Sunday, January 20th, 2019

കോലിക്കരുത്തില്‍ ഇന്ത്യന്‍ വിജയഗാഥ

കോഹ്ലി 159 പന്തില്‍നിന്ന് 12 ബൗണ്ടറികളും രണ്ടു സിക്‌സറുകളുമടക്കം 160 റണ്‍സ് നേടി പുറത്താകാതെനിന്നു.

Published On:Feb 8, 2018 | 9:54 am

കേപ്ടൗണ്‍: ദക്ഷിണാഫ്രിക്കക്കെതിരെ ഇന്ത്യക്ക് മൂന്നാം ജയം. യുസ്‌വേന്ദ്ര ചഹലിന്റെയും കുല്‍ദീപ് യാദവിന്റെയും കൈക്കുഴ സ്പിന്നിനു മുന്നില്‍ തകര്‍ന്നടിഞ്ഞ ദക്ഷിണാഫ്രിക്ക പരാജയപ്പെട്ടത് 124 റണ്‍സിന്. ഇന്ത്യ ഉയര്‍ത്തിയ 304 റണ്‍സ് വിജയലക്ഷ്യം പിന്തുടര്‍ന്ന ആതിഥേയര്‍ 179 റണ്‍സിന് എല്ലാവരും പുറത്തായി. കുല്‍ദീപ് യാദവ് 24 റണ്‍സ് വഴങ്ങി നാലു വിക്കറ്റ് നേടിയപ്പോള്‍ 46 റണ്‍സ് വഴങ്ങിയായിരുന്നു ചാഹലിന്റെ നാലു വിക്കറ്റ് നേട്ടം. ശേഷിച്ച രണ്ടു വിക്കറ്റ് ജസ്പ്രീത് ബുംറ നേടി.
ജയത്തോടെ ഇന്ത്യ പരമ്പരയില്‍ 3-0 എന്ന ലീഡ് നേടി. ദക്ഷിണാഫ്രിക്കയില്‍ ആദ്യമായാണ് ഇന്ത്യന്‍ ടീം തുടര്‍ച്ചയായ മൂന്ന് ഏകദിനങ്ങള്‍ വിജയിക്കുന്നത്. ആറു മത്സര പരമ്പരയില്‍ ഇന്ത്യക്ക് ഇനി പരാജയഭീതിയില്ലാതെ കളിക്കാം. 51 റണ്‍സ് നേടിയ ജെ.പി.ഡുമിനിയാണ് ദക്ഷിണാഫ്രിക്കന്‍ ടോപ് സ്‌കോറര്‍. നായകന്‍ എയ്ഡന്‍ മാര്‍ക്രം 32 റണ്‍സും ഡേവിഡ് മില്ലര്‍ 25 റണ്‍സും നേടി. മറ്റാര്‍ക്കും ഇന്ത്യന്‍ ബൗളിംഗിനെതിരേ പൊരുതാന്‍ പോലും കഴിഞ്ഞില്ല.
നേരത്തെ, നായകന്‍ വിരാട് കോഹ്ലിയുടെ ബാറ്റ് വീണ്ടും തീ തുപ്പിയപ്പോള്‍ ഇന്ത്യ മികച്ച സ്‌കോര്‍ സ്വന്തമാക്കിയിരുന്നു. ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ നിശ്ചിത 50 ഓവറില്‍ ആറു വിക്കറ്റ് നഷ്ടത്തില്‍ 303 റണ്‍സ് നേടി. 160 റണ്‍സ് നേടിയ വിരാട് കോഹ്ലിയുടെ ഇന്നിംഗ്‌സാണ് ഇന്ത്യയെ മുന്നോട്ടു നയിച്ചത്. 119 പന്തില്‍നിന്നു സെഞ്ചുറി തികച്ച കോഹ്ലി 159 പന്തില്‍നിന്ന് 12 ബൗണ്ടറികളും രണ്ടു സിക്‌സറുകളുമടക്കം 160 റണ്‍സുമായി പുറത്താകാതെനിന്നു.
കോഹ്ലിക്കു പുറമേ ഓപ്പണര്‍ ശിഖര്‍ ധവാനും ദക്ഷിണാഫ്രിക്കന്‍ ബൗളിംഗിനെ പ്രതിരോധിക്കാനായി. ധവാന്‍ 63 പന്തില്‍ 76 റണ്‍സ് നേടി. തുടര്‍ച്ചയായ രണ്ടാം മത്സരത്തിലാണ് ധവാന്‍ അര്‍ധസെഞ്ചുറി നേടുന്നത്.

 

LIVE NEWS - ONLINE

  • 1
    12 hours ago

    നേപ്പാളും ഭൂട്ടാനും സന്ദര്‍ശിക്കാനുള്ള യാത്രാരേഖയായി ഇനി ആധാറും ഉപയോഗിക്കാം

  • 2
    14 hours ago

    കോട്ടയത്ത് കെ.എസ്.ആര്‍.ടി.സി. ബസ് മറിഞ്ഞ് അയ്യപ്പഭക്തര്‍ക്ക് പരിക്ക്

  • 3
    17 hours ago

    മധ്യപ്രദേശില്‍ ബിജെപി നേതാവിനെ മരിച്ച നിലയില്‍ കണ്ടെത്തി

  • 4
    20 hours ago

    ശബരിമല വിഷയത്തില്‍ ഏത് ചര്‍ച്ചയ്ക്കും തയ്യാറെന്ന് പന്തളം കൊട്ടാരം

  • 5
    21 hours ago

    സാക്കിര്‍ നായിക്കിന്റെ 16.4 കോടി രൂപയുടെ സ്വത്ത് കണ്ടുകെട്ടി

  • 6
    1 day ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 7
    1 day ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 8
    2 days ago

    മോദി ഇന്ത്യയെ തകര്‍ത്തു: മമത

  • 9
    2 days ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം