Wednesday, April 24th, 2019

ഇടുക്കിയില്‍ ജലനിരപ്പ് 2395.26 അടിയായി ഉയര്‍ന്നു

റെഡ് അലര്‍ട്ട് നല്‍കി 15 മിനിറ്റിനു ശേഷം ഡാം തുറക്കും.

Published On:Jul 31, 2018 | 9:21 am

ഇടുക്കി: ഇടുക്കി അണക്കെട്ടിലെ ജലനിരപ്പ് ഇന്ന്് രാവിലെ ആറോടെ 2395.26 അടിയായി ഉ!യര്‍ന്നു. അണക്കെട്ടില്‍ വീണ്ടും ജലനിരപ്പ് ഉയര്‍ന്നാല്‍ ട്രയല്‍ റണ്‍ നടത്തും. ജലനിരപ്പ് 2,399 അടിയിലെത്തുമ്പോള്‍ റെഡ് അലര്‍ട്ട് നല്‍കി ഡാം തുറക്കുമെന്നാണു അറിയിച്ചിരിക്കുന്നത്.
ജലനിരപ്പ് 2395 അടിയിലെത്തിയ ഉടനെ കെഎസ്ഇബി അതിജാഗ്രതാ നിര്‍ദേശം (ഓറഞ്ച് അലര്‍ട്ട്) പുറപ്പെടുവിച്ചിരുന്നു. ജലനിരപ്പ് ഉയര്‍ന്നാല്‍ റെഡ് അലര്‍ട്ട് നല്‍കും. റെഡ് അലര്‍ട്ട് നല്‍കി 15 മിനിറ്റിനു ശേഷമാണ് തുറക്കുന്നത്. അതിനുമുമ്പേ സുരക്ഷാക്രമീകരണം പൂര്‍ത്തിയാക്കും. പകല്‍ മാത്രമെ അണക്കെട്ടു തുറക്കാവൂ എന്ന് വൈദ്യുതി മന്ത്രി നിര്‍ദേശിച്ചിട്ടുണ്ട്.
അണക്കെട്ടിന് താഴെ പ്രദേശങ്ങളിലുള്ളവര്‍ക്കും ചെറുതോണിപ്പുഴയുടെയും പെരിയാറിന്റെയും കരകളില്‍ താമസിക്കുന്നവര്‍ക്കും ജാഗ്രതാ നിര്‍ദേശം നല്‍കിയിട്ടുണ്ട്. ആശങ്ക വേണ്ടെന്നും അടിയന്തര സാഹചര്യമുണ്ടായാല്‍ കുടുംബങ്ങളെ സുരക്ഷിത സ്ഥാനത്തേക്കു മാറ്റുമെന്നും ഇടുക്കി ജില്ലാ കലക്ടര്‍ കെ.ജീവന്‍ ബാബു അറിയിച്ചു.
അണക്കെട്ടിലെ ജലനിരപ്പ് സസൂക്ഷ്മം നിരീക്ഷിച്ചു വരികയാണെന്ന് വൈദ്യുതി ബോര്‍ഡ് ചീഫ് എന്‍ജിനീയര്‍ അറിയിച്ചു. സ്ഥിതി വിലയിരുത്താന്‍ കണ്‍ട്രോള്‍ റൂം തുറന്നിട്ടുണ്ട്. പ്രത്യേകം സജ്ജീകരിച്ച മുറിയിലാണ് കണ്‍ട്രോള്‍ റൂം ക്രമീകരിച്ചത്.

 

LIVE NEWS - ONLINE

  • 1
    8 hours ago

    ടിക് ടോക് നിരോധനം മദ്രാസ് ഹൈക്കോടതി നീക്കി

  • 2
    9 hours ago

    ശ്രീനഗറില്‍ പാക് തീവ്രവാദി പിടിയില്‍

  • 3
    12 hours ago

    കെവിന്‍ വധം; സാക്ഷി എഴു പ്രതികളെ തിരിച്ചറിഞ്ഞു

  • 4
    12 hours ago

    അരിമ്പ്രയില്‍ നടന്നത് ചീമേനി മോഡല്‍ ആക്രമണം: എം വി ജയരാജന്‍

  • 5
    14 hours ago

    ഷുഹൈബ് വധം; നാലു പ്രതികള്‍ക്ക് ജാമ്യം

  • 6
    14 hours ago

    ജയിച്ചാലും തോറ്റാലും കള്ളവോട്ടിനെതിരെ പോരാടും: കെ സുധാകരന്‍

  • 7
    14 hours ago

    ഇനി കണക്കുകൂട്ടലിന്റെ ദിനങ്ങള്‍

  • 8
    17 hours ago

    ഉയര്‍ന്ന പോളിംഗ് കോണ്‍ഗ്രസിന് ഗുണം ചെയ്യും: തരൂര്‍

  • 9
    18 hours ago

    സംസ്ഥാനത്ത് പോളിംഗ് 77.67 ശതമാനം