Tuesday, June 18th, 2019

കേരളം നടത്തിയത് നല്ല മാതൃക;കേന്ദ്ര മന്ത്രി ജെ.പി നദ്ദ

ആവശ്യമെങ്കില്‍ കൂടുതല്‍ മരുന്നുകള്‍

Published On:Sep 7, 2018 | 12:18 pm

കൊച്ചി: കേരളത്തില്‍ ഉണ്ടായത് വലിയ പ്രകൃതി ദുരന്തമെന്ന് കേന്ദ്ര ആരോഗ്യ മന്ത്രി ജെ.പി നദ്ദ. നിലവില്‍ കേരളത്തിന് ആവശ്യമായ മരുന്നുകളെല്ലാം കേന്ദ്രം വിതരണം ചെയ്തിട്ടുണ്ടെന്നും കൂടുതല്‍ ആവശ്യമുണ്ടായാല്‍ അതും നല്‍കുമെന്നും കേന്ദ്രമന്ത്രി നെടുമ്പാശ്ശേരിയില്‍ മാധ്യമങ്ങളോട് പറഞ്ഞു. സംസ്ഥാനത്തെ പ്രളയബാധിത പ്രദേശങ്ങള്‍ സന്ദര്‍ശിക്കുന്നതിനായി ഇന്ന് രാവിലെ ഒമ്പതിന് നെടുമ്പാശ്ശേരി വിമാനത്താവളത്തിലെത്തിയ കേന്ദ്രമന്ത്രിയെ സംസ്ഥാന ആരോഗ്യ മന്ത്രി കെ.കെ ശൈലജയുടെ നേതൃത്വത്തില്‍ സ്വീകരിച്ചു.
അതേസമയം, പ്രളയത്തില്‍ പ്രവര്‍ത്തനം നിലച്ച ആശുപത്രികള്‍ വീണ്ടും പ്രവര്‍ത്തിപ്പിക്കാന്‍ സംസ്ഥാനം നടത്തിയത് നല്ല മാതൃകയാണെന്നും അദ്ദേഹം പറഞ്ഞു. കേരളത്തിലെ പുനരധിവാസ പ്രവര്‍ത്തനങ്ങള്‍ പരിശോധിക്കുന്നതിനും ഭാവി കാര്യങ്ങള്‍ തീരുമാനിക്കാനുമാണ് തന്റെ സന്ദര്‍ശനം. സംസ്ഥാനത്തിന് ആവശ്യമായ ഫണ്ട് നിലവിലുണ്ട്. ഇക്കാര്യത്തില്‍ ആശങ്കവേണ്ടെന്നും മന്ത്രി അറിയിച്ചു.
പ്രളയക്കെടുതിക്ക് പിന്നാലെ സംസ്ഥാനത്ത് പകര്‍ച്ചവ്യാധികള്‍ പടര്‍ന്നുപിടിക്കുന്ന സാഹചര്യത്തില്‍ കേന്ദ്ര മന്ത്രിയുടെ സന്ദര്‍ശനത്തെ വലിയ പ്രതീക്ഷയോടെയാണ് സംസ്ഥാനം നോക്കിക്കാണുന്നത്. സംസ്ഥാന ആരോഗ്യ മന്ത്രിയും അദ്ദേഹത്തിനൊപ്പം അനുഗമിക്കുന്നുണ്ട്. ചാലക്കുടിയിലെ ക്യാമ്പുകളില്‍ തുടരുന്നവരെയും മന്ത്രി സന്ദര്‍ശിച്ചു. ഉച്ചക്ക് ശേഷം എറണാകുളത്തെ സിയാല്‍ ഉള്‍പ്പെടെ പ്രളയബാധിത പ്രദേശങ്ങളും കേന്ദ്രമന്ത്രി സന്ദര്‍ശിക്കും. തുടര്‍ന്ന് മന്ത്രി കെ.കെ. ശൈലജയുമായി നെടുമ്പാശ്ശേരിയിലെ സാജ് ഹോട്ടലില്‍ ചര്‍ച്ച നടത്തും. ഉച്ചക്ക് ഒരു മണിയോടെ നടക്കുന്ന വാര്‍ത്താസമ്മേളനത്തിന് ശേഷം നെടുമ്പാശ്ശേരിക്ക് സമീപത്തെ മള്ളുശ്ശേരി ക്യാമ്പും സന്ദര്‍ശിക്കും.

 

 

LIVE NEWS - ONLINE

  • 1
    11 hours ago

    ജെ.പി. നഡ്ഡ ബി.ജെ.പി. ദേശീയ വര്‍ക്കിങ് പ്രസിഡന്റ്; അമിത് ഷാ അധ്യക്ഷനായി തുടരും

  • 2
    13 hours ago

    സൈനിക വാഹനം സ്ഫോടനത്തില്‍ തകര്‍ന്നു

  • 3
    14 hours ago

    മമതയുമായി ഡോക്ടര്‍മാരുടെ സംഘടനകള്‍ നടത്തിയ ചര്‍ച്ച വിജയം: ഡോക്ടര്‍മാരുടെ സമരം പിന്‍വലിച്ചു

  • 4
    17 hours ago

    തലശ്ശരേിയിലെ ബി.ജെ.പി നേതാവ് എം.പി.സുമേഷ് വധശ്രമക്കേസില്‍ ആറ് സി.പി.എം പ്രവര്‍ത്തകര്‍ കുറ്റക്കാര്‍

  • 5
    18 hours ago

    പശ്ചിമ ബംഗാളിലെ സമരം ചെയ്യുന്ന ഡോക്ടര്‍മാരുമായി മമത ഇന്ന് ചര്‍ച്ച നടത്തും

  • 6
    20 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 7
    21 hours ago

    സര്‍ക്കാറിന് തിരിച്ചടി; ഖാദര്‍ കമ്മറ്റി റിപ്പോര്‍ട്ട് ഹൈക്കോടതി സ്‌റ്റേ ചെയ്തു

  • 8
    21 hours ago

    ഡോക്ടര്‍മാരുടെ പണിമുടക്ക് പൂര്‍ണം; രോഗികള്‍ വലഞ്ഞു

  • 9
    22 hours ago

    അംഗസംഖ്യയുടെ കാര്യത്തില്‍ പ്രതിപക്ഷം ആശങ്കപ്പെടേണ്ട: മോദി