ്യ വില ഉയര്‍ന്നു