Monday, July 15th, 2019

ജസ്‌ന മലപ്പുറത്തെത്തിയെന്ന് വിവരം; താന്‍ കാമുകനല്ലെന്ന് ആണ്‍ സുഹൃത്ത്

പോലീസിന് ചില നിര്‍ണായക വിവരങ്ങള്‍ ലഭിച്ചതായാണ് സൂചന.

Published On:Jun 22, 2018 | 10:34 am

കോട്ടയം/ മലപ്പുറം: എരുമേലിയില്‍ നിന്നും കാണാതായ ബിരുദ വിദ്യാര്‍ത്ഥിനി ജസ്‌നക്ക് വേണ്ടിയുള്ള അന്വേഷണം മലപ്പുറത്തേക്കും. കോട്ടക്കുന്നം ടൂറിസം പാര്‍ക്കില്‍ മറ്റൊരു പെണ്‍കുട്ടിയോടൊപ്പം ജസ്‌നയെ കണ്ടെന്ന മൊഴിയുടെ അടിസ്ഥാനത്തിലാണ് പോലീസ് സംഘം മലപ്പുറത്തേക്ക് തിരിച്ചത്. അതേസമയം, ജസ്‌നയെ കാണാതായതിന്റെ പേരില്‍ തന്നെ പോലീസ് പീഡിപ്പിക്കുന്നുവെന്നും താന്‍ ജസ്നയുടെ കാമുകനല്ലെന്നും ആണ്‍സുഹൃത്ത് ഒരു സ്വകാര്യ ചാനലിനോട് വെളിപ്പെടുത്തി.
മെയ് മൂന്നിന് രാവിലെ 11 മുതല്‍ രാത്രി എട്ട് മണിവരെ ജസ്‌നയെന്ന് തോന്നിക്കുന്ന പെണ്‍കുട്ടിയെ കണ്ടെന്ന് ഇവിടുത്തെ ജീവനക്കാരാണ് പോലീസിന് മൊഴി നല്‍കിയത്. മറ്റൊരു പെണ്‍കുട്ടിയും കൂടെയുണ്ടായിരുന്നു. ദൂരെ യാത്ര കഴിഞ്ഞ് വരുന്നെന്ന് തോന്നിപ്പിക്കും വിധമായിരുന്നു പെണ്‍കുട്ടികളുടെ വേഷം. എന്നാല്‍ പെണ്‍കുട്ടികളെ തിരിച്ചറിയാന്‍ ജീവനക്കാര്‍ക്ക് സാധിച്ചിരുന്നില്ല. പിന്നീട് മാധ്യമങ്ങളില്‍ വന്ന വാര്‍ത്തകള്‍ കണ്ടതോടെയാണ് ഇത് ജസ്‌നയാണോയെന്ന് ജീവനക്കാര്‍ക്ക് സംശയമായത്. തുടര്‍ന്ന് പോലീസില്‍ വിവരം അറിയിക്കുകയായിരുന്നു. പെണ്‍കുട്ടികള്‍ ഇവിടെ വച്ച് മറ്റാരോടോ സംസാരിക്കുന്നത് കണ്ടതായും ജീവനക്കാര്‍ മൊഴി നല്‍കിയിട്ടുണ്ടെന്നാണ് സുചന.
അതേസമയം, ഇതുവരെ ലഭിച്ച വിവരത്തിന്റെ അടിസ്ഥാനത്തില്‍ പരിശോധന നടത്താനാണ് മലപ്പുറത്തെത്തിയതെന്നാണ് വെച്ചൂച്ചിറ പോലീസ് നല്‍കുന്ന വിവരം. ജസ്‌ന വന്നുവെന്ന് കരുതുന്ന ദിവസത്തെ സി.സി.ടി.വി ദൃശ്യങ്ങള്‍ പരിശോധിക്കുകയാണ് ആദ്യ ഘട്ടം. കെ.എസ്.ആര്‍.ടി.സി ബസ് സ്റ്റാന്റില്‍ വന്നിറങ്ങിയ ജസ്‌നയും സുഹൃത്തും ഓട്ടോയിലാണ് ഇവിടേക്കെത്തിയതെന്നാണ് കരുതുന്നത്. ഇതിന്റെ അടിസ്ഥാനത്തില്‍ മലപ്പുറം നഗരത്തിലെ വിവിധയിടങ്ങളില്‍ നിന്നുള്ള ദൃശ്യങ്ങളും ശേഖരിക്കും.
എന്നാല്‍ ജസ്‌നയെ കാണാതായതിന്റെ പേരില്‍ പോലീസും സമൂഹവും തന്നെ പീഡിപ്പിക്കുന്നതായാണ് ജസ്‌നയുടെ ആണ്‍സുഹൃത്തിന്റെ പരാതി. പോലീസ് ഇതുവരെ പത്തിലേറെ തവണ തന്നെ ചോദ്യം ചെയ്തു. താന്‍ ജസ്‌നയുടെ കാമുകനല്ല. ജസ്‌നക്ക് മറ്റ് പ്രണയമുണ്ടോയെന്ന കാര്യം അറിയില്ല. മരിക്കാന്‍ പോകുന്നുവെന്നാണ് ജസ്‌ന അവസാനമായി സന്ദേശം അയച്ചത്. മുമ്പും ഇത്തരം സന്ദേശങ്ങള്‍ അയച്ചിരുന്നു. സന്ദേശത്തിന്റെ കാര്യം പോലീസിനോടും ബന്ധുക്കളോടും പറഞ്ഞിരുന്നുവെന്നും ഇയാള്‍ വ്യക്തമാക്കി.

 

 

LIVE NEWS - ONLINE

  • 1
    4 hours ago

    സംസ്ഥാനത്ത് ജൂലായ് 31 വരെ വൈദ്യുതി നിയന്ത്രണം ഉണ്ടാവില്ല

  • 2
    4 hours ago

    കാണാതായ വിദ്യാര്‍ഥിയുടെ മൃതദേഹം കണ്ടെത്തി

  • 3
    7 hours ago

    പമ്പവരെ സ്വകാര്യ വാഹനങ്ങള്‍ക്ക് പോകാമെന്ന് ഹൈക്കോടതി

  • 4
    8 hours ago

    കര്‍ണാടകയില്‍ വ്യാഴാഴ്ച വിശ്വാസ വോട്ടെടുപ്പ്

  • 5
    10 hours ago

    എസ്.എഫ്.ഐക്കാരന്റെ വീട്ടില്‍ സമാന്തര പി.എസ്.സി ഓഫീസ്: മുല്ലപ്പള്ളി

  • 6
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 7
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 8
    11 hours ago

    കള്ളുംകുടിച്ചു ഭക്ഷണവും കഴിച്ചു; 100 രൂപ ടിപ്പ് വെച്ച് മോഷ്ടാക്കള്‍ സ്ഥലംവിട്ടു

  • 9
    11 hours ago

    പോലീസ് റാങ്ക് ലിസ്റ്റില്‍ അപാകതയെന്ന് സംശയം; നിയമനങ്ങള്‍ക്ക് താത്കാലിക സ്‌റ്റേ