Monday, July 15th, 2019

മഴയും നീരൊഴുക്കും കുറഞ്ഞു; ചെറുതോണി ഡാമിന്റെ ഷട്ടറുകള്‍ ഉടന്‍ തുറക്കില്ല

ജലനിരപ്പ് ഉയരുന്ന സാഹചര്യത്തില്‍ ഇടുക്കി ഡാം തുറന്ന് വിടേണ്ടത് അനിവാര്യമാണെന്ന് കഴിഞ്ഞ ദിവസം നടന്ന മന്ത്രിസഭാ യോഗം വിലയിരുത്തിയിരുന്നു.

Published On:Aug 2, 2018 | 9:43 am

ഇടുക്കി: ഡാമിന്റെ വൃഷ്ടിപ്രദേശത്ത് മഴയും നീരൊഴുക്കും കുറഞ്ഞ സാഹചര്യത്തില്‍ ചെറുതോണി ഡാമിന്റെ ഷട്ടറുകള്‍ ഉടന്‍ തുറക്കേണ്ടി വരില്ലെന്ന് സൂചന. 2400 അടിയെത്തുന്നതിന് മുമ്പ് തുറന്നുവിടേണ്ട ആവശ്യമില്ലെന്നാണ് ഉദ്യോഗസ്ഥരുടെ നിലപാട്. അതേസമയം, മഴ ശക്തമാവുകയും നീരൊഴുക്ക് തുടരുകയും ചെയ്താല്‍ ഷട്ടറുകള്‍ തുറക്കേണ്ടി വരുമെന്നും അധികൃതര്‍ കണക്കാക്കുന്നു.
രാവിലെ എട്ടുമണിക്ക് എടുത്ത റീഡിംഗില്‍ 2396.12 അടിയാണ് അണക്കെട്ടിലെ ജലനിരപ്പ്. സംഭരണശേഷിയുടെ 91.83% വെള്ളം ഇപ്പോള്‍ അണക്കെട്ടിലുണ്ട്. അണക്കെട്ടിലെ ജലനിരപ്പ് 2395 ആയതിന് പിന്നാലെ ഓറഞ്ച് അലര്‍ട്ട് പ്രഖ്യാപിച്ചിരുന്നു. എന്നാല്‍ ഇതിന് ശേഷം ഒരടി മാത്രമാണ് ജലനിരപ്പില്‍ ഉയര്‍ച്ചയുണ്ടായത്.
ജലനിരപ്പ് ഉയരുന്ന സാഹചര്യത്തില്‍ ഇടുക്കി ഡാം തുറന്ന് വിടേണ്ടത് അനിവാര്യമാണെന്ന് കഴിഞ്ഞ ദിവസം നടന്ന മന്ത്രിസഭാ യോഗം വിലയിരുത്തിയിരുന്നു. ഇക്കാര്യത്തില്‍ ഉചിതമായ നടപടികള്‍ സ്വീകരിക്കാന്‍ വൈദ്യുത മന്ത്രി എം.എം.മണിയെ യോഗം ചുമതലപ്പെടുത്തുകയും ചെയ്തു. ഈ സാഹചര്യത്തില്‍ എം.എം മണി ഇന്ന് അടുക്കി അണക്കെട്ട് സന്ദര്‍ശിക്കുന്നുണ്ട്. കളക്ട്രേറ്റില്‍ മന്ത്രിയുടെ നേതൃത്വത്തില്‍ യോഗവും നടക്കും. പരീക്ഷണ തുറക്കല്‍ സംബന്ധിച്ച കാര്യങ്ങള്‍ ഈ യോഗത്തിലായിരിക്കും തീരുമാനിക്കുക.

 

LIVE NEWS - ONLINE

  • 1
    4 hours ago

    സംസ്ഥാനത്ത് ജൂലായ് 31 വരെ വൈദ്യുതി നിയന്ത്രണം ഉണ്ടാവില്ല

  • 2
    4 hours ago

    കാണാതായ വിദ്യാര്‍ഥിയുടെ മൃതദേഹം കണ്ടെത്തി

  • 3
    7 hours ago

    പമ്പവരെ സ്വകാര്യ വാഹനങ്ങള്‍ക്ക് പോകാമെന്ന് ഹൈക്കോടതി

  • 4
    8 hours ago

    കര്‍ണാടകയില്‍ വ്യാഴാഴ്ച വിശ്വാസ വോട്ടെടുപ്പ്

  • 5
    10 hours ago

    എസ്.എഫ്.ഐക്കാരന്റെ വീട്ടില്‍ സമാന്തര പി.എസ്.സി ഓഫീസ്: മുല്ലപ്പള്ളി

  • 6
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 7
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 8
    11 hours ago

    കള്ളുംകുടിച്ചു ഭക്ഷണവും കഴിച്ചു; 100 രൂപ ടിപ്പ് വെച്ച് മോഷ്ടാക്കള്‍ സ്ഥലംവിട്ടു

  • 9
    11 hours ago

    പോലീസ് റാങ്ക് ലിസ്റ്റില്‍ അപാകതയെന്ന് സംശയം; നിയമനങ്ങള്‍ക്ക് താത്കാലിക സ്‌റ്റേ