Friday, November 24th, 2017

ഇര്‍മ ചുഴലി; ഫ്‌ളോറിഡയില്‍ നാല് മരണം

ശക്തമായ നാലാം കാറ്റഗറിയില്‍ പെട്ട ചുഴലിക്കാറ്റാണ് ഇര്‍മ. ശക്തമായ കാറ്റിനൊപ്പം കനത്ത മഴ പെയ്യുന്നുമുണ്ട്.

Published On:Sep 11, 2017 | 9:22 am

വാഷിംഗ്ടണ്‍: ഇര്‍മ ചുഴലിക്കാറ്റില്‍ നാല് മരണം. രണ്ട് കാറുകള്‍ അപകടങ്ങളില്‍ പെട്ടാണ് നാല് പേര്‍ മരിച്ചത്. ഇന്നലെ രാവിലെ 9 മണിയോടെ ഫ്‌ളോറിഡ കീസ് ദ്വീപിലാണ് ചുഴലി ആദ്യമായി കര തൊട്ടത്. മിനുട്ടുകള്‍ക്കുള്ളില്‍ ദ്വീപ് മുഴുവന്‍ കാറ്റിന്റെ പിടിയിലമര്‍ന്നു. ദ്വീപിലെ ജനങ്ങള്‍ ഷെല്‍ട്ടറുകളില്‍ ഭയചകിതരായി കഴിയുകയാണ്.
ശക്തമായ നാലാം കാറ്റഗറിയില്‍ പെട്ട ചുഴലിക്കാറ്റാണ് ഇര്‍മ. ശക്തമായ കാറ്റിനൊപ്പം കനത്ത മഴ പെയ്യുന്നുമുണ്ട്. മയാമി നദിയില്‍ വെള്ളപ്പൊക്കം രൂക്ഷമായതോടെ കരകവിഞ്ഞ് ഒഴുകുകയാണ്. പല സ്ഥലങ്ങളും വെള്ളത്തിലായി. വൈദ്യുതി ബന്ധങ്ങള്‍ തകര്‍ന്നതോടെ പത്ത്‌ലക്ഷം ജനങ്ങള്‍ ഇരുട്ടിലാകും. ദുരന്ത ഭീതിയില്‍ 63 ലക്ഷം ജനങ്ങളെയാണ് ഒഴിപ്പിക്കുന്നത്. കടല്‍ത്തിരകള്‍ തീരത്തേക്ക് ആഞ്ഞടിക്കുകയാണ്. നിലവധി ബോട്ടുകള്‍ കൂടിയിടിച്ച് തകര്‍ന്ന് കരയിലേക്ക് അടിച്ചു കയറിയിട്ടുണ്ട്. നിരവധി മരങ്ങള്‍ കടപുഴകി വീണ് ഒട്ടേറെ വാഹനങ്ങള്‍ തകര്‍ന്നു.
ഇര്‍മ നാശം വിതച്ച ദുരിതമേഖലയിലെ ഇന്ത്യക്കാര്‍ സുരക്ഷിതരാണെന്ന് കേന്ദ്ര സര്‍ക്കാര്‍ അറിയിച്ചു. കരാക്കസ്, ഹവാന, ജോര്‍ജ് ടൗണ്‍, പോര്‍ട് ഓഫ് സ്‌പെയ്ന്‍ എന്നിവിടങ്ങളില്‍നിന്ന് ഇന്ത്യക്കാരെ പൂര്‍ണമായും സുരക്ഷിത കേന്ദ്രങ്ങളിലേക്കു മാറ്റിയതായി വിദേശകാര്യ മന്ത്രി സുഷമ സ്വരാജ് ട്വിറ്ററില്‍ അറിയിച്ചു. അമേരിക്കന്‍ തീരത്ത് ഇര്‍മ ചുഴലിക്കാറ്റ് ആഞ്ഞടിക്കുന്ന പശ്ചാത്തലത്തില്‍ ഇന്ത്യക്കാര്‍ക്ക് നാട്ടിലെത്താനുള്ള സൗകര്യവും സര്‍ക്കാര്‍ ഒരുക്കിയിട്ടുണ്ട്.

 

 

LIVE NEWS - ONLINE

  • 1
    1 min ago

    ഹൈക്കോടതി വിധിക്കെതിരെ ചാണ്ടി സുപ്രീം കോടതിയില്‍

  • 2
    24 mins ago

    ലൈസസന്‍സില്ലാത്ത ക്വാറിയില്‍ അപകടം; രണ്ടു മരണം, ഏഴുപേര്‍ക്ക് പരിക്ക്

  • 3
    29 mins ago

    നാഗ്പൂരില്‍ ലങ്ക വിയര്‍ക്കുന്നു

  • 4
    33 mins ago

    ലോകസുന്ദരിപ്പട്ടം നേടിയ സമയം മാനുഷി ധരിച്ച ഗൗണിന്റെ വില കേട്ടാല്‍ ഞെട്ടും.!..

  • 5
    2 hours ago

    കുറിഞ്ഞി ഉദ്യാനം; കള്ളനെ താക്കോല്‍ ഏല്‍പ്പിക്കരുതെന്ന് ചെന്നിത്തല

  • 6
    2 hours ago

    ചുംബനരംഗം അഭിനയിച്ചാല്‍ ആകാശം ഇടിഞ്ഞുവീഴില്ല

  • 7
    2 hours ago

    റുബെല്ല കുത്തിവെപ്പെടുക്കാനെത്തിയവര്‍ക്ക് മര്‍ദനം; രണ്ടുപേര്‍ അറസ്റ്റില്‍

  • 8
    3 hours ago

    നോക്കിയ 2 സ്മാര്‍ട്‌ഫോണ്‍ ഇന്ത്യയില്‍

  • 9
    3 hours ago

    യുപിയില്‍ ട്രെയിന്‍ പാളം തെറ്റി; മൂന്നു മരണം