Sunday, February 17th, 2019

ജീപ് കോമ്പസ് ബ്ലാക് പാക്ക് എഡിഷന്‍ വരുന്നു

സാധാരണ കോമ്പസ് മോഡലുകളെക്കാള്‍ 40,000 മുതല്‍ 50,000 രൂപ വരെ കൂടുതല്‍ ബ്ലാക് പാക്ക് എഡിഷന് വില ഒരുങ്ങും

Published On:Sep 6, 2018 | 10:15 am

കോമ്പസ് ബ്ലാക് പാക്ക് എഡിഷനുമായി ജീപ്. ഉത്സവകാലത്തിന് മുന്നോടിയായി പുതിയ ജീപ് കോമ്പസ് ബ്ലാക് പാക്ക് എഡിഷന്‍ ഇന്ത്യയില്‍ വില്‍പനയ്ക്കെത്തുമെന്ന് എഫ്സിഎ ഇന്ത്യ മാനേജിംഗ് ഡയറക്ടര്‍ വ്യക്തമാക്കി. സാധാരണ കോമ്പസ് മോഡലുകളെക്കാള്‍ 40,000 മുതല്‍ 50,000 രൂപ വരെ കൂടുതല്‍ ബ്ലാക് പാക്ക് എഡിഷന് വില ഒരുങ്ങും. മേല്‍ക്കൂര, മിററുകള്‍, അലോയ് വീലുകള്‍, സീറ്റ് അപ്ഹോള്‍സ്റ്ററി തുടങ്ങി എസ്യുവിയുടെ മുഴുവന്‍ ഭാഗങ്ങള്‍ക്കും കറുപ്പാകും നിറം. ലിമിറ്റഡ് എഡിഷന്‍ മോഡലായി വിപണിയില്‍ എത്താനാണ് സാധ്യത കൂടുതല്‍. എന്നാല്‍ ഇക്കാര്യം കമ്പനി സ്ഥിരീകരിച്ചിട്ടില്ല. ബ്ലാക് പാക്ക് എഡിഷന് പുറമെ ജീപ്പ് കോമ്പസിന്റെ പുതിയ ലിമിറ്റഡ് പ്ലസ് വകഭേദവും വിപണിയില്‍ ഉടന്‍ അണിനിരക്കുമെന്ന് മാനേജിംഗ് ഡയറക്ടര്‍ അഭിമുഖത്തില്‍ സൂചിപ്പിച്ചു. കോമ്പസ് നിരയിലെ ഏറ്റവും ഉയര്‍ന്ന വകഭേദമായി ലിമിറ്റഡ് പ്ലസ് വില്‍പനയ്ക്ക് വരും.
വൈദ്യുത പിന്തുണയാല്‍ ക്രമീകരിക്കാവുന്ന ഡ്രൈവര്‍ സീറ്റ്, സണ്‍റൂഫ്, വലിയ 8.4 ഇഞ്ച് ടച്ച്സ്‌ക്രീന്‍ ഇന്‍ഫോടെയന്‍മെന്റ് സംവിധാനം എന്നിവ കോമ്പസ് ലിമിറ്റഡ് പ്ലസിന്റെ മാത്രം പ്രത്യേകതകളായി ഒരുങ്ങും. ഉത്സവകാലം മുന്നില്‍ക്കണ്ടാണ് കോമ്പസ് ലിമിറ്റഡ് പ്ലസ് മോഡലും വിപണിയില്‍ വരുന്നത്. നിലവില്‍ രണ്ടു എഞ്ചിന്‍ ഓപ്ഷനുകളിലായി 11 വകഭേദങ്ങള്‍ കോമ്പസില്‍ ലഭ്യമാണ്. കോമ്പസില്‍ 1.4 ലിറ്റര്‍ ടര്‍ബ്ബോചാര്‍ജ്ഡ് പെട്രോള്‍ എഞ്ചിന്‍ 160 bhp കരുത്തും 250 Nm torque ഉം സൃഷ്ടിക്കും. 170 bhp കരുത്തും 350 Nm torque -മാണ് 2.0 ലിറ്റര്‍ ഡീസല്‍ എഞ്ചിന്‍ ഉത്പാദിപ്പിക്കുക.
ആറു സ്പീഡ് മാനുവല്‍, ഏഴു സ്പീഡ് ഓട്ടോമാറ്റിക് ഗിയര്‍ബോക്സ് ഓപ്ഷനുകള്‍ കോമ്പസ് പെട്രോളില്‍ തെരഞ്ഞെടുക്കാം. മുന്‍ വീല്‍ ഡ്രൈവ് ഘടന മാത്രമെ കോമ്പസ് പെട്രോളിലുള്ളൂ. അതേസമയം കോമ്പസ് ഡീസലില്‍ മുന്‍ വീല്‍ ഡ്രൈവ്, പിന്‍ വീല്‍ ഡ്രൈവ് ഓപ്ഷനുകള്‍ കമ്പനി നല്‍കുന്നുണ്ട്. ആറു സ്പീഡ് മാനുവല്‍ ഗിയര്‍ബോക്സ് ഡീസല്‍ മോഡലുകളില്‍ സ്റ്റാന്‍ഡേര്‍ഡ് ഫീച്ചറാണ്.

LIVE NEWS - ONLINE

  • 1
    2 hours ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 2
    4 hours ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍

  • 3
    5 hours ago

    വസന്തകുമാറിന്റെ കുടുംബത്തെ ഇന്ന് മന്ത്രി ബാലന്‍ സന്ദര്‍ശിക്കും

  • 4
    17 hours ago

    പുല്‍വാമ ആക്രമണം: തെളിവുണ്ടെങ്കില്‍ ഹാജരാക്കണമെന്ന് പാക് വിദേശകാര്യ മന്ത്രി

  • 5
    18 hours ago

    സ്ഫോടകവസ്തു നിര്‍വീര്യമാക്കുന്നതിനിടെ ജമ്മു കശ്മീരില്‍ സൈനികന്‍ കൊല്ലപ്പെട്ടു

  • 6
    21 hours ago

    വസന്ത്കുമാറിന്റെ മൃതദേഹം ജന്മനാട്ടിലേക്ക് കൊണ്ടു പോയി

  • 7
    1 day ago

    കൊട്ടിയൂര്‍ പീഡനം; വൈദികന് 20വര്‍ഷം കഠിന തടവും മൂന്നു ലക്ഷം പിഴയും

  • 8
    1 day ago

    കൊട്ടിയൂര്‍ പീഡനം; വൈദികന് 20വര്‍ഷം കഠിന തടവും മൂന്നു ലക്ഷം പിഴയും

  • 9
    1 day ago

    ദിലീപന്‍ വധക്കേസ്; 9 പ്രതികള്‍ക്ക് ജീവപര്യന്തം തടവും മുപ്പതിനായിരം പിഴയും