Thursday, September 19th, 2019

മോദിയെ സ്തുതിക്കേണ്ടവര്‍ ബി.ജെ.പിയിലേക്ക് പോകണം: കെ.മുരളീധരന്‍

കുറെ കക്കൂസ് ഉണ്ടാക്കിയതാണ് മോദിയുടെ നേട്ടമായി പറയുന്നത്

Published On:Aug 26, 2019 | 11:17 am

തിരു: കോഴിക്കോട്: ശശി തരൂര്‍ അടക്കമുള്ള കോണ്‍ഗ്രസ് നേതാക്കള്‍ മോദി സ്തുതി നടത്തിയതിനെതിരേ കോണ്‍ഗ്രസില്‍ വിമര്‍ശനം ശക്തമാവുന്നു. മോദിയെ സ്തുതിക്കേണ്ടവര്‍ ബി.ജെ.പിയിലേക്ക് പോയി സ്തുതിക്കണമെന്ന് കെ.മുരളീധരന്‍ എം.പി പറഞ്ഞു. ഇടക്ക് മോദി സ്തുതി നടത്തിയാല്‍ മാത്രമെ വിമര്‍ശനം ഏല്‍ക്കുകയുള്ളുവെന്നാണ് ചിലരുടെ വിചാരം. അങ്ങനെയുള്ളവര്‍ കോണ്‍ഗ്രസില്‍ നില്‍ക്കേണ്ട. ശക്തമായ മോദി വിരുദ്ധത പറഞ്ഞിട്ട് തന്നെയാണ് കേരളത്തില്‍ കോണ്‍ഗ്രസ് സ്ഥാനാര്‍ഥികള്‍ കഴിഞ്ഞ ലോക്‌സഭാ തെരഞ്ഞെടുപ്പില്‍ വിജയിച്ചു കയറിയത്. അത് ആരും മറക്കണ്ടേന്നും മുരളീധരന്‍ പറഞ്ഞു. കോഴിക്കോട് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം
നിലവിലെ വിവാദം വരുന്ന ഉപതെരഞ്ഞെടുപ്പിനെയൊന്നും ബാധിക്കില്ല. മോദിക്കെതിരെ ശക്തമായ വിമര്‍ശനം ഉന്നയിക്കുന്ന ആളായിരുന്നു തരൂര്‍. പെട്ടെന്ന് എന്താണ് സംഭവിച്ചതെന്നറിയില്ല. വട്ടിയൂര്‍ക്കാവില്‍ ശശി തരൂര്‍ മണ്ഡലത്തില്‍ എത്തിയില്ലെങ്കിലും വിജയിക്കും. ഇത്തരത്തില്‍ മോദി സ്തുതി നടത്തിയ തരൂരിനെതിരേ നടപടിയെടുക്കാന്‍ നേതൃത്വത്തോട് ആവശ്യപ്പെടുമെന്നും അദ്ദേഹം പറഞ്ഞു.
യു.പി.എ സര്‍ക്കാര്‍ പത്ത് വര്‍ഷം അധികാരത്തിലിരുന്നപ്പോള്‍ എല്ലാവരും ബഹുമാനിക്കുന്ന മന്‍മോഹന്‍ സിംഗിനെ പോലും കുറ്റപ്പെടുത്തിയവരാണ് ബി.ജെ.പിയും മോദിയും. അത്തരത്തിലുള്ളവര്‍ ഒരു തരത്തിലുള്ള നല്ല വാക്കിനും അര്‍ഹനല്ല. മോദി കുറെ കക്കൂസ് ഉണ്ടാക്കി എന്നതാണ് വലിയ കാര്യമായി പറയുന്നത്. എന്നാല്‍ ഈ കക്കൂസില്‍ വെള്ളമില്ലെന്ന് പറഞ്ഞത് ഈ നേതാക്കളൊക്കെ തന്നെയാണ്. പാര്‍ട്ടി ജനപ്രതിനിധികളാണെങ്കില്‍ പാര്‍ട്ടി നയം അനുസരിക്കണം. അല്ലാത്തവര്‍ ബി.ജെ.പിയിലേക്ക് പോവണം. താനൊക്കെ പണ്ട് പാര്‍ട്ടിക്ക് പുറത്ത് പോയി മടുത്തിട്ട് തിരിച്ച് വന്നവരാണ്. തന്നെ ആരും പഠിപ്പിക്കാന്‍ വരേണ്ടെന്നാണ് ശശി തരൂര്‍ പറഞ്ഞത്. പക്ഷെ ജനങ്ങള്‍ പഠിപ്പിച്ചോളുമെന്നും മുരളി പറഞ്ഞു.

 

 

LIVE NEWS - ONLINE

  • 1
    13 mins ago

    യു.എന്‍.എ ഫണ്ട് തിരിമറി; ജാസ്മിന്‍ ഷാ അടക്കം നാലുപേര്‍ക്കെതിരെ ലുക്കൗട്ട് നോട്ടീസ്

  • 2
    38 mins ago

    പാലാരിവട്ടം അഴിമതി; ഉത്തരവുകളെല്ലാം മന്ത്രിയുടെ അറിവോടെ: ടി.ഒ സൂരജ്

  • 3
    38 mins ago

    പാലാരിവട്ടം അഴിമതി; ഉത്തരവുകളെല്ലാം മന്ത്രിയുടെ അറിവോടെ: ടി.ഒ സൂരജ്

  • 4
    47 mins ago

    വിഘ്‌നേശിന്റെ പിറന്നാള്‍ ആഘേിഷിച്ച് നയന്‍താര

  • 5
    1 hour ago

    ബസില്‍ നിന്നും തെറിച്ചു വീണ് വിദ്യാര്‍ത്ഥികള്‍ക്ക് പരിക്ക്

  • 6
    1 hour ago

    തേജസ് പോര്‍വിമാനം പറത്തി രാജ്‌നാഥ് സിംഗ്

  • 7
    2 hours ago

    നാസയുടെ ഓര്‍ബിറ്റര്‍ ക്യാമറാ ചിത്രത്തിലും വിക്രം ലാന്ററില്ല

  • 8
    2 hours ago

    മില്‍മ പാല്‍ വില വര്‍ധന ഇന്നുമുതല്‍

  • 9
    2 hours ago

    തുര്‍ക്കിയില്‍ കെമിക്കല്‍ ഫാക്ടറിയില്‍ വന്‍ സ്‌ഫോടനം; നിരവധി പേര്‍ക്ക് പരിക്ക്