Friday, April 26th, 2019

കാണാതായ വിദ്യാര്‍ത്ഥിനി ബംഗളൂരുവില്‍ എത്തിയതായി സൂചന

വാഹനാപകടത്തില്‍ പരിക്കേറ്റ ജെസ്‌ന ബംഗളൂരു നിംഹാന്‍സ് ആശുപത്രിയില്‍ ചികിത്സ തേടിയിരുന്നു.

Published On:May 9, 2018 | 10:11 am

ബംഗളൂരു: എരുമേലിയില്‍ നിന്ന് കാണാതായ രണ്ടാം വര്‍ഷ ബിരുദ വിദ്യാര്‍ത്ഥി ജെസ്‌ന മരിയ ജെയിംസ് (20) ബംഗളൂരുവില്‍ എത്തിയതായി സൂചന. താമസിക്കാന്‍ മുറി അന്വേഷിച്ച് ബംഗളൂരു മടിവാളയിലെ ആശ്വാസ ഭവനിലാണ് സുഹൃത്തിനൊപ്പം ജെസ്‌ന എത്തിയത്. മുറിയില്ലെന്ന് അറിഞ്ഞതോടെ ജെസ്‌ന മൈസൂരുവിലേക്കെന്ന് പറഞ്ഞ് പോയതായി ആശ്വാസഭവന്‍ അധികൃതര്‍ പറഞ്ഞു.
മാര്‍ച്ച് 22നാണ് വെച്ചൂച്ചിറ കൊല്ലമുള ജെയിംസ് ജോസഫിന്റെ ഇളയമകള്‍ ജെസ്‌നയെ കാണാതായത്. കാഞ്ഞിരപ്പള്ളി കോളേജില്‍ രണ്ടാം വര്‍ഷ ബി.കോം വിദ്യാര്‍ത്ഥിനിയായ ജസ്‌ന കൊല്ലമുളയിലെ വീട്ടില്‍നിന്ന് ഓട്ടോറിക്ഷയില്‍ മുക്കൂട്ടുതറയിലും അവിടെനിന്ന് ബസില്‍ എരുമേലി ബസ് സ്റ്റാന്‍ഡിലും എത്തി. പിന്നീടാണ് കാണാതായത്.
ശനിയാഴ്ച 11.30 ഓടെ ഒരു യുവാവിനൊപ്പം ബൈക്കിലാണ് ജെസ്‌നയെത്തിയത്. വാഹനാപകടത്തില്‍ പരിക്കേറ്റ ജെസ്‌ന ബംഗളൂരു നിംഹാന്‍സ് ആശുപത്രിയില്‍ ചികിത്സ തേടിയിരുന്നു. ഇവര്‍ സഞ്ചരിച്ചിരുന്ന ബൈക്ക് ഓട്ടോറിക്ഷയില്‍ ഇടിക്കുകയായിരുന്നു. പിന്നീടാണ് ആശ്വാസഭവനില്‍ എത്തിയത്. കാണാതാവുമ്പോഴത്തെ ഫോട്ടോയിലുള്ള അതേ സ്‌കാര്‍ഫ് കൊണ്ട് ജെസ്‌ന തല മറച്ചിരുന്നു. മാധ്യമങ്ങളില്‍ ചിത്രങ്ങള്‍ കണ്ടതോടെയാണ് ആശ്രമ അധികൃതര്‍ക്ക് സംശയം തോന്നിയത്. തുടര്‍ന്ന് പള്ളിയുമായി ബന്ധപ്പെട്ട് വിവരം കാഞ്ഞിരപ്പള്ളിയിലെ വൈദികനെ അറിയിക്കുകയായിരുന്നു. വിവരം പോലീസിനെ അറിയിച്ചിട്ടുണ്ട്. അന്വേഷണ സംഘം ഇന്ന് ബംഗളൂരുവിലേക്ക് പോയേക്കും.

 

LIVE NEWS - ONLINE

  • 1
    11 mins ago

    റാഖയില്‍ 1,600ലേറെ സാധാരണക്കാര്‍ കൊല്ലപ്പെട്ടു

  • 2
    18 mins ago

    സിനിമാ ചിത്രീകരണത്തിനിടെ നടി രജിഷക്ക് പരിക്ക്

  • 3
    23 mins ago

    രാജസ്ഥാന് മിന്നും ജയം

  • 4
    35 mins ago

    ആലപ്പുഴയില്‍ വാഹനാപകടം; മൂന്നു കണ്ണൂര്‍ സ്വദേശികള്‍ മരിച്ചു

  • 5
    12 hours ago

    കനത്ത മഴയ്ക്ക് സാധ്യത: നാല് ജില്ലകളില്‍ യെല്ലോ അലര്‍ട്ട്

  • 6
    13 hours ago

    നിലമ്പൂരില്‍ കനത്ത മഴയില്‍ മരം വീണ് മൂന്ന് മരണം

  • 7
    14 hours ago

    ന്യൂനമര്‍ദം: കേരളത്തില്‍ മുന്‍കരുതല്‍ നടപടികള്‍ സ്വീകരിച്ചതായി റവന്യൂ മന്ത്രി

  • 8
    17 hours ago

    ചീഫ് ജസ്റ്റിസിനെതിരായ ഗൂഢാലോചന അന്വേഷിക്കും; സുപ്രീം കോടതി

  • 9
    19 hours ago

    മലമ്പനി തടയാന്‍ മുന്‍കരുതല്‍ നടപടി