Tuesday, September 25th, 2018

ഏറ്റുമുട്ടല്‍ ഒഴിവാക്കണം

ഉത്തരാഖണ്ഡ് ഹൈക്കോടതി ചീഫ് ജസ്റ്റിസും മലയാളിയുമായ ജസ്റ്റിസ് കെ എം ജോസഫിനെ സുപ്രീംകോടതി ജഡ്ജിയാക്കാനുള്ള കൊളീജിയം ശുപാര്‍ശ പുനഃപരിശോധിക്കണമെന്നാവശ്യപ്പെട്ട് കേന്ദ്രം മടക്കിയ നടപടി വിവാദമായി. ജഡ്ജി നിയമന കാര്യത്തില്‍ കേന്ദ്രം രാഷ്ട്രീയം കളിക്കുന്നുവെന്ന ആരോപണം ഉയര്‍ന്നുകഴിഞ്ഞു. ഇതോടൊപ്പമുള്ള മുതിര്‍ന്ന അഭിഭാഷക ഇന്ദുമല്‍ഹോത്രയെ സുപ്രീംകോടതി ജഡ്ജിയാക്കാനുള്ള കോളീജിയത്തിന്റെ ശുപാര്‍ശ അംഗീകരിച്ച് രാഷ്ട്രപതിയുടെ ഉത്തരവിറങ്ങി. ഇന്ദുമല്‍ഹോത്ര ഇന്ന് സത്യപ്രതിജ്ഞ ചെയ്യും. ഇന്ത്യയിലെ ജഡ്ജിമാരുടെ സീനിയോറിറ്റി പട്ടികയില്‍ കെ എം ജോസഫ് നാല്‍പത്തിയഞ്ചാം സ്ഥാനത്താണെന്നും ചീഫ് ജസ്റ്റിസുമാരുടെ സീനിയോറിറ്റി പട്ടികയില്‍ പന്ത്രണ്ടാം … Continue reading "ഏറ്റുമുട്ടല്‍ ഒഴിവാക്കണം"

Published On:Apr 27, 2018 | 1:43 pm

ഉത്തരാഖണ്ഡ് ഹൈക്കോടതി ചീഫ് ജസ്റ്റിസും മലയാളിയുമായ ജസ്റ്റിസ് കെ എം ജോസഫിനെ സുപ്രീംകോടതി ജഡ്ജിയാക്കാനുള്ള കൊളീജിയം ശുപാര്‍ശ പുനഃപരിശോധിക്കണമെന്നാവശ്യപ്പെട്ട് കേന്ദ്രം മടക്കിയ നടപടി വിവാദമായി. ജഡ്ജി നിയമന കാര്യത്തില്‍ കേന്ദ്രം രാഷ്ട്രീയം കളിക്കുന്നുവെന്ന ആരോപണം ഉയര്‍ന്നുകഴിഞ്ഞു. ഇതോടൊപ്പമുള്ള മുതിര്‍ന്ന അഭിഭാഷക ഇന്ദുമല്‍ഹോത്രയെ സുപ്രീംകോടതി ജഡ്ജിയാക്കാനുള്ള കോളീജിയത്തിന്റെ ശുപാര്‍ശ അംഗീകരിച്ച് രാഷ്ട്രപതിയുടെ ഉത്തരവിറങ്ങി. ഇന്ദുമല്‍ഹോത്ര ഇന്ന് സത്യപ്രതിജ്ഞ ചെയ്യും. ഇന്ത്യയിലെ ജഡ്ജിമാരുടെ സീനിയോറിറ്റി പട്ടികയില്‍ കെ എം ജോസഫ് നാല്‍പത്തിയഞ്ചാം സ്ഥാനത്താണെന്നും ചീഫ് ജസ്റ്റിസുമാരുടെ സീനിയോറിറ്റി പട്ടികയില്‍ പന്ത്രണ്ടാം സ്ഥാനത്താണെന്നും കേന്ദ്രം വിശദീകരിക്കുന്നു. കേരളത്തില്‍ നിന്ന് ആവശ്യത്തിന് പ്രാതിനിധ്യം സുപ്രീംകോടതിയിലുണ്ടെന്നും കേന്ദ്രം വ്യക്തമാക്കുന്നു. പ്രാദേശിക പ്രാതിനിധ്യം ഉറപ്പാക്കാന്‍ സീനിയോറിറ്റി സുപ്രധാനഘടകമായി പരിഗണിക്കാനാകില്ലെന്നും ചീഫ് ജസ്റ്റിസ് ദീപക് മിശ്രക്കയച്ച കുറിപ്പില്‍ വ്യക്തമാക്കുന്നു.
2016ല്‍ ഉത്തരാഖണ്ഡില്‍ ഹരീഷ് റാവത്തിന്റെ കോണ്‍ഗ്രസ് സര്‍ക്കാറിനെ പിരിച്ചുവിട്ട് കേന്ദ്രം രാഷ്ട്രപതി ഭരണം ഏര്‍പ്പെടുത്തിയത് ചീഫ് ജസ്റ്റിസ് കെ എം ജോസഫ് റദ്ദാക്കിയിരുന്നു. തുടര്‍ന്ന് റാവത്ത് തിരിച്ചെത്തിയത് മോദി സര്‍ക്കാറിനും ബി ജെ പിക്കും തിരിച്ചടിയായിരുന്നു. സുപ്രീംകോടതിയും കേന്ദ്ര സര്‍ക്കാറും തമ്മിലുള്ള ഏറ്റുമുട്ടലിന് പുതിയ സംഭവവികാസങ്ങള്‍ വഴിവെക്കുമോയെന്ന ആശങ്ക ഇപ്പോള്‍ നിലനില്‍ക്കുന്നു. ഇന്ദിരാഗാന്ധി പ്രധാനമന്ത്രിയായിരിക്കെ 1973ല്‍ ഇത്തരമൊരു സംഭവത്തിന് രാജ്യം സാക്ഷിയാകേണ്ടിവന്നിട്ടുണ്ട്്. സീനിയോറിറ്റി പ്രകാരം അന്ന് ചീഫ് ജസ്റ്റിസാകേണ്ടിയിരുന്ന ജസ്റ്റിസ്് ഹെഗ്‌ഡെയെ മറികടന്ന് കേന്ദ്ര സര്‍ക്കാര്‍ എന്‍ എന്‍ റെയെ അവരോധിച്ചു. രാജ്യത്തെ നിയമവിദഗ്ധര്‍ അപലപിച്ചിട്ടും കേന്ദ്ര തീരുമാനത്തില്‍ അന്ന് മാറ്റമുണ്ടായില്ല. 1977 ലും സമാന സംഭവമുണ്ടായി. പ്രമുഖ ന്യായാധിപനായിരുന്ന ജസ്റ്റിസ് ഖന്നയെ മറികടന്ന് ജൂനിയറായ ബേഗിനെ നിയമിച്ച് കേന്ദ്രം തെറ്റായ കീഴ്‌വഴക്കം ആവര്‍ത്തിക്കുകയായിരുന്നു. അന്ന് നിയമനത്തെ വിമര്‍ശിച്ചവര്‍ ഇന്ന് ഭരണത്തിലെത്തിയപ്പോള്‍ കോണ്‍ഗ്രസ് സര്‍ക്കാര്‍ നടത്തിയ തെറ്റായ നിയമന രീതികള്‍ ആവര്‍ത്തിക്കുകയാണെന്ന ആരോപണമാണ് ഉയരുന്നത്. രാജ്യത്തെ നീതിന്യായ വ്യവസ്ഥ സ്വതന്ത്രവും നീതിപൂര്‍വകവുമായിരിക്കണം. ഭരണഘടനാ സ്ഥാപനങ്ങളുടെ അധികാരത്തെ ചോദ്യംചെയ്യുന്ന തരത്തിലുള്ള കേന്ദ്രത്തിന്റെ പ്രവര്‍ത്തനങ്ങള്‍ രാജ്യം അരാജകത്വത്തിലേക്ക് നയിക്കുന്നതിനേ സഹായിക്കുകയുള്ളൂവെന്ന് നിയമവിദഗ്ധര്‍ ചൂണ്ടിക്കാട്ടുന്നു. ജനാധിപത്യം ശക്തിപ്പെടണമെങ്കില്‍ ജൂഡീഷ്യറിയുടെ ഇടപെടല്‍ വേണമെന്ന് മുന്‍കാല അനുഭവങ്ങള്‍ ഓര്‍മ്മിപ്പിക്കുന്നുണ്ട്്. ജഡ്ജിമാരുടെ നിയമനം സംബന്ധിച്ച യോഗ്യത നിശ്ചയിക്കാനുള്ള അധികാരം സ്വതന്ത്ര ഘടനയായ കൊളീജിയത്തിനാണ്. ഇക്കാര്യത്തില്‍ സുപ്രീംകോടതി നടപടികളെ ചോദ്യംചെയ്യുന്ന രീതിയിലുള്ള കേന്ദ്ര ഇടപെടല്‍ വിവാദത്തിന് ചൂട് പകരുകയേയുള്ളൂ. കേന്ദ്രവും ജുഡീഷ്യറിയും തമ്മിലുള്ള ഏറ്റുമുട്ടല്‍ ഒഴിവാക്കി സുതാര്യമായ പ്രവര്‍ത്തനം ഉറപ്പാക്കുന്ന നടപടികളാണ് ജനം ആഗ്രഹിക്കുന്നത്.

 

LIVE NEWS - ONLINE

  • 1
    4 hours ago

    സാലറി ചലഞ്ചിന് ആരെയും നിര്‍ബന്ധിക്കില്ലെന്ന് മുഖ്യമന്ത്രി

  • 2
    6 hours ago

    ഫ്രാങ്കോയെ പി.സി ജോര്‍ജ് ജയിലില്‍ സന്ദര്‍ശിച്ചു

  • 3
    7 hours ago

    ബാലഭാസ്‌കറിന് അടിയന്തര ശസ്ത്രക്രിയ

  • 4
    10 hours ago

    തന്നെ പുറത്താക്കാന്‍ കോണ്‍ഗ്രസ് വിദേശ ശക്തികളെ കൂട്ടുപിടിക്കുന്നു: മോദി

  • 5
    10 hours ago

    സുനന്ദ കേസ്; അന്തിമ വാദം കേള്‍ക്കുന്നത് ഹൈക്കോടതി മാറ്റി

  • 6
    12 hours ago

    റഫാല്‍ ഇടപാട്; സത്യം പുറത്ത് വരണം

  • 7
    12 hours ago

    അഭിമന്യു കൊലക്കേസ്; അന്വേഷണ സംഘം കുറ്റപത്രം സമര്‍പ്പിച്ചു

  • 8
    12 hours ago

    വയനാട്ടില്‍ കര്‍ഷകന്‍ ആത്മഹത്യ ചെയ്തു

  • 9
    13 hours ago

    വൃദ്ധസദനത്തില്‍ മരിച്ച അന്തേവാസികളുടെ മൃതദേഹങ്ങള്‍ സംസ്‌കരിച്ചു